Analysis Services
السلاااااااااااااااااام عليكم ورحمته الله وبركاته
كل عام وانتوا الى الله اقرب
اللهم بلغنا رمضان اعواما مديده
اللهم سلمنا الى رمضان وسلمنا له وتسلمه منا متقبلا امين يارب العالمين

اولا نصيحه لكل أمرأه انتي المدرسه التي تخرج اجيال المستقبل فأرجوك احرصي في هذا الشهر الفضيل
على ان تعيني زوجك واولادك على الصلاه في اوقاتها وقراه القران لان السهر في رمضان يعمل عمايله ويخلينا ننام على الفروض
والتلفزيون والمسلسلات حاولي معاهم مايشوفونها
والله يكتب لنا الاجر
واتمنى من كل اخت انها لمن تطبخ تغرف شوي لاقرب مسجد او انها ترسل احد يشتري لها ب10 ريال عصيرات ومويه ويوديها المسجد ترى افطار الصائم له اجر عظيم الله يتقبل مننا

الان نداااااااااااااااااااااااااااااااااااااء يا اهل النشوه والنخوه والمروه
انا رمضان هسنه ثاني سنه لي مع زوجي وطبعا رمضان العام كنت عروس وماشبيت النار في فبيتي كله من برا
وهسنه اهل زوجي بيجون يفطرون عندي وانا ياغافلين لكم الله ما اعرف اسوي شي
ورجااااااااااااااااااااااء لاتجي وحده وتتفلسف علي انا مو فرحانه اني ما اعرف بالعكس انا ودي اتعلم واصير احسن طباخه بس ما ادري ليه فيني كسل اعوذ بلله وثانيا عندي رهبه اني افشل في اي اكله اسويها يعني يجيني احباط >>>طولتها وهي قصيره
المهم ابيكم تساعدوني تحطولي طرق اكلات او روابط محفوظه عندكم من حق رمضان العام علشان ابي احفظها عندي واسويها بأذن الله لمن يشرفون اهل الغالي
واتمنى تكون اشياء حلوه وسهله علشان لا اتورط لان العزيمه رجال وحريم يعني الصنف بيصير دبل
وبيجوني اول خميس برمضان >>>نفسي اعرف مين الي جاب فكره انهم يفطرون عند حريم عيالهم طول عمرهم يفطرون في بيتهم ونحنا نجي نفطر في بيت العايله >>>يلا مو مشكله لاجل عينتكرم مدينه
27-08-1431 هـ, 05:24 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
امري حبيبتي وش تبين بالضبط ولاتخافين ترى اللي تحب الطبخ وتبي تبدع بتبدع بس وش تامرين عليه حلى موالح صواني ايش بالضبط
27-08-1431 هـ, 05:27 صباحاً
 
الله يعينك

انتي كثري الاصناف الرئيسيه زي السنبوسه والشوربه

وسوي جريش
والمكرونه اهمشي لانها تعبي السفره وسويها حمرا بالقدر كن بتسوين رز سهله وماتاخذ وقت سويها بالدجاج او اللحم المفروم

والكستر طبعا والكريم كراميل والمنتو الكذااااااااب سهل مره ماياخذ وقت

نصيحه خذي ورقه وقلم وحاولي ترتبين افكارك ووش بتسوين عشان ماتلخبطين وكل يوم بيومه لو مجرد افكار مبدئيه

واي شي ترا نعين ونعاون
27-08-1431 هـ, 05:37 صباحاً
 
هلابك يالغلا

كل عام وانتي بخير وعساها زواجه العمر

حبيبتي ماله داعي الخوف والقلق ابد

انتي صار لك سنه عند زوجك يعني لابد اكل من طبخك

وبالنسبه لاهل زوجك مستحيل يفطرون عندك كل يوم بحكم انك شخص واحد فقط

الطبخ مايبي له الا دقه وتطبيق فقط

الشهر راح يعدي بخيره ولا راح يجيك الا كل علم غانم وكلن يحبك ويحب طبخك

انا ماراح اعطيك طبخه معينه لان الطبخاااات كثيبر

والاخوات هنا ماقصرن عندك اطباق رئيسيه وحلى ومعجنات حاولي تاخذين اللي يروق لك

مابي احدد لك شي معين واربطك توسعي باللي تبين

والله يسهل لك حياتك كلها
27-08-1431 هـ, 05:38 صباحاً
 
والله الطبخ حلو ومايخوف تدربي هاليومين على عمل
الشوربه مهمه برمضان
واي صنف تدخل فيه المكرونه
وسلطه
وفطاير جبن ولحم
وسمبوسه
وعصاير
وحلى نوعين ومن قبل بيوم سويه بالثلاجه
وبعد اصابع الجبن معالقهوه روعه وتتفرزن



بس ا نتي شدي حيلك واستعيني بالله واتركي الكسل وان شاء الله تبيضي وجه زوجك

والمنتدى مليان بس سوي بحث وتحصلين كل شي

ادعيلي بصلاح النيه والذريه
27-08-1431 هـ, 05:41 صباحاً
 


الساعة الآن 10:26 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏