السلام عليكم ياعزيزااااااتي
ومبارك شهركم
وتقبل ربنا صيامكم وقيامكم واحنا والمسلمين يارب


والله اول يوم فطور مرتبكه وحايسه وصاحيه من بدري من اني نعسااانه
خايفه الاكل مايضبط معاي واكسب في هالمزيون ذنب>>>


المشكله انه عاقد الامآل فيني ورامي كل تجاربي الفاشله وراه ومذلل الافكار السودا الي تجيني من فتره لفتره ان الاكل ماراح يضبط ,, ويقووووووول كل شي من ايدك حلو>>>>> ياويلي ويلاااااه


المهم بنات تكون الوصفات لذيذه وطعمها حلو ومقاديرها مو كثيره لان من غير شر بس راسي وراسه الله يخلينا لبعض ولايحرمني رضاه يارب

الوصفات الي ابيها


شورية الكويكر
شوربة العدس
عجينة الفطاير والي تكتب لي حشوات للفطاير جزاها ربي الف خير
المهلبيه >> لاتضحكون علي ولامره ضبطت معاي
وطريقة للكفته امس اشتريت الكفته جاهزه بس اكورها واطبخها ياليت تدلوني على وصفه سهله ولذيذه صديقتي تقول قدميها مع رز ابيض بعد ماتغمسينها بصالونة الطماطم





المهم بنات الله لايهينكم استعجلوووو
انقذوووني ترى لها دعوه من كل قلبي اللي بسوي وصفتها وتضبط






بانتظاااركم
01-09-1431 هـ, 01:12 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ههههههههههههههههههه يا حبيبتي الله يفرحك ويكون الاكل مافي الذ منه ان شاء الله وربي يفرحكم ببعض ويرزقكم الذرية الصالحة
رمضان كريم
01-09-1431 هـ, 01:17 مساءً
 
اقتباس مشاركة  (ورود الهناء)
ههههههههههههههههههه يا حبيبتي الله يفرحك ويكون الاكل مافي الذ منه ان شاء الله وربي يفرحكم ببعض ويرزقكم الذرية الصالحة
رمضان كريم


ااااااااااامين ياقلبي ولك مثل هالدعوه يالغلا مشكوورة عالدعوه ومبارك عليك الشهر
01-09-1431 هـ, 01:21 مساءً
 
شوربة العدس
حطي القدر على النار وشوية زيت ملعقتين كافي وحطي بصلة مفرومة ناعم وراس ثوم مفروم او اقل
واحمسيهم دقيقتين ع النار وجيبي العدس انا اغسل زبديه وانقعها بموية ساعه واصفيها وحطيها على البصل وحركيها
وملعقة فلفل اسود ورشة كمون وملح على حسب الرغبة ملعقتين اكل يكفي
وحطي مكعب ماجي وصبي عليها موية وغطي القدر 20 دقيقه بالضبط تكون استوت طفي عليها
بعد نص ساعه حطيها بالخلاط واضربيها ضربا مبرحا
بعدين لما كلها تختلط تصير كأنها كريمه تطييير العقل
رجعيها القدر وسخنيها قبل التقديم
طريقة التقديم
تصبيها بالزبدية وترشي ع الوجه خبز مقرمش مقلي زي حق الفتوش
ولذيذة مع الخبز الصامولي
زوجك راح يدمن عليها وبسيطة والكل يحبها


بالنسبة لشوربة الكويكر
احمسي مع الزيت بصله وثومه وحطي عليعا خمس طماطم مطحونات وخليهم على النار بعدين اضيفي عليها لو تحبي دجاج يكون مسلوق من قبل افضل واسهل واهم شي تحطي لومي (ليمون اسود وفلفل اسود وملح ) ورشة كمون
بعدين قبل لاتطفي عليها اضيفي نص كوب كويكر وصبيها بالخلاط (من دون الدجاج)
واضغطي بس ضغطتين واحد ثنين مو تطولي تخرب


العجينة انا ماظبطها والمهلبية كمان خايبة فيها

بالنسبة للكباب سوي صوص على جنب اما طماطم وبصل او سلطة لبن بالخيار ورز ابيض



ولانسينا من دعوة ياعسل
01-09-1431 هـ, 01:24 مساءً
 
ام عدنان مشكوورة حبيبتي عالوصفات ربي يسعدك ويوفقك ويتقبل طاعتك يارب زي مافدتيني
جعله الله فموازين حسناتك
01-09-1431 هـ, 01:33 مساءً
 


الساعة الآن 03:54 .