اللقيمات مافي اسهل منها

ولكنها تحتاج الى اصول

اولا العجينه ماتكون سائله كثير

وبعدين تخليها تخمر لما تشوفيها انتفخت

وبعدين الزيت يكون غزير وحامي وعلى نار هاديه

وبعدها تبدين تقلبين فيها وهي على نار هاديه حتى تاخذ اللون الذهبي

وبعدها على الشيره

مقاديري بسيطه وان شاء الله تضبط معاك

2 كاس طحين ابيض
2 م نشا
1 م خميره
ملعقة سكر
وماي دافي تقريبا كاس وربع او حسب نوع الطحين وتصبينه اشوي اشوي حتى تصير العجينه لاهي سائله كثيره ولا هي يابسه وتغطينها وتخلينها تخمر ساعه .... واذا تبينها باللبن بدلي الماي باللبن وخليه بحرارة المطبخ ... وممكن تحطين بالعجينه اشوي هيل او زعفران او لون الزعفران او حبة البركه

وطريقة التلقيم ايضا لازم تاخذينها بالاعتبار وانا حطيت طريقة التلقيم من قبل .... هي قصتها طويله ولكن لما تعرفين سرها راح تصير سهله عندك


انستغرام: q8crochet
اللقيمات اذا صارت مقاديرها معروفه اكيد بتضبط لكن المشكله بالتصبيب مو كلنا نعرف ‏
عني انا كنت اعاني بتصبيبها في الزيت الى ان لقيت الحل

تاخذين كيس اللحم وتدهنينه مم جوا بزيت ‏
بعدين تحطين العجينه حقت اللقيمات فيه بعد ماتخمر وتجمعينها في زاويه من زوايا الكيس
وتربطينا بحيث تكون على شكل مثلث او قمع تزيين
بعده حطي الكيس في سلطانيه او باديه او غضاره بحيث ان الكيس مايتحرك
والربطه تكون تحت وراس القمع من فوق
بعدين قصي راس الكيس
حطي لك صحن فيه زيت بحيث انك تغطين اصابع يدك اليمين فيها
حاولي تضغطين الكيس بيدك اليسار وهو في مكانه بتطلع لك كوره هنا غطي اصابعك اليمين في الزيت واقطعي الكوره اللي طلعت لك ‏
وعلى الزيت الحار اللي ناره واطيه مو عاليه
سوي لك كميه بنفس الطريقهوكل مره تقطعين فيها العجينه بيدك اليمين حاولي تكون مغطسه بالزيت عشان تحافظ على@شكلها الدائري ‏
قلبي القيمات في الزيت على نار هاديه الى ان تحمر بعدها طلعيه وعلى الشيره على طول وقلبيها فيها وشليها منها وحطي في صحن التقديم ‏
وبس
ههههههههه........عجبني العنوان.........
" لّا إِلَهَ إِلاَّ أَنتَ سُبْحَانَكَ إِنِّي كُنتُ مِنَ الظَّالِمِينَ"
نفس المعانااااااااااااااااااااات


اللهم اغفرلي وللمسلمين والمسلمات الأحياء منهم والأموات
رفععععع


الساعة الآن 08:14 .