الاسهم ماسلمنا منها والاكتتابات يالله سترك الواحد يبيع بسوق الخضار ابرك له
غلطة الكثير منا اننا مستعجلين على الربح ونبي نصير تجار بيوم وليلة المفروض نستفسر عن مجال الاستثمار الي بندخله ونتحرى الحلال وناخذ بنصيحة الي جربو قبلنا.. اختي الكريمة ياليت تسردين لنا تجربتك لاخذ العظة والعبرة والله يخلف عليك ابرك من الي راح..
بناء على طلبكم راح أحكيلكم القصه .

طبعا أنا حالي حال أي وحده تحلم أنها تلقالها مصدر تحسن من خلاله دخلها وتأمن مستقبلها .
وللاسف أنا ما عندي شهادة جامعيه ولا أي شئ يخولني أني أشتغل ويكون لي مصدر دخل .

طبعا أنا متزوجه والحمد لله زوجي مو مقصر معي بشئ . مكفيني وموفيني الله يخليه لي يارب . لكن أنا كان نفسي يكون لي دخل خاص فيني . دائما كنت أشوف الحريم الي زوجها فجأه يطلقها أو يموت عنها وهي تضطر للناس وتحتاج لهم . والي تسكن عند ولدها وكنتها والي تسكن عند بنتها المتزوجه . لأن مالها مكان تروحله . فكان عندي هذا هاجس أخاف يجي اليوم الي لاقدر الله أحتاج فيه لأي أحد حتى لو لعيالي .
أنا عانيت من أم الزوج كثير ولازلت أعاني منها . لذلك مستحيل أعيش عن ولدي وكنتي في المستقبل . أحس أن الموت عندي أهون والله .
فقلت يابنت خليكي واعيه وشوفيلك دخل تستطيعي من خلاله أنك تحسنين دخلك وتجمعيلك كام قرش ينفعونك في كبرك .
المهم .
دقيت أبواب كثيره . تعلمت الخياطه . وكان ودي أفتح مشغل يبسيط عندي في البيت ... لكن الظروف ما سمحتلي . فتركتها .
فكرت أعمل مشاريع مختلفه ... والله ما كتبلي التوفيق فيها . والمشكله أنه أي وظيفه أو أي مشروع في الدنيا .... يحتاج الى تفرغ . ويحتاج أني أطلع من البيت ساعات طويله عشان أتابع المشروع أو الوظيفه . وأنا عندي أطفال وزوج وبيت ومسؤوليات كبيره .
فكرة الأسهم كانت ملغيه تماما من بالي لأني شفت الناس الي خسروا .
والاكتتابات ... مستحيل لأني لست سعوديه .

في يوم من الأيام ... لفتت نظري الاعلانات الي ماليه صفحات الانترنت . ( ضاعف رأس مالك في خمسه أيام مع الفوركس . حول 50 دولار الى 20000 دولار في أيام معدوده . لاتضيع على نفسك فرصة الربح الوفير مع الفوركس . الفوركس طريقك الى النجاح .... الخ )

الله المستعان . جذبتني الدعايات . فحطيت في بالي أن أدرس الموضوع .
دخلت المنتديات . وبدأت أقرأ وأشوف الناس أيش كاتبين . في دورات كثيره للتعليم كنت أنضم لها . أتعرفت على ناس كثييييييييييير . سبحان الله عالم كامل مستقل بذاته اسمه عالم الفوركس .
أغلبهم يحسوا أنهم مصطادين صيده سمينه لمن يعرفوا أنك غشيمه وماتعرفي شي .
فيهم أنانيه فظيعه ... مستحيل أحد يعلم أحد الطريقه الي هو يشتغل بيها . ممكن يعطوكي شروحات عامه عن الفوركس وطيقة تحليل العمله . لكن لو سألتيه طيب أبيع والا أشتري ؟؟؟ كيف أنت تشتغل ؟؟ مستحيل يقلك . راح يقلك هذا قرارك وانتي أدرسي وأتعبي زي ما أنا درست وتعبت .

يتبع .
أكمل ..

أعتمدت على نفسي . ودرست واتعلمت كثير . والموضوع جذبني بقوه وحبيته من كل قلبي .
كنت سعيده جدا جدا أن ربي وفقني ولقيت لي عمل من البيت يؤمن لي دخل ولو بسيط .
خمس سنوات .. وأنا أدرس وأقرأ وأتعلم وأنضم الى دورات وأسهر الليالي . عشان أتعلم .

طبعا الفوركس عباره عن تجارة العملات الأجنبيه . يعني مثلا . اليورو مقابل الدولار الأمريكي يقولون عنهم ( زوج ) . أنتي تقومين بتحليل الزوج عن طريق برامج خاصه تعرض لك وضع الزوج على شكل مخطط وبناء على هذا التحليل تقريي هل ستبيعي أم تشتري . وطبعا لازم تكوني على اطلاع بالأحوال السياسيه للدولار واليورو . ثم تقررين اذا كنتي ستبيعين اليورو أم تشترينه .
اذا بعتيه فانك لا تربحين حتى ينزل الزوج . واذا اشتريتيه فانك لن تربحين حتى يصعد الزوج .
وهذا ينطبق على الكثير من العملات غير اليورو والدولار . هناك الباوند والاسترليني والفرنك والنيوزلندي والذهب والفضه وكثير أشياء .

المهم . باختصار .. حسيت أنه الفوركس يطلب مني أن أعلم الغيب . لازم أعرف اذا الزوج راح ينزل والا راح يصعد .!!! واذا كان قراري خطأ خسرت .
طبعا ماراح تخسري رأس المال كله فجأه . لا . تخسريه شوي شوي . كل صفقه خسرانه تنزل حسابك لتحت . وكل صفقه ناجحه ترفعه لفوق .

اذا وصلتي لمرحله خلاص الخسائر كثيره وانتي فاتحه صفقات خسرانه . تقوم شركة الوكاله باغلاق الصفقات المفتوحه ويتصفر الحساب .

راح أكمل بعدين .
تعبت من الكتابه
تابعوني
الله يعوض عليك وعلينا انا خسرانة مثلك بالاسهم واحس النار في صدري خسرت مهري ولا شريت مثل العالم والناس ولا جهزت جهاز مثلهم بس ما اقول الا الله يعوضنا خير ويرزقني واياك الرزق الحلال الطيب المبارك ............ولا تاخذيني ياعسل على هالكلمتين الي بقولها لك ...........انتي فكرتي بالربح ولا فكرتي هالشغلة حلال ام حرام.......وانا ما راح افتي بس المعروف انو المتاجرة بالعملات حرام..............اختي نصيحة مني لك في بحث الرزق الحلال قبل كل شي ...........ابحثي عن الحلال
يارب ترزقني بوظيفة...........قول امين......




الساعة الآن 05:51 .