وش إخباركم مع إول يوم صيااام إن شاء الله كل شئ تماااام ........
الصراااحه موضوعي من دون صور لإنه بعض الإصناف من تإليفي وبعضهن من خواتي بالمنتديات الثانيه إو من منتدى حواء وكل إمل بدعوه صادقه لي ولهن بظهر الغيب الله يجزاكن خير ولايحرمكن إجر مادعيتن ....
**إخيتي في الله إود إن إذكركِ...
إولاً : ذكر الله ثانياً:الإستغفار ثالثاً:الصدقه رابعاً: إفطار الصائم خامساً: قراءة القران والإذكار
سادساً: الدعاء لموتاكم ومرضاكم .....
======================


^&^ الحلى ^&^
ماشاء الله ... تبارك الله

1// بف السميد

شرائح بف باستري تقطع قطعتين و أربع حسب الرغبةوتحشى جبن كيري وممكن تفاح مع قرفة او قطعة تمر.
ثم تقلب في حليب سايل وسميد ممكن توضع في صينية وتدخل الفريزر ثم توضع في علبة وتخرج وقت الحاجه.
توضع في الفرن وتحمر من الأسفل والاعلى وتزينوتقدم

** ** **

2// بسبوسة البف باستري


بف بآستري انا اشتريت قليل الدسم
خليط جبن وقشطة مثل الكنآفة
خليط بسبوسة اللي متعودة علية ان سويت
كآس سميدعلبة قشطة
بيضة
ثلاثة ارباع بيالةزيت
بيآلة سكر
م ك بيكنج بآودر
نفردالبف بآستري بقوالب الكب كيك الصغير
ونحط شوية جبن مع قشطةوبعدين ملوعالفرن

تتحمر من تحت وفوق
ونسقيهآ بالشيرة أؤ نستله
ملعقة بسبوسة

** ** **

3 // معمول البف باستري

جيبي البف باستري وقطعيه + وإفردي كل قطعه لحاله
الحشوه :: تمر مطحون + رشة هيل زنجبيل قرفه
وشوي زبده إعجنيهن مع بعض وإبدي إحشيه
زي معمول الحلزوني أو معمول السميد نفس الشكل على شكل إصابع
فرزنيه وإذا بغيتيه طلعيه وصفيه بصينيه وعلى الفرن على طول
تسقينه اللي تحبين نستله ورشة قرفه وتوفي وهيرشي
أو شيره أو توفي فقط

** ** **


4// بف القشطه والكيري

قطعي البف باستري إربع
إهرشي بالشوكه قشطة المراعي حقت التمر + كم حبة كيري
وإبدي إحشيه البف وصكريها على شكل مثلثات
وفرزنيها وإذا تحبين تقهوين عليه طلعيها وعلى الفرن على طول
وبعدين صفيها بصحن التقديم وسقيها شيره

** ** **

5//بف الكريمه


قطعي البف على الشكل اللي تحبين وحمريه بالفرن وإذا طلع إحشيه
الحشوه ( كريمه + دريم ويب + قشطه)
التغطيه سكر مطحون


تم بحمد الله ......


================




^&^ الساندويشات ^&^
ماشاء الله ... تبارك الله


1//ساندويش الهوت دوق اللذيذ ::

شوفي حبيبتي بالنسبه للهوت دوق قطعيه حلقات وبعدين جيبي بصل وثوم مقطع كشنيه على النار
إلين يذبلون شوي وضيفي طماطم مقطعه صغير وفلفل رومي وبهريه بملح وفلفل أسود وأخر شئ
ضيفي الهوت دوق وخليهم على النار مع التقليب علشان يأخذ نكهة الكشنه
الصوص ( كاتشب + جبن سايل + شوي سومطره )
أدهني الصامولي بالصوص وبعدين أحشيه تحبين الخس قطعيه شرائح وحطيه مع الحشوه

** ** **

2//ساندويشات الدجاج لذيذه مررررره :::

تجيبين صينية تيفال تحطين شوية زيت إذا أحتر الزيت تحطين مكعبات الدجاج وتقلبينه حتى يستوي وبهريه بملح وفلفل أسود
طبعا تكونين مقطعه بصل أخضر وبقدونس مفروم وتحطينه على الدجاج تقلبينهن مع بعض ونزليه على جنب
الخلطه (2 م ك مايونيز + 2 م ك زبادي + 2 م ك جبن سايل + 1 م ك طحينه سايله )
تخلطين الدجاج والخلطه مع بعض إلين يتجانسن وأحشي خبز الصامولي

** ** **

3//شاورما لذيذه وخفيفه :::


دجاجه كامله مسلوقه بماء وزيت ومنتفه
بصل مقطع شرائح بالطول
فلفل رومي مقطع شرائح بالطول
طماطم وسط مقطعه مكعبات صغيره
علبتين زبادي (روب)
رشة ملح
رشة فلفل أسود
خبز عربي الصغير ( مفرود_ الشامي)
بطاطس مقطع أصابع ومقلي
خس مفروم
كاتشب + مايونيز ( أخلطيهم مع بعض لدهن الخبز )
الطــــريقـــــة :::
جيبي صينية التيفال الوسط وضعي ( الدجاج + البصل+ الفلفل الرومي+ الطماطم + الزبادي + الملح والفلفل الأسود ) تخلطينهم مع بعض لحد مايتجانسوا وتفردينهم بالصينيه
طبعا راح يكون الفرن مرررره حار ومشغلته على العين العلويه وتدخلين الصينيه من فوق لحد ماتتشقر من فوق شئ بسيط ثم تطلعينه من الفرن وتقلبينه وتفردينه وتشقرينه مره ثانيه
إذا حبيتي يكون فيها نكهة الفحم ضعي فحم سريع الإشتعال على النار ثم بشوي زيت واكتميه مع الدجاج إذا خرج من الفرن وبالفحم ألذ وأطعم تطلع مثل شاورما المطاعم
الحين جيبي المفرود الصغير وأفتحيه بحيث يصير ثنتين ثم أدهنيه بالخلطه وضعي البطاطس المقلي والخس المفروم ومن الشاورما ثم لفيها بحذر وبعدين لفيه وش أسمه ياربي وش أسمه أيه تذكرت
ورق الأبيض حق لف الشاورما أوناس يسمونه ورق النشاف حق القلي المهم لفوه لو بمنديل بالأخير راح تأكلونه إن شاءالله

** ** **

4// صـيـنيـة التـوســت بالموزريـــلا و الحلوم .. خفيفة و سهــله


المقادير :
توست ابيض يكفي طبقتين لصينيه
ثلاث ملاعق مليانه جبن وملعقتين مايونيز
قالب جبن حلوم مبشور
قالب جبن موزريلا مبشور
وشوي بقدونس (حسب الرغبه)
تقصصين اطراف التوست وتصفين الطبقه الاولى
وتدهنينها بنصف مقدار خلطة الجبن والمايونيز
وترشين شوي بقدونس ونصف كمية الحلوم والموزريلا
وتغطينها بالطبقه الثانيه من التوست
و نفس الطريقه تعيدينهآ على الطبقة الثانية
بس انتبهي وانتي ترشين الاجبان المبشوره ابتعدي عن الاطراف وتدخلينها الفرن
على ْ400 تقريبا 20 دقيقه الين تحمر الاطراف شوي وبعديت تحمرينها وبس
وممكن تستبدلين البقدونس بالزيتون مثلا او تزينينها بالزعتر طبعا ممكن اذا عندج
بنات وتبين تكشخين سويها في قوالب الكب كيك تطلع رهيبه وحتى في الصينيه
الكبيره ممكن تقطعينها مربعات صغيره وتحطينها
فأوراق البليسيه شكلها جدا رايق بس لازم تبرد شويه قبل التقطيع عشان تكون مرتبه


** ** **

5//ساندوتشات التوست بنكهة مميزة ..

هي ساندوتشات توست عادية بس التكنيك فيها شوي يختلف
فبالتالي النكهة بتتغير تماماً
نخلط بصحن بيضتين و صلصة تتبيل أجنحة الدجاج
بنات لا تتقيدون فيه أنا مجرد إنو حبيت نكهته ..
ممكن تحطون ويستشر صوص أو اي نكهة تحبون ..
مع شطة حارة HP أو اي نوع تحبون شوية ملح وشوية فلفل وبابريكا
نتبل فيها التوست من الجهتين بعد ما نخفقها ..
نحط التوست بصينية وعلى الفرن من تحت وفوق ..
ممكن بهالمرحلة ترشون عليه شوية جبن بارميزان على الوجة
<< مجرد إقتراح
نجهز الحشوة أنا حشوتي دجاج مع الخضار والمايونيز والخردل ..
دهنت الساندوتش بالخلطة وحطيت جبن سلايد ..
حطيته بحماص التوست ..
الطعم مررة جميل وكأنو الواحد مرررة تعبان بالنكهات
والدعوى كلها انو التوست إمتصها وتشبع فيها

** ** **



6//الكيش .. أصل الطبق فرنسي ..


عجينة مثل عجينة التارت تعتمد على الدقيق والزبدة كمكون أساسي ..
ألمقادير ..
1وربع كاس دقيق
بيضة مخفوقة ..
رشة ملح
ماء تقريباً ملعقتين كبار فقط " يكون بااارد جداً "
إصبع زبدة
بدرجة حرارة الغرفة أو أبرد شوي ..
شخصياً اخذ أصبع الزبدة وأبشره فوق الدقيق
أسرع وقدر بسرعة أخليهم يندمجون مع بعض..
الطريقة ..
نفرك الدقيق والزبده بأطراف الأصابع إذا شفناهم إختلطوا تمام
وصار الخليط كأنو مرمل " مثل الرمل " ناعم وكل حبة لحالها
نزيد عليه البيضة المخفوقة ونعجن " التارت دايماً يكون العجن فيه
مجرد جمع للعجينة على بعض " لأنو كثرة العجن يخربها ويقسيها "
إذا تشوفين درجة حرارة المطبخ مو عالية تقدرين على طول تفردينها
بالصينية أنا هالمرة إستخدمتها بصياني ميني صغار كتقديم شخصي
ولا هي بشكل عام تتسوى بالقالب تبع التارت الكبير ..
لو الجو بالمطبخ مرة حار يبي لكم تبردون العجينة بالثلاجة ربع ساعه
قبل لا تفردونها بالصياني ..
الحشوة عبارة عن ..
بيضتين ..
جبن كاسات 4 ملاعق كبيرة
فنجان قشطة خفق ..
جزرة مبشورة
فلفل بارد مقطع صغار جداً
زيتون اللي تحبون أنا هنا حطيت أخضر
مشروم طازج ..مشوحته على النار شي بسيط ..
تبلت الخلطة بـ شوية أوريجانو وبابريكا وملح طبعاً
بنات الحشوات للكيش غير معدودة..
ممكن مثل هذي خضار وجبن وهي أخف نوع
ممكن بالدجاج والقشطة
بأي شي تحبون مافية أي مشكلة
نفرد العجينة على القوالب ونحاول نخرمها بالشوكة
بشكل بسيط .. بعدين نحط عليها الحشوة ..
راح تاخذ الفرن نص ساعة تقريباً بالفرن من تحت بالبداية لما نشوف الأطراف تحمرت
نحمرها من فوق ونقدمها ..



** ** **



7//" .. عآلم السآندوتشآت .. " ..



.. " .. مقادير الدجآج .. " ..
بصل شرآئح + فلافل ملونه مكعبآت + توآبل عبآره عن ( ملح + فلفل آسود + ورق الطرخون + بهآرات ايطآليه + بآبريكآ + م ص بهآرات مشكله )
وطبعآ صدور دجآج مقطعه مكعبآت صغنونه
الان
نشوح البصل بزيت زيتون قليل لحد مآ يذبل
وبعدين
نحط الدجآج والفلافل ونقلب لحد ماتستوي
نحط التوآبل ونقلب تمآم
الحين كذآ انتهينآ من الدجاج وآستوى معآنا تمآم ..
نجي لـ .. " .. صوص الدجآج .. " ..
.. " .. مقآديرهآ .. " ..
2 م ك زبادي + 2 م ك جبن سآيل + 1 م ك خردل + 1 م ك مآيونيز + 3 م ك صويآ
نحط الصوص عآلدجآج ونقلبه تمآم ونخليه ع النآر
إذا بدآت تنشف آشوي .. وهذا المطلوب تكون سآيله بس مو مره لآ على ثقل وصوصها قليل مو
نحط الخس المفروم ونقلبهم كلهم .. " .. بدون نآر .. " ..
نفرد الحشوه بآلسآندوتش والخبز المفرود الدآئري اللي يشبه التورتيلآ تقريبا
ونحط عآلوجه اشوي موآزريلا ونلفهآ وندخلها بإلة التوست ونقسمها بالنص وتقدم



** ** **



8//أصابع الدجاج المقليه ::::



وهذه طريقتها
دجاج فيليه مقطع أصابع يوضع عليه ملح وشوي بهارات اللي تحبي
2ملعقة طعااام شطة سومطرة مع شطة ثانية نسيت أصورها لكم لكن مكتوب عليه حقت الشوي وجحمها صغير
تترك ربع ساعة أو على حسب لكن مو أقل من ربع ساعة
ثم تبليها بالبيض ثم حطي في كيس شوي بقسماط مع شوفان نص طحنة مع 3ملعقة طعام نشا ثم شيليها من البيض وحطيها في الكيس
اللي فيه البقسماط وغيره ورجيها كم رجه حتى تحسي كلها تغطت زين
وعلى طول أقليها



** ** **



9//كـب كيـك التـشيـز المـالـح



يمييييييييييييي .. بدون مبالغه لذيييييييييييذه وتسطل وكل من ذاقها انجن عليها
المقادير :: 2 ك دقيق ../.. 1 م ك خميره ../.. 1 م ك سكر ../.. 1 ك نعناع مفروم ../.. 1 ونص ك جبنه مالحه -انا استخدمت الجبن الهنغاري -
../.. ربع ك زيت ../.. ماء دافيء للعجن -ماله مقدار محدد -
اول شي نخلط الجافه سوا بعدين السوائل وتعجن زين وتترك تخمر مدة ساعه تقريبا
كوريها وحطيها بقوالب الكب كيك واضغطي عليها بس لا تكثرين الكميه تراها تنتفش بقوه
ودخليها الفرن لغاية ماتتحمر من تحت وحمريها شوي من فوق
بعد ماتطلعينها بتلقينها قاسيه كأنها حجر بس لا يضيق صدرك ، غطيها فورا بمنشفه واتركيها تبرد براحتها
بعدين ادهنيها من فوق بلبنه وزينيها بأوراق النعناع والطماطم الصغيره وحطيها باوراق البليسيه وقدميهم وبالعاااااااافيه
برضه ممكن تتصلح قبل بيوم بس بدون الزينه اللي فوق لانها تذوب



** ** **



10//فطاير البسكوت غريبه ولذيييذه وقابله للتفريز عشان رمضان



أول شي هاتي حشوتك اللي تحبين
أنا كشنت بصل مع زيت لين صار ذهبي ثم حطيت دجاج مفروم (صحن شركة إنتاج ) وحمسته لين صار أبيض
ثم حطيت عليه صويا صوص معتدله تقريباً نص بيالة وفلفل أحمر بارد مقطع شرايح وملح وفلفل أسود وشوي بهار مشكل
وبعد مااستوى طفيته وحطيت عليه بقدونس مفروم
بعدين هاتي بسكوت مالح أي شكل تحبين وجبن سايل
ادهني وجه البسكوت بجبن سايل ثم الحشوة عشان تلصق ثم شريحة بسكوت مدهونة بجبن سايل وطبقيها عليها
ثم غلفيها ببيض وبقساط ثم بيض وبقسماط تقريباً أربع مرات .. لين يصير معك المستطيل دب
بحيص حواف البسكوت ماتبان معاك ووأنتي تقلين مايطلع الجبن ويسيل عليك
ثم اقليها في زيت غزير
ولا تحركينها كثير لا تتكسر معك أو يتفتت البقسماط ..
يفضل تتركينها في الثلاجه ساعه قبل القلي حتى يلزق البقسماط كويس
حطي القوالب بعد ماتطلع من الفرن بالثلاجه وهي مغلفه زين وطلعيها من بكرا بدري وزينيها




تم بحمد الله ......



دعــــواااتـــكـــ ...



الحمد لله الذي تتم بنعمته الصالحات
أتمنى أن أكون وفقت في تقديم مايرتقي لذائقتكم وينال استحسانكم
لكم كل الود
02-09-1431 هـ, 02:55 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
يسعدنى اول وحد ة ترد عليك وماقصرتى الحلى 5 تحبة مامي فديتها
02-09-1431 هـ, 03:07 صباحاً
 
...

ماشاء الله عليك ..
وفقتي بالاختيار عزيزتي ..

الله يرضى عنك ويوفقك و يجزيك الجنه ووالديك من غير حسااب
...

دمتِ بحفظ الرحمن


02-09-1431 هـ, 03:52 صباحاً
 
مشكورين على مروركم الرائع
02-09-1431 هـ, 08:03 مساءً
 
ماشاء الله تبارك الله ..الله يعطيكِ العافيه
02-09-1431 هـ, 08:04 مساءً
 


الساعة الآن 03:34 .