صغري الصينية


nona321 مشكورة عالاهداء الرائع
up


السـلام عليكـم ورحمـة الله وبركاتــه ..

كيـف حالكـم جميعــاً ..؟

لي اسبوعيـن ماسكـه على التشيـز كيك سويتـه 3 مرات في اسبوعيـن لين كرهتـه الحيـن معد ابي اشوفـه قدامـي

المهم التشيـز كيك لابغيتي تسوينـه يفضـل انك تسوينـه قبلها بيـوم عشان يجلـس بالثلاجـه يوم .. كـذا بيطلـع احسـن من انـك تاكلينـه بعدها بكم ساعـه .. بيجي متماسـك اكثـر





المقاديـر :

بسكوت دايجستـف او اي بسكوت تفضلينه مطحـون على حسب صينيتـك حطـي ..

ملعقتيـن طعـام قرفـه ..

اصبـع زبـده

الطبقـه اللي بالنـص :

جبنـه فلادلفيـا 200 جرام وشوي

5 بيضـات

فانيليـا السائلـه ( انا ماكان عندي وحطيـت البودره )

كريمـة خفق المراعـي 2 الحجم الصغيـر

شوي سكـر على قد ماتبيـن اذا تحبينها حاليـه مره او لا

الطبقـه الاخيـره :

اشتري فراولـه او توت او اللي تبيـن معلـب ..

او ممكن تسوينـه انتي بالفراولـه الطازجـه ويقولون احسـن من المعلـب بس ماجربـت


الطريقـه :

اول شي حطي على صينيـة التشيـز كيك قصديــر من تحت والجوانـب وحطيـه زييييين عشان لاتدخل المويـه في التشيـز كيك وينعدم عليـك ..

اطحني البسكـوت وحطي القرفـه واخلطيـه وبعـده حطي الزبـده بعد ماتذوبينهـا طبعـاً واخلطيهـم

جيبي صينيـة التشيز كيـك وحطي البسكوت عليها واضغطي عليه بقوه شوي وبعديـن حطي الصينيـه في الثلاجـه ..

بعديـن جيبي الخـلاط اليدوي واخلطـي الجبنـه وبعدها حطي السكـر والفانيليـا واخلطيهـم .. وبعدها حطي البيـض بيضـه وحده واخلطـي وبيضـه وحده واخلطـي لين تخلصيـن الخمـس بيضـات وبعدهـم حطـي كريمـة الخفـق واخلطيـه زيــن ..

وبعدهـا جيبي صينيـة التشيـز كيك وحطي الخلطـه فوق البسكـوت

وجيبي صينيـه كبيـــره حطي فيها مويـه مغليـه وحطي فوقهم صينيـة التشيز كيك .. فهمتـو ..؟

وحطيهـم في الفـرن وخليـه ساعـه او ساعتيـن على حسب الفرن وحرارتـه .. ولاخلصت المسـي التشيز كيك يكون معاك متماسـك

خلي الفرن شغال فوق وتحت ويوم تشوفيـنه من فوق بدا يحمـر ( بدااا يعني مو تخلينـه يحمـر ) خليه شغال من تحت بـس

طلعيهـا من المويـه وخليها برا الفرن شوي بعد ماتخلـص وبعديـن دخليها الثلاجـه يوووم كامـل ..

وبعد ماتقعد يـوم بالثلاجـه حطي الفراوله المعلبـه ورجعيها بالثلاجـه ..

اول مره سويتــه خليتـه يمكن 7 ساعات وشلتهـا شوفو كيـف طلعت معـي



وثاني مره خليتـه تقريبا يوم وطلعت احسـن





شوفو لو ماحطيتـو القصديـر زيـن وش يصير فيهـا
دخلت المويـه على البسكـوت




------------------------------------------


اهم شي اتبعي نفس طريقتها


ترى يطول بالفرن ياخذ من ساعه الى ساعه ونصف

اهم شي يتماسك يعني دخلي السكين وشوفي اذا نضج او لا مثل الكيك


وهذي الي طبقته انا




الله يوفقك يارب
يااااعمري انتي الف شكر على جهدكـ
يعطيييك الف عافيةان شالله بجربه
خذي صينية صغيرة وكثري المقادير
استغفر الله الذي لا اله الا هو الحي القيوم وأتوب اليه


الساعة الآن 03:59 .