الله يعيينك ويكتب اجرك يارب
12-09-1431 هـ, 02:27 صباحاً
 
اكيد الشوربة وانا دايم اسوي شوربة العدس

لو تحبين هاذي المقادير جربيها وشوفيها اذا بتحبينها او لا لأنها وااايد سهله ولذييييييذة

تفورين في قدر على النار ( بصل + كوسة + جزر + عدس برتقالي ) طبعا المقادير تقديرية انا اسوي اربع بصلات وخمس حبات كوسة وحبتين جزر والعدس ممكن كوبين او اكثر على حسب وانتي قدري الكمية اللي تبين لاني انا اسوي اقصى حد لتسع او عشر اشخاص

المهم بعد ما تفور في الماي على النار وتستوي الخضار مع العدس خليها تبرد على جنب وبعدين اخلطيها في خلاط المولينكس ورجعيها للجدر وضيفي لها ماجي وشوية ملح وذرة ( ترى اهم شي الملح لانه اذا قل تطلع ماصخة لكن اذا كان مضبوط تطلع رهيييية ) وافضل تجربينها قبل العزيمة عشان تتأكدين بنفسج.

وسوي فتوش لأنه سهل وما يحتاج وكوني من قبل مقلية الخبز ومجهزته


وممكن تسوين فتة

وسمبوسة خضار مع بطاطس مهروسة وسمبوسة جبن وممكن سبرنج رول تكونين من قبل حاشيتها بحشوة دجاج مع الخضار وكوني مجهزتها من قبل بالفريزر من اليوم اللي قبل وبس اقليها قبل الفطور بساعة

واذا انتي ما بتسوين رز افضل تسوين معكرونة يعني بشاميل ولا باستا على حسب ذوقج

وثريد كوني مجهزة المرق من الضحى وبس كسري الخبز عليه قبل الفطور بنص ساعه

ولو تجيبين جيبي صحنين هريس من برا من مطعم سنع يمكن فيه احد يحب الهريس

وطبعا البيتزا يم يمي الرجال واااايد يحبونها ترى واذا بتسوينها الضحى بعد مب مشكلة ما تخرب بس اعمليها قطع صغيرة دوائر متفرقة واحفظيها في صينية وغلفيها بالنايلون تبقى طرية وحلوة

واذا ما عندج وقت للعجن وحوسة الفرن سويها بعجينة البف باستري يعني جيبي كل قطعة من العجينة وافرديها في الصينية وكل اللي عليج انج تحطين عليها حشوة البيتزا كتشاب وخضار وزيتون وجبن وحمريها شوي في الفرن بعد تطلع حلوة وراقية

واشتري الصمون الصغير مرررة اللي يصلح للفطاير ويكون دائري واحشيه بحشوة التونه او الجبن او المشروم او لو لقيتي وقت دجاج بالمايونيز المهم اي حشوة لانها سهله ومو محتاجة فرن

وطبعا لو تعرفين للقيمات فيفضل انج تسوين شويه بعد

وبالنسبة للحلى لو تفكين نفسج وتسوينه من الليل واحسن لو تجبيبن هالاكواب الصغيرة المخصصة للحلى موجودة في ايكيا او محل ادوات المطبخ عشان تفكين زوجج من التفطيع وتخريب شكل الحلى

وانواع ثانية تعرفينها جهزيها من الليل عشان تفكين نفسج من الحلى

واذا تذكرت شي بعد بقولج

الله يعينج ويوفقج ويبيض وجهج جدام ضيوفج امين
12-09-1431 هـ, 02:40 صباحاً
 
الله يعين يارب
12-09-1431 هـ, 02:44 صباحاً
 
شوفي عيوني صلحي مكرونه وشوربه وسمبوسه وتانج ومويه والحمد لله
12-09-1431 هـ, 02:46 صباحاً
 
شوفي ياعسوله طريقتي
انا كان عندي عزيمه قبل يومين سويت
سويت فطاير سبانخ وفطاير جبن ابيض وزيتون خبزتها وحطيتها بالفريز
سويت اصابع الجبن بالسويتز وحطيتها بالفريزر
سويت سمبوسك بف وعلى الفريزر
سويت كبة بطاطس وعلى الفريزر
كلها قبل العزومه بكم يوم
وفي الليل سويت نوعين حلى
والعصيرات
ويوم العزيمه
قمت سويت الشوربه
والجريش
وصينية التوست بالدجاج
وفتة الباذنجان
وسلطة المكرونه
وطلعت الفطاير من الثلاجه
وقليت اصابع الجبن وحطيت لها شيره
وقليت كبة البطاطس
والسمبوسه
وسلامتك
12-09-1431 هـ, 02:55 صباحاً
 


الساعة الآن 08:19 .