Analysis Services
العفو الغالية

اذا انتي واثقة من نفسج انج بتعطين كل شي زين توكلي على الله وخلي رزقج علية
ابدي والله يوفقج وخلي الصالون اهم شي في حياتج الين يوقف على ريولهههههه
وبعدين لا تخافين بتحطين ناس تساعدج وبيخف الحمل .... عليج
04-12-1425 هـ, 09:03 مساءً
 
قررت ان شاء الله افتح الصالون بس محتارة بحاجة وحدة وهى كم اقصى حد للايجار ادفعة

لان اخوي عطانى 50 الف فقط ( هو خايف من الخسارة )


لاطنشونـــــــــــــــــــــــــــــــــــــــــــــى
16-12-1425 هـ, 03:36 مساءً
 
أختي الشامسيه ...

أول شي ... مشروع زين وما اكثرهم في البلاد لعلمج في بوظبي بس تقريبا 400 صالون ... و اغلبهم جودهم مثل عدمه ..
طبعا إذا حابه و مصره تفتحين لازم تتميزين بكل شي ..عشان يكون لج سمعه زينه ومستوى راقي ..

ثاني شي .. تتوكلين ع الله أولا و أخيرا ..و تحطيلج اساسات واهداف تمشين عليها .. عشان تمشين صح وللأرقى ..

ثالث شي .. النظافه + الخدمه الراقيه + النظام ( المواعيد) <<<<< صالون مرتب وراقي

رابع شي.. واهم شي في اي تجاره ... Location Location Location الموقع جدا مهم تتوفر فيه باركنات ..

خامس شي .. تيبين العاملات ذوات خبره .. عشان ما تتوهقين مع الزباين ..

تحتاجين :
3 كوافيرات <<< سشوار + قص+ صبغه
2 فلبينيات <<< غسيل الشعر + باديكير ومانيكير
1 محاسبه <<<< أمينه بالدرجه الأولى
1 عاملة تنظيف <<< تنظف أول بأول عشان يطلع المحل يلق و تخدم خدمات للزباين شاي، ماي ،كوفي
هذا اللي حضرني في الوقت الحالي ...

نصيحه :: مري ع الصالونات الراقيه وشوفي كيف شغله عشان تاخذين فكره ..

أسامي بعض الصالونات اللي تغاملت معاهم والصراحه خدمه راقيه :

باريسا
بينكا
باريس غاليري
جاك ديسانج
بيوتي بالاس

بالتوفيق الغاليه .. لاتنسين اتسولين ديسكاونت ...
17-12-1425 هـ, 12:09 مساءً
 
مشكورة اختي الغالية

كلامج صحيح بس اعتقد ان هذى شروط لازم تكون فى اى صالون ( النظافة والمعاملة الحسنة والشغل المميز)

وبالنسبة لى انا متوكلة على الله وخدماتى بالبداية بتكون خفيفة وباسعار مناسبة لين انعرف

وانا بكون فى المحل ان شاء الله دائما وبدخل دورة مكياج وتصفيف شعر وعلى الله التوفيق :24: :24:
20-12-1425 هـ, 03:49 مساءً
 


الساعة الآن 12:41 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏