يوه عدي واغلطي
كل العالم عيونها علي
في حياتي و زوجي واهلي وحتى حملي لا اله الا الله كل ما شوفوني قالو ا حامل ولا لا طفشت من عيونهم واسالتهم
والله حياتي انقلبت فوق تحت كرهت نفسي وبيتي وزوجي وحتى اهلي
ودراستي طولت فيها اعوذ بالله
خلاص كل هذا وانا اتحصن يوميا
والله العين حتى من اقرب الناس
اقضوا حوائجكم بالكتمان وصلى الله وبارك

جيتي ع الجرح وايش اقول كل اهلي محسودين كل واحد بعله
اخوي تخرج وماشاء الله علطول جاته بعثه والناس مارحموه لمن الان لاوظيفه ولاكمل البعثه وكل مايقدم على وظيفه يقول احس راسي ودماغي يفورون زي كانها عليها نار الله يشفيه
وامي من سنوات الله يشفيها تعبانه وعلى طاري الذهب يوم تلبسه يتكسر عليها وخصوصا البناجر
وابويه تقاعد واخذ قرض يبغى يبني بيت والله لايعيده من قرض ولا بيت لمن الان ابويه من مستشفى لاخر ولا دواء نفع معاه والناس وراه متى بتنقولون وتخلصون العماره ياحسرتي عليه لاكمل ولااتنهني صحته الله يكفينا شر عيال الحرام
انا وزوجي كل يوم مشاكل ولا اعرف لها سبب ومره جات وحده وسمعتها تقول من يوم ماتزوجوا ماسمعنا انه تخاصموا وهي ماتدري عننا
واخوي الكبير كان في منطقه ثانيه من يوم سمع اصحابه انه خطب قالوا يهب عليك كم جمعت فلوس
وجانا لاعاد و طيق الوظيفه ومن شيخ لشيخ
ولو بجلس اكتب لمن بكره ماخلصت الله يجعل عين الحسود فيها عود مليان دود

اللهم اكفنيهم بما شئت

موضوع مهم جداا صراحه
مره قالوا لي قصه وحده حاسده وحده المهم جتهم وزارتهم هذي الحسوده
ويوم شربت القهوه وخلصت طلعت منديل من صدرها ومسحت فنجالها مسسسسح
ماخلت فيه ولا اثر ورجعت المنديل لصدرها على شان مافي امل احد ياخذه
وكل هذا ماتبيهم ياخذون من اثرها
يمممه عالحسد الله يكفينا الشر والله يعافيهم ولا يبتلينا
وحسبي الله عالناس اللي تدري انها تحسد ولا تذكر الله
والله اعرف وحده كانت بفقر واخذ واحد وعزها ورزها وكل شي عندها
بس الى الان مشفوحه وتناظر للناس وتخاف عالريال خوف
وتحسون فيها شفاااحه
هذا شي بالنفس مايروح حتى لو عندها خير ونعمه
الله يعافيهم ولا يبتلينا ويكفينا شرهم بس

صادقه هذا الموضوع مسبب اذى لناس كثير

والله يكفينا شر من فيه شر