بسم الله الرحمن الرحيم

بنات مبارك عليكم الشهر

بسالكم كم فترة خبزكم لمعجناتكم؟

انا فرني كهربائي الصغير احط على اعلى درجة الي تحت و الصينية احطها بالرف العلوي

و اذا استوت من تحت افك الي فوق تتحمر

بس امس احترقت علي رغم انها بس كانت 10 دقايق بالفرن

الظاهر طحين الكويت مغيرنيه لانه حتى بالعجن كنه زبده من طراوته

فقمت افتح على الفوق و التحت و خليت الحرارة ثلاث ارباع ماعندي درجات ممسوحه

و خليت الصينية بالرف العلوي و صارت زينة بس هم شوي احترقت من تحت ببعضها

اصلا هي ما تطلع متساوية من تحت دوم

فيا الله خبرونا و خل نستفيد توني قارية واحده تقول بس 5 دقايق ؟؟؟ و فعلا شفت صورها روعه لا إله الا الله
02-09-1431 هـ, 02:13 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
شوفي حبيبتي الافران موب واحد درجات حرارتها مختلفه فيه فرن قوي وفرن ضعيف

بس فرنك انتي الوحيده اللي تعرفين له من تجربتك الخاصة

اذا حطيتي شي بالفرن لاول مرة خليك بالمطبخ وكل شوي راقبيه وجسي نبضه

هل استوى ونضج ولا لا وبكذا تتعودين
02-09-1431 هـ, 02:37 مساءً
 
حبيبتي 5 وكافي مو شرط يصير لونه غامج
وسخنيه قبلها بفتره
وشغلي اللي فوق واللي تحت مع بعض
02-09-1431 هـ, 02:45 مساءً
 
انا فرني عادي احمي الفرن بعدين احطها على الرف اللي بالنص تتحمر من فوق وتحت بدون ما اشغل اللي فوق لان الفرن حامي
والفرن الكهربائي الصغير اتوقع بسرعه بيخلص فيه لانه صغير وحامي يعني لاتبعدين عنه عشان مايحترق
02-09-1431 هـ, 03:33 مساءً
 
من دراستي لفن الطهي اي فرن القاعده هي
الكيك يكون في الرف الوسط وعلى نار هادئه لاتفتحي الفرن قبل مرور 25 دقيقه
البسكويت في الرف العلوي وعلى نار هادئه الوقت من7 الى10دقائق
المعجنات الاخرى في الرف الوسط وعلى نار هادئه
02-09-1431 هـ, 05:07 مساءً
 


الساعة الآن 05:31 .