ما شاء الله اطباق لذيذة واذا سمحتي ممكن طريقة دجاج اسكندر
18-09-1431 هـ, 04:24 مساءً
 
يسلمو اديكي ممكن تكتبي طريقة الاسكندر
18-09-1431 هـ, 04:26 مساءً
 
هي الطريقة كمان مرة

دجاج اسكندر ..

يمكن الوصفة مو هي الأصلية تمام بس انا هاي اللي جربتها .. والوصفة الأصلية اصلا باللحمة اسمها كباب اسكندر لكن في صار تعديلات عليها والطبق أصلا تركي ..

صدور دجاج مقطعة شرايح رفيعه وطويلة بدون جلد ولا عظم
4-5 حبات بندورة مقطعة ، بصلة ، حبة فلفل حلو اخضر
مكعب ماجي ، بهار
لبن زبادي ، طحينية ، ليمون
خبز شراك محمص في الفرن (أو خبز عادي رقيق)
للتزيين بقدونس مفروم وصنوبر / لوز مقلي

اول شي نحط البندورة ونصف البصلة ونصف حبة الفلفل الأخضر في الخلاط مع شوية مي و ننخلطهم تمام لحد ما يصير متل العصير ..
نصفي العصير ونتركه على جنب شوي و نقلب الدجاج في كمية قلييييييلة من زيت الزيتون لحد ما تتنشف ميته ويستوي ، ونحط معه نص البصلة والفلفل اللي بقيت (مفروم ناعم او جوانح رفيعة) و نقلبهم مع مكعب ماجي وبهار خفيف ..
نضيف عصير البندورة والبصل ونتركه يتسبك تمام ..

يفضل نستخدم خبز الشراك لانه رقيق كتير أو أي خبز تاني، نقطعه مربعات ونحمصه في الفرن .. ونرتبه في طبق التقديم

الصوص عبارة عن 4-5 ملاعق كبيرة لبن زبادي مع ملعقة طحينية و عصير نص ليمونة ورشة ملح .. نخلطهم كويييس (الصوص الأصلي لبن زبادي من غير طحينية) ..

وقت التقديم بنحط الدجاج مع مرقته (المفروض المرقة تكون قليلة مو كتييرة بزيادة) فوق الخبز ، و فوقهم الصوص و بنزين حسب الرغبة . انا زينته ببقدونس مفروم ولوز مقلي مع صنوبر و شوية بابريكا ..

ابدا لا ترتبي الطبق قبل التقديم بوقت طويل لانه الخبز بيشرب المرقة وبيصير ما اله طعم زاكي

وما بنصح ابدا بقلي الخبز لانه الطبق صحي جدا وما فيه زيت ودهون والأفضل يبقى هيك ..
18-09-1431 هـ, 04:27 مساءً
 
ماشاء الله دجاج الاسكندر شدتني ممكن تكتبين لي طريقتهاااا بالخاااص
18-09-1431 هـ, 04:40 مساءً
 
ماشاء الله تبارك الله ، تسلم ايدك ،،
18-09-1431 هـ, 04:48 مساءً
 


الساعة الآن 01:44 .