بسم الله الرحمن الرحيم

و الصلاة و السلام على خير الانبياء و المرسلين

شلونكم بنات و مشرفات و مبارك عليكم الشهر مقدما


يا الغاليات انا من زمان نفسي بشوربة الشوفان و شريت العام الشوفان و ما سويته

عاد السنة هذي لزمت عشان رمضان كنوع من التغيير

و الله شريت الشوفان و على طول للمطبخ ولا اسهل ولا الذ ولا اطعم بدون تعب

شوربة الشوفان بالخضار

5 ملاعق شوفان ( انا شريت هالي رخيص و حلو)
بطاطه متوسطة الحجم
جزره كبيره
بصلة كبيره
فليفلة متوسطة
بهورات مشكلة الي عندك ( ليمون فلفل قليل اسود لا تكثرون ترا تصير حارقة ولو تشيلونه افضل يعني ربع ملعقة صغيره الي حقت بيالة الشاي كركم )
ملعقة متوسطة معجون ( انا ما حطيتها بس للي يحبون طعم الطماط)
قطعو الخضار كلها حجم متوسط لانها بتنطحن بالخلاط ثم اقلوها بالزيت و املحوها و
بهروها بعدين حطو الشوفان مثل ما قلت لكم بس 5 ملاعق لانه بيقب كثير ماشاء الله عليه
و صبو كوبين ماي تقريبا و اذا غلى طمنو عليها لمدة ربع ساعه يكون كل شي استو

انطروها شوي تبرد عشان لا تخرب الخلاط ثم اطحنوها بالخلاط

طبعا بتصير خاثره حييييييييل عاد زودو بالماي لين الكثافه الي تحبوها

و علو النار اذا غلت حطو الشعيرية الصغيره الي حقت الشوربة و حطوها بالتدريج عشان لا تتعلبج ويا بعض
و طمنو النار يبيلها من 3 الى 5 دقايق بس

و اشربوها بالهنا و الشفا

هذي من غير الدجاج و اللحم و تهبل اجل وشلون مع واحد منهم

المقدار ترا يكفي ل6 اشخاص

ممكن تحطون اي نوع من الخضار تحبون مثلا قرع و النبي صلى الله عليه و سلم كان يحب القرع
و جربوها و ادعو لي و للمسلمين
ترا طعمها قريب من العدس بس اسهل و اسرع من شوربة العدس بكثييييييييييييييييير
جربيها مره و بتدمنينها
لان الشوفان ما ينغسل ولا يتنقع ولا يطول بالطبخ

ممكن الطيق هذا ينفع لاهل الريجيم
تسلم ايدينك

طبق صحي وحلوو وخفيف
تسلم ايدينك


حساب انستقرام @soso.shopp2
0534763025 واتس اب
طووووووول عمري اسويها بشوفاااااااااااااان ولا اقبل اسويها بالحب مستحييييييييييييييييل
احس نكهة رمضااااااااااااااااااااااااان ماتطلع الا بشربة الشوفاااااااااااان هههههههههه قصيده
ياحلــــــــــو الرجيــــم وجبـــــــــة مشهيه اواسي نفسي
انا ابغي طريقة الشوربه لكن بدووون خضااار اذا ممكن بالدجاج واللحم


ويعطيك العافيه


الساعة الآن 11:35 .