زي ماهو واضح بنتي الله يحفظها راحت سنة سادس بس الله يصلحها ماكل شئ يعجبها

وآعاني بالطبخ على حسابها واحيانا افكر وش اسوي عشان يناسبها .. تقرف من كل شي لو تشوفني اقطع اللحمه قرفت من الاكل كله .. لو تشم البيض وانا اخلطه ماكلته كذا متعبه

مثلا السنبوسه باللحم المفروم ماتاكلها لازم دجاج والا جبن سااااده .. ان سويت بالبيض والبطاطس قالت مابي صفار البيض حطيلي من دون صفار

الرز ماتاكله الا اذا صار رز ابيض بالشعريه

رول بالجبن الأبيض تبيه ساده انا احط معاه زيتون وسمسم وفلفل وكذا هي ماتبي ذا الحوسه

الشربه تجيب منخل وتنخلها تطلع كان فيه قطعه طماطه صغيييرة مع اني اطحن البصل والطماط

واصلا شوربتها بقدر صغير كشنه وماجي وليمونه سودا وشوربتنا ماتعجبها لان فيه قطع اللحم

تعبت وهلكت وربي منها مدري شسوي

دوروها عند البرجر بطاطس مقلي تموووت فيه مووووت بس انا كنت اسويه لها كل يوم جمعه تقلى البطاطس

والا تاكله لحاله اذا صار بصينيه مصقعه والا غيره .. الحلى تحبه الايدامامت بطاطس وملوخيه بس ورق العنب ان سويته عصرت الليمون لين يغلب الطعم وكذا .... الخ أتعب وانا اقولكم

شلون اعودها على اكلنا احترت وربي مع ان اخوها اللي بسنه ثالث عادي بس هي

اللي عندها احد من هالنوعيه الغريبه وقدرت تتغلب عليه تقولي بليز

مع ان اختي قالت اتركيها لاتسوين الاصناف اللي تحبها لمدة اسبوع وشوفي وش تاكل هلكت البنت صارت على عصيرات وفواكه وخبز وجبن كيري والا كرفت والا البقرات الثلاث هذولي فقط اللي تحبهن وشريت جبن المراعي مثلث ماكلته رحمتها لاحطينا الغدا وهي محمصه توست والا صامولي وتقول بس مابي معكم

من زمان وانا كذا من كان عمرها 9 شهور تاركه الرضاعه وحسرتني لمى كانت صغيره مررررره الحين صايره كذا

الفسحه ماتكلها احيانا بالمدرسه اقولها ليش تقول تقرفت من البنت تهرج وهي تاكل خبزتها فيه جبن تخيلتو كيف الوضع

كتبتلكم من بعد طقاق من شوي عيت تاكل معنا صينية خضار سوت لها لحالها اندومي

آه يـ م ـه تـ ع ـب الدنيا بدونك
حطي الأكل اللي الكل ياكله ومصيرها اذا جاعت تاكل منه

انتي كذا عودتيها انها تتدلع عليكي عشان تلبي لها اللي تطلبه ..

اذا تدلعت قوليلها هذا الأكل الموجود .. صدقيني مصيرها تااااكل
اللهم بارك لنا في شعبان وبلغنا رمضان
الله يعينكـ ..)

رفـــــع
حين " يتعمّد آلآخرين " فهمك بطريقةٍ خآطئه

لآترهق نفسك بآلتبرير

فقط ..[ آدِر ظهرك وآستمتع بآلحيآة ]
الله يعينا عليهم
عندي ولدي تجيه نفس الحاله بس مو لدرجت بنتك
الله يرحمك يايمه ويصبرني على فراااقك اللهم اجبر كسر قلوبنا


اللهم إنا نسألك توبة قبل الموت و راحة عند الموت و مغفرة بعد الموت
السلام عليكم اختي
بنتي زي كذا بس بنتي اصغر من بنتك عمرها 5 سنوات
ماتحب تاكل الارز ابيض
وماتاكل لين تتاكد انا اللي طابخه
العصيرات لا بس حليب
السندوتش لبنه بس
ماتحب احد يشرب في كوبها ولا احد ياخذ اغراضها تقرف حتي من اخوانها
حتي الحمام وانت بكرامه ماتدخل لين يكون ناشف مافي ولا نقطه مويه
بس انا احاول معها شوي شوي
والله يكون بعونك وعوني وكل الامهات
url=http://pregnancy.baby-gaga.com/][/url


الساعة الآن 02:19 .