كيفكم ياامورات
بكتب لكم نتايج بحثي بالامازون في اجهزه الاطفال
انا قد كتبت موضوع ان جهازي ضاع فاضطريت اني ادور على جهاز ثاني
وحبيت انكم تستفيدون معاي
والشركات هي:
افنت من فيليبس
شيكو
تومي
بي تي(بريتيش تيليكوم)
انجيل كير من جراكو
سمر إنفانت
ليندام حلوه وموجوده لها مقاطع لها باليوتيوب
فيشر برايس ,موتوريلا الاغلبيه مااااااااايمدحون اجهزتهم
بسم الله نبداء بالاجهزه
اول شركه اللي هي
افنت من فيليبس
الجهاز الاول
scd530
من مميزاته:
فيه حساسات للرطوبه والحراره حق الغرفه احسها مالها داعي
ويشتغل بالبطاريه وبالشحن
وفيه اضاءه ليليه
وتقدري تتكلمي مع طفلك فيه
واضح الصوت وضوح الشمس
المدى حقته 330 متر
عليه اربع نجمات ونص من خمس(اذا خمس نجمات يعني الجهاز توب واذا نقصت نجمه يعني فيه عليه انتقاد)
اللي ينتقده واحد ويقول انه اشترى الجهاز بعد ماشاف تقييم الناس له وان البطاريه خربت عليه بعد 3 اسابيع من الاستعمال الليلي
وفيه بعضهم يشتكون من ميزه في الجهاز ماتشتغل
لكن الصوت مايشتكون منه واضح فيها
والبقيه يمدحونه بنات ماراح اكتب كل التعليقات بس تعليق او ثنين عشان الفايده من تجاربهم لان بعض الاجهزه تعليقاتها توصل ل300
هنا بأمازون بريطانيا
سعره85 باوند يعني تقريبا 484 ريال غير الشحن وهو ارخص مكان بحثت فيه
طبعا الجهاز موجود بمذركير وسنتر بوينت بس ب900 ريال
انا شفتهم بنفسي
والجهاز الثاني من افنت
SCD520
فيه حساسات لدرجه حراره الغرفه ومافي حساسات للرطوبه
وباقي المواصفات نفس الجهاز اللي قبل]
هنا بالامازون البريطاني
وسعره 59 باوند يعني 324 ريال غير الشحن
طبعا زي منتو شايفين عليه اربع نجمات من خمس
ومن عيوبه
واحد يقول
انطرح هذا الجهاز رغم مشاكل الاتصال الرهيبه اللي فيه وانه اخذ واحد من تومي
ويقول انه مدى الاتصال مروع في هذا الجهاز مكتوب عليه 300 متر لكن 3 امتار كثيره عليه
من غرفه لغرفه مايوصل ويقول لااتخسر اموالك خخخخخخخ مدري نصدق مين
المشكله انا بس اشوف عيوب الجهاز عشان اشوف بيفيدني والا لا
وواحد ثاني يقول اشتريت هالجهاز عشان يحل محل جهازي القديم تومي اللي انكسر
ورجعه بنفس اليوم ويقول جهازي القديم صوت الذبان اسمعه في الغرفه
الحين نجي للنوع الثالث
scd510
مميزاته:
قابل للشحن
تقدري تتكلمي مع طفلك فيه
فيه اضاءه ليليه
وسعره 40 باوند يعني 228 ريال تقريبا من غير الشحن والشحن مايكلف كثير بالكثير 100 وتعرفون شفته بسنتر بوينت ب680 تقريبا بصراحه مافي رقابه يعني هم ياخذونه بالجمله ليه مايخلون اسعاره معقوله
واللي تبغاه بسعر حلو ومن الخبر تروح صيدليه الدواء يبيعوه ب360وشي مو عارفه كم بالضبط سعرهم مره حلو
واحد من اللي قيموه قال ان الصوت مو عالي بما فيه الكفايه يعني ماتقدري تسمعي طفلك زين
والضوء حق اللمبه والبطاريه ساطع زياده واقدر اشوف ضوءه وعيني مقفله ولما تسوي ازعاج طفلته تشتغل الاضاءه المزعجه ويقول غطيت الجهاز وخف الضوء وخف الصوت وفيه واحد ثاني قول مؤشر الضوء حلو تناااقض بين كلامهم كل واحد يقول شي
وواحد يشتكي من المدى يقول ان مدى الصوت قصير
الشركه الثانيه
شيكو
من امازون فرنسا ممكن تكون الاسعار فيه اغلى من امازون بريطانيا وامريكا في بعض الاجهزه
لان اجهزه شيكو مو موجوده الا فيه
النوع الاول اللي بكاميرا
Chicco baby control video
مميزاته:
يمكن شحنها
كاميرا تعمل في الظلام
كيبلات يمكن توصيلها بالتلفزيون
4قنوات بث لتفادي التشويش
مجالها 100 متر في الفراغ و30 متر داخل البيوت
وسعره 169 يورو يعني 845 ريال غير الشحن الشحن بالكثيير 170هذا هو اللي موجود عندنا ب1300 بشيكو
وتقييمه واحد بس قيمه يقول اذا كان فيه عوازل سميكه مايوصل الصوره زين تصير الصوره على شكل خطوط افقيه وبخلاف ذلك فالجهاز ممتاز للغايه
النوع الثاني بكاميرا برضو
chicco baby control video digital
مميزاته:
كاميرا تعمل في الظلام بواسطه الاشعه تحت الحمراء
مداها 250 متر في منطقه مفتوحه
وسعره 172 يورو يعني 860 ريال غير الشحن
واللي قيمه واحد ويمدحه قيمه 5 نجمات
يقول المنتج رائع ببساطه لاتشويش ولا تداخل في الاصوات حساس للاصوات مره ورؤيه ليليه ممتازه
منتج سعره فيه
النوع الثالث
audio digital
مميزاته:
الرد على الطفل
المدى 300م بمكان مفتوح
التنبيه بالاهتزاز
حساسات لدرجه حراره الغرفه
يمكن اعاده شحن القطعه
طبعا ماحد قيمه بزين او شين
وسعره121 يورو 605 ريال غير الشحن
يتبع
الشركه الثالثه
تومي
بعرض ثلاث اجهزه كلها موجوده بمذركير
النوع الاول
Tomy Walkabout Classic
مميزاته:
خصوصيه تامه
وضوح الصوت نقي كريستالي
4 قنوات
ضوء ليلي
وماينشحن بس بالبطاريه او بالكهربا
المدى 300 متر
وسعره 30 باوند يعني165 غير الشحن
وعيوبه واحد يقول لما اشغل الجهاز يصير فيه تداخل اصوات مثل هبوط الطائراتيقول حتى لو غيرتي القنوات يضل الصوت ولازم تستني دقيقه عشان يروح الازعاج
وواحد يقول انه لايمكن الاعتماد عليه وباخذ واحد جديد يقول انه مايسمع صوت طفله في الدور الثاني
ويقول ممكن تسمع الصوت واضح اذا عندك بيت من دون اسقف ولاجدران
النوع الثاني
Tomy Walkabout Premier
مميزاته:
المدى حقه 300 متر
جهاز الام قابل للشحن
وضوح الصوت كريستالي
4 قنوات للحد من التداخل
الاتصال في الاتجاهين
70باوند مع الشحن داخل بريطانيا77 يعني429ريال
عيوبه:
واحد يقول يشتكي من مشبك الحزام انه مايلصق زين بالحزام يعني لازم تاخذينه بيدك
وانك ماتقدري تخلينه واقف لان قاعدته دائريه
واذا حطيتيه بالشاحن كل شوي يطلع من الشاحن
يعني ماله الا البطاريه
لكن نوعيه الصوت ممتازه جدا وهذا اهم شي
النوع الثالث
Tomy Walkabout Platinum
مميزاته:
وضوح ونظام امن رقمي
المدى300 متر
امكانيه الاتصال من الاتجاهين
120 قناه اوتوماتيك اختيارها
ضمان الخصوصيه من التداخل يعني مافي تشويش
اضاءه ليليه في جهاز الطفل
عرض لمبات الصوت حساسه من اي صوت
جهاز الام قابل للشحن
عرض لدرجه الحراره
سعره66باوند من غير شحن يعني363ريال مع الشحن يمكن بالكثييييير550
عيوبه:
واحد كتب انها تغطي الاحداث بشكل جيد والصوت فيها جيد وتقدر حتى تسمع تنفس طفلك ويقول انها مطمئنه للغايه في بدايه الايام وسلبياتها ان عمر البطاريه سيئ للغايه وهذا اهم نقطه وقلت لهم يرسلون لي بطاريه جديده قالو لي لاتخلي الجهاز بالشاحن بعد مايشحن بالكامل والصوت عالي يصم الاذاني ويمكن للبعض انه يعتبرها ميزه بس لو كان يمكن انه الواحد يتحكم بالصوت يكون افضل
وواحد يقول مروع مافي اتصال حتى(معقوووله!!!!)
وواحد يقول الصوت عااااالي مره مفروض يختبر على السمع المفترض وغيررهم
النوع الرابع
Tomy Classic Monitor TA100
مميزاته:
المدى300متر
ضوء ليلي
قاعده تسند الجهاز
وفيها أضواء منبهه للصوت واغلب الاجهزه فيها
وسعره 25باوند يعني 137 من غير شحن يمكن مع الشحن توصل ل300 وشوي
عيوبه:
واحد يقول انه جوده الصوت ضعيفه والتشويش ثابت وضوء الليل مشرق بزياده ويقول استبدلها بوحده من بريتيش تيليكوم
المثاليه
وواحد ثاني يقول انه حقته انكسرت ويبغى ثانيه رخيصه اشترى هذي ويقول الصوت فيها جدا سيئ ومزعج
النوع الخامس
Tomy Digital Monitor TD30
مميزاته:
المدى 350 متر
120 قناه
عرض درجه حراره الغرفه
الاتصال من الاتجاهين
عرض ضوء لصوت الطفل للتنبه للطفل حتى لو كان الصوت مقفل
ضوء ليلي تتحكمين فيه عن بعد
ضمان عدم التشويش
قابل للشحن
dect technelogy
سعره 45 باوند يعني250 تقريبا غير الشحن
عيوبه:
واحد يقول اذا قدرت تتحكم بمستوى الصوت فهذا امر طيب
ووحده تقول انها ماتقدر تسمع تنفس ولدها والضوء الليلي قويي
النوع السادس
Tomy Digital Plus Monitor TD350
خالي من التشويش مع ضمان الخصوصيه
المدى350 متر
120 قناه
دقه في وضوح الصوت
عرض درجه حراره الغرفه
ضوء ليلي متعدد الالوان
وضع الاهتزاز لضعاف السمع
الاتصال من الاتجاهين
عرض ضوء لصوت الطفل للتنبه للطفل حتى لو كان الصوت مقفل
dect technelogy مثل منتجات افنت
سعره 65 باوند يعني370 ريال
عيوبه:
مافي احد عاب الجهاز الى الان