اب
الله يجزاكم خير جميعا على تفاعلكم معي وراح اجاوب عليكم كلكم بخصوص اللي قلتوه

اول شي انا عجينتي سمبوسة رقاق عادية اسمها ابو صالح وكل السنوات اللي راحت نستعملها ومن احلى مايكون بس هالسنة مدري وش فيها خربت علي
وثاني شي انا جايبة انتاج جديد يعني طازجة مو قديمة تاريخها جديد حق هالشهر
وثالث شي انا اذا لفيتها احطها بصينية افرش كل السمبوسات بعد اللف في الصحن كبير واجمدها ومتى ماجمدت اخذها واحطها بكيس نايلون واحطها بعلب كل يوم علبة بس الغريب اني يوم اجمدها ماكانت متكسرة ماتكسرت الا بعد حطيتها بالعلب
واللي تقول اغلفها ببيض وبقسماط احسها موب طالعة سمبوسة بتطلع زي الكبة والكفته وهيك يعني ماراح تصلح
رابعا واخيرا يمكن عشاني ماصفيتها صف فوق بعض انا حطيتها بشكل عشوائي بالكيسة وهذي غلطة مني بس الحين مشكلتي مابي اسوي ثانية الف سمبوسة لاني مسوية حق رمضان كله الله يحيينا ويعينا على صيامه وقيامه يارب ..

ابجرب اليوم احطها بطحين وحليب واشوف النتيجة وبعضها ابرممها بالطحين والموية مثل ماقالت وحدة من الاخوات واكيد ان شاء الله اعلمكم النتيجة وش بتصير ان نفعت والا مالنا الا ناكلها متكسرة والشكوى لله

وعموما الله يرفع قدركم ويزيل عنكم ذنوبكم وخطاياكم ويوفقكم على تجاوبكم معي ويرزقكم اللي تتمنون ياااااااااااااااارب وتراني طماعة الى الان ابي حلول ان كان عندكم
سبحان الله وبحمده .. سبحان الله العظيم ..
اقتباس مشاركة  (شقراويه راشديه)
اهلين اختي

وش نوع عجينتك

اذا بنت البلد ......سويتز او اشكالها فالحل غمسيها في لبن وبعدين دقيق تطلع شي خطير

اما اذا رقاق عادي فوالله ماعندي فكره والله يعينك


حتى وان كانت عادية الطريقة هاذي حلوة معها
مااقول الا

الله لايسلطني ولا يسلط علي
حبيت اعلمكم تجربتي اليوم

سويت اللي تقول ارممها بموية وطحين وماضبطت ابد هي هي ماتغير شي ولا راحت التشققات

وجربت اللي تقول نحطها بحليب وطحين يعني ماشي حالها شوي بس مو مرة وماطلعت طعمها سمبوسة طالعة كنها شي ثاني مدري وشو بس ضاق صدري لان التجارب فشلت بعد الله يعيييييييييييين

تكفون اذا فيه حل ثاني خبروني
سبحان الله وبحمده .. سبحان الله العظيم ..
للرفع
ساعدوني تكفون
سبحان الله وبحمده .. سبحان الله العظيم ..


الساعة الآن 04:43 .