Analysis Services
وسعي صدرك الامور سهله دامك تعرفين تطبخين

الليله سوي حلا ومهلبيه وكريمه اذا يحبونها مع العصيرات وحطيهن بالثلاجه

وسوي بعض الحشوات مثل حشوة الشاورما او حشوة جيوب التاجر او اي حشوه ناويه تسوينها

والمعجنات امرها سهل اول ماتقومين الظهر باذن الله سوي لك عجينه وشكلي فيها كذا صنف انا اذا بيجوني ناس اسوي عجينة

زيتونه 500 الله يذكرها بالخير باللبن الزبادي مضبوطه وكميته كثيره

سوي منها صنفين مثلا اي شي بيزا او جيوب التاجر او فطاير جبنه واذا عجنتي خليها تخمر وروحي سوي صنف ثاني

مثلا صينية لازانيا او مصقعه او صينية خضار او مكرونه صيني يعني سوي المكرونه بالطريقه الي تحبينها وخليها على جنب

وممكن تختصرين الوقت بالاشياء الجاهزه مثلا انا اجيب خبز تورتيلا جاهز واحشيه برر دجاج المجمد اقليه واحشيه مع جبنه شرايح وخص ووقت التقديم اسخنه بسخان السندوتشواقسمه نصين

واجيب فطير مشلتت مجمد احمسه واحشيه كاساديا لذيذه وسهله وفيها من 3 الى 4 اصناف جبنه

واسوي شاورما برقاق المطبق كل هذولي اسوي حشوتهن من الليل ومن بكرا بس احشي وعند التقديم اسخن

وتصير العجينه وقتها خمرت تقومين تشكلينها وتدخلينها الفرن وبعدين بالحافظات لين وقت التقديم

اهم شي اكتبي الي بتسوينه عشان ماتحوسين بالمطبخ وتبدين خطوه بخطوه وتوفرين وقت وجهد

وسوي نوعين سلطه مثلا تبوله انا افرمها واجهزها دايم من الليل وسلطه مطحونه حاره للي يحب الحار

والكبه والسمبوسه انا افرزنها قبل بوقت ومن يجون اطلع واقلي

والشوربه سويها بدري وطفيها

وعندك السبانخ تجي مجمده اذا حبيتي تحشين الفطاير تسوين الحشوه برضو من الليل

وصدقيني الاستعداد والترتيب وحصر الاصناف توفر لك الوقت ومايجي العصر الا وانتي مجهزه كل شي

وبعدين اكيد هم بيجيبون معهم فطورهم الحين الناس ماتقصر كلن يجيب معه صنف ويذوق وتصير السفره عامره

لاتشيلين هم انا اليوم كان عندي ضيوف رجال والبارح شلت همهم والحمدلله الامور تسهلت وزوجي لمين الحين يتشكر فيني هههههههههههه

والله يعينك ويساعدك ويوفقك ويبيض وجهك قدامهم

اهم شي طمنينا وصوريلنا سرفتكم
12-09-1431 هـ, 03:15 صباحاً
 
الله لايحرررمني منكم يااحلى اخوووووووات والله طمنتوووني بس من جد المعجنات تتعب في نفس اليووم والمطبخ يندمر وينعدم
12-09-1431 هـ, 03:20 صباحاً
 
السلام عليكم سويها قبل أبيوم عجينة الربع ساعة مايضرها
لو تقعد أسبوع أنا أسويها لكن الخميره تكون جديدة
12-09-1431 هـ, 03:29 صباحاً
 
رفع
12-09-1431 هـ, 03:34 صباحاً
 
رفع
12-09-1431 هـ, 03:53 صباحاً
 


الساعة الآن 09:32 .