السلام عليكم ورحمة الله وبركاته



أنا مرة طفشت من عجينتي وين الخطأ فيها ماتضبط وتحوس
أبي أعلمكم طريقتي .. أنخل كاستين دقيق كويتي وأحط ملعقة خميرة
فنجان قهوة سكر ورشة ملح ونص كاسة زيت واعجنها بالموية وضيف لها بيضة وين الخطأ


تعبت حتى من العجن وكرهت حتى الفطاير بأسباب عجينتي


الله يخليكم دلوني
02-09-1431 هـ, 09:09 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
شوفي حبيتي باعلمك طريقه حلوهواكيد لو طبقتيها بتدعين لي حطي 3 كاسات دقيق كويتي لاتنخلينه مايحتااااج انا ماانخله وحطي فنجان قهوه زيت وفنجان قهوه سكر وفنجان قهوه حليب بودره وملعقه ونص بيكنج بودر وملعقه كبيره خميره ذوبيها في كاس مويه ورشه ملح واعجنيها لين تصير متماسكه شوي مو سائله ولا جااامده بس المهم تنلم تصير زي الكوره ورشيها بزيت رش خفيف وكل بعد ربع ساعه اعجنيها كمان وتذكري كلما زاد وقت العجن كلما نجحت العجينه جربيها ولله ماتندمين
02-09-1431 هـ, 09:30 مساءً
 
الخطأ بالبيض ياقلبي ماله داعي ابدااااااا
شوفي انا أمس انا كنت مثلك والعجينة صايرة ناشفة وميبسة نوعا ما
وهي مافيها بيض واليوم شفت هالطريقة في النت وطبقتها
والله ما اكذب عليك مابقى ولاشي بالصحون ماشاءالله تبارك الله
الفطاير طالعة تجنن طرية وهشة مثل معجنات المخابز
انتي طبقي طريقتي هذي واهم شي
لازم تطبقينها بالتمام وبرضو بعد ماتعجنين العجينة وبعد ماتتخمر
انتي راح تبدأين بلف الفطائر وبعد ماتخلصين من لف كل الفطاير غطيها زين بكيس نايلون
وخليها تتخمر مرة ثانية ويكبر حجمها شوي .. لاتخافين ماراح تخرب ولايتغير طعمها
وبرضو دخليها الفرن وهو حار بالمررررررررررررررررة مو بارد
يعني اشعلي النار الي تحت والي فوق مرة وحدة وخليك عندها دقيقة وهي منتهية
ثم بعدكذا طلعيها من الفرن وغطيها بفوطة وخليها تبرد وبعدين حطيها بحافظة
انتبهي لا تحطينها بالحافظة مباشرة من الفرن الى الحافظة لاغلط
لانها راح تتعرق وتطلع كلها موية حتى لو حطيتي مناديل الرول ..........
المهم اذا كانت في الحافظة وهي باردة راح تكون طرية وفي نفس الوقت محافظة
على شكلها ..

المهم ان هالعجينه رائعه بمعنى الكلمه

وتعطيك نتيجه رائعه كأنها من المعجنات الجاهزه............بياض....... ...طراوة ...........قطنيه جدااااااااااااااااااااااااااااااااااا


وباذن الله الكل يعتمدها والكل بيسألك عنهاااااااااااا



المقادير..


3 ونصف كاس دقيق (لازم كويتي)

3 ملاعق كبيره حليب نيدو

3 ملاعق كبيره سكر

ملح ملعقه صغيره شاي

1 ملعقه كبيره خميره

1ملعقه صغيره باكينج بودر

ربع كاس زيت

ثلاث ارباع كاس لبن سائل (المراعي او الصافي او الطازج).........(هذا سر البياض بالعجينه)

زبدية لبن زبادي صغيره ام ريال

...............


الطريقه

نخلط المقادير الجافه اولا

ثم نضيف السائله...........ونعجن اقل شي عشر دقايق....حتى تتكون عجينه تلتصق باليد قليلا..


نتركها ساعه تتخمر


ثم نشكلها ونتركها خمس دقائق بعد التشكيل للتخمير........وندخلها الفرن مراح تطول دقيقة او دقيقتين وهي محمرةومنتهية


ملاحظه..(ممكن تضيفي شوي دقيق لو احتجتي المهم تكون العجينه معك ناعمه وتلتصق قليل مو قاسيه)


ملاحظه2: للحصول على لون ذهبي رائع اخلطي حليب ابو القوس مع صفار بيضه مع قليل من الماء.وادهني فيه وجه العجينه او حوافها بعد الانتهاء من التشكيل كاخر خطوه


ملاحظه 3: العجينه بعض الاحيان اعجنها واحطها بكيس واربطه واحطها بالثلاجه ثاني يوم اعملها مثلا كراسوون احشيها جبنه مع نعناع تطلع خيااااااااال وتنتفخ اكثر....

ملاحظه4: استخدام الكاسات والملاعق المعياريه...

وتمتعي باطعم فطائر او خلية نحل او معجنات او اي شي يبيله عجينه........
02-09-1431 هـ, 09:35 مساءً
 
الله يوفقكم ويجبر خواطركم راح

أجرب وأمشي على كلامكم


الله يحرمكن على النار ويبيض وجوهكن يوم سواد الوجيه
02-09-1431 هـ, 10:44 مساءً
 
كثر الزيت والبيض هو السبب يابعدي

حطي لبن مع العجينة وشوفي كيف النتيجة
02-09-1431 هـ, 10:50 مساءً
 


الساعة الآن 06:45 .