إذا كانت الأسهم بحر فالفوركس محيط

من خبرتي في هذا المجال وجدت ان نسبة الأمان في الأسهم مرتفعة عن الفوركس بفارق كبير وهذا ما أفادني في توجهي وتوجه طالباتي وكل تجارة في الحياة تحتاج الى علم متمكّن في خباياها وليس في سطحها الكثير من الإخوة والأخوات لايدركون هذه النقطة الا بعد الدرس القاسي المشكلة في الكلمات الرنانة للإعلانات والإغرائات المدروسة أما البراهين فهي غير موجودة للمتلّقي للأسف

أسئل الله أن يعوّض كل من خسر
اقتباس مشاركة  (وحيدة الطيف)
الله يعوض عليك وعلينا انا خسرانة مثلك بالاسهم واحس النار في صدري خسرت مهري ولا شريت مثل العالم والناس ولا جهزت جهاز مثلهم بس ما اقول الا الله يعوضنا خير ويرزقني واياك الرزق الحلال الطيب المبارك ............ولا تاخذيني ياعسل على هالكلمتين الي بقولها لك ...........انتي فكرتي بالربح ولا فكرتي هالشغلة حلال ام حرام.......وانا ما راح افتي بس المعروف انو المتاجرة بالعملات حرام..............اختي نصيحة مني لك في بحث الرزق الحلال قبل كل شي ...........ابحثي عن الحلال


يا الله ... الله يعوض عليكي .
طيب كيف دبرتي حالك ؟؟؟ وكيف دخلتي بدون جهاز ؟؟؟
الله المستعان . لا حول ولا قوة الا بالله

والله أختي بالنسبة للحلال والحرام أنا أكثر من شيخ أفتولي أنه حلال .
لأن فيه مبدأ المقابضه . ووضعه تماما مثل كأنك تشتري أي سلعه عن طريق النت أو تبيعيها .

والله ما أدري . لا حول ولا قوة الا بالله


أكملكم القصه .

المهم بعد تعب وعناء . دخلت بحوالي 2500 دولار .
وخسرتهم كلهم .
قلت يالله معليش أتعلم . وما أحد يتعلم ببلاش .

بعدها دخلت بحساب تجريبي وبدأت أحاول من جديد .
جلست فتره على الحساب التجريبي أربح .
كنت سعيده سعيده سعادة لا توصف .
حسيت وكأن مغارة علي باب انفتحت لي .

بعدها قلت خلاص طالما اني تعلمت . راح أدخل بمال حقيقي باذن الله .
رحت بعت كل ذهبي . وحطيت عليه مبلغ كنت شايلته مما تبقى من مهري . ونويت أدخل .
لمن أخواتي شافوني .. قالوا مستحيل تبيع ذهبها وتحط الي فوقها والي تحتها الا اذا كان في شئ مضمون .

صاروا يترجوني أني أدخلهم معي .
خصوصا وحده فيهم وضعها المادي تعبان جدا .
في البداية كنت رافضه . كنت أقلهم خلوني الين أتمكن من الموضوع تمام . وبعدين أدخلكم .
قالوا : لا لا ... احنا راضين حتى لو خسرتي احنا راضين .
الله المستعان دخلتهم . وكان اجمالي المبلغ حوالي 80 ألف ريال
في البدايه ربحت . وكانوا سعداء جدا . وكنت ناويه أفتح لكل وحده فيهم محفظه مستقله عشان يكون دخلها أكبر .

وفي يوم من الأيام السود ... كنت بسافر .
وكنت تعرفت على وحده تدير حسابات . سلمتها الحساب . الله لا يوفقه ووثقت فيها .
رجعت من السفر لقيت الثمانين ألف صاروا أربعين ألف .
لا الاه الا الله .
أخذت المحفظه منها الله لا يوفقها . وصرت أشتغل عليها على أمل أني أرجع الخسائر .

ما أدري أيش الي صار . نفسيتي كانت زي الزفت وأنا أشتغل . خسرت كل المبلغ
والأن تحولت المحفظه من 20 ألف دولار . الى 200 دولار .
مئتين دولار تخيلوا

والله قلبي محروق . محروق . وفيني حزن لا يعلمه الا الله .

الي قاهرني في الموضوع . أنه في ناس على كلامهم . والله أعلم أن كانوا صادقين أو كذابين . يقولون أنهم يربحون . وأنهم يحققون منه دخل ثابت لهم .

والله ما أدري الغلط مني والا منهم وال من الفوركس .
والا يمكن أنما الله مالا كتبلي رزق في هذا المجال .

حبيت أشارككم تجربتي حتى تستفيدوا . وأسأل الله لكم الستر والحفظ والصون .

الحذر الحذر الحذر .
الحمدلله على كل حال
مثلك راحت دراهمنا بالاسهم واللى الان وحنا نسددفيها
بس الحمدلله الفلوس تروح وتجي بس الدين والعافيه اهم شي
والحمدلله على قضاءه وقدره
أختي أنا مالي بالفوركس كتجارة يعني ما تاجرت فيها بس عندي خلفية ممتازة فيها من حوالي 5 سنوات
معروف ان اغلب تجار الفوركس خسرانين و السبب ما عندهم ادارة رأس مال جيدة و انتي اختي عندك خبرة طويلة كيف ما انتبهتي لهذي النقطة؟!!
ثاني شي كيف تدخلي برأس مال كبير في اول تجربة لك؟ المفروض راس مالك ما يتعدى 500 دولار كبداية و بحساب ميني او مايكرو..يعني النقطة ب 10 سنت مو 1 دولار
أكبر غلط في الفوركس الدخول برأس مال كبير بدون خبرة..حتى لو قرأتي و تعلمتي الشغل على الحقيقي غير لأن النفسية تلعب دور كبير عشان كذا المفروض دخولك يكون بمبلغ صغير ما يتعدى 500 دولار و ما راح يأثر على ميزانيتك لو خسرتيه
أعرف كلامي كله ما منه أي فايدة و اللي صار صار و الله يعوض عليك بس حبيت اقول هالكلام لأن ناس كثير تفكر الفوركس بس اتعلم و خلاص بصير غنية لأ غلط
و بعدين أكبر أكبر غلط انك تسلمي حسابك لمدير حسابات..لو هو عنده القدرة انه يدير حساباته ليش ما يشتغل لحساب نفسه و يصير غني بدل ما يدير حسابات الناس؟!! أغلبهم اذا مو كلهم نصابين
و كان فيه موضوع هنا قبل فترة وحدة بنت تبغى تفتح محفظة و البنات يشاركوها و أنا حذرتهم و قلت الفوركس خطير للي ما يعرف له بس ما ادري ايش صار على موضوعهم
أنا ناوية أدخل الفوركس بالطريقة اللي انا ماشية عليها و ب 500 دولار بس مش الآن ..دراستي اهم من الفوركس اللي مو مضمون و انا ابغاه كهواية فقط لأني احب التحليل الفني عشان كذا مأجلة الموضوع من زمان ولا ناوية أدخل الا بعد ما اشوف اني اربح في التجريبي و لفترة طويلة
أختي عندك 200 دولار صح؟ هذي البداية ممتازة للتعلم لو حابة ترجعي من جديد..حولي حسابك الى شركة تقبل عقود الميني و المايكرو و اشتغلي باستراتيجية كويسة لا تضيعي نفسك بين استراتيجيات كثيرة لأ..ركزي على استراتيجية وحدة بس و استمري عليها حتى تتقنيها..دعوم و مقاومات و ترند هذي اهم شي
لو حابة ادلك على استراتيجية ممتازة انا جاهزة لأني جربتها فترة على التجريبي و بعد ما كنت خسرانة زاد حسابي 100 دولار في 3 اسابيع يعني ممتاز كبداية خصوصا اني مش متفرغة للتجارة ابدا
الاستراتيجية سهلة جداً و مشروحة بطريقة ممتازة و صور و فيديو و الاعضاء و صاحب الاستراتيجية متعاونين جداً لو حابة تتعلمي
أنا انصحك فيها لأنها تعتمد على اهم مقومات التحليل الدعوم و المقاومات و الترند و القنوات يعني تحليل كلاسيكي بحت و هذا اللي أغلب التجار ينصحوا فيه
جربي ما راح تخسري أكثر من اللي خسرتيه بس تذكري التعلم و التجارة على التجريبي اولاً بعدين الدخول بالـ 200 دولار
آسفة طولت عليكي بالكلام بس قلبي انحرق عليكي..الفوركس مربح بس محتاج وقت للتعلم..لو حابة ادلك على الاستراتيجية ارسلي لي على الخاص


الساعة الآن 12:31 .