الله المستعان ما عاد فيه احد ممكن يساعد احد بلا مقابل .. اجل اطلب من مشرفه الإذاعه تشرف على البنات وما تسوي اللي أبيه وأضطر انا اقوم بكل العمل لوحدي
ما كأني مديره مدرسة لي ثقلي في المجتمع ..مديرتنا الفاضله منسيه .. معلماتي العزيزات كل معلمات العلمي والأدبي سواء الحاضرات أو اللي غايبات في إجازة امومه فقط اما اللي تغيب تدلعاً وسوء تصرف فهذه الإذاعه ما تعنيها في شيء لأننا كلنا زعلانين منها .. أخواتي الطالبات .. السلام عليكم ورحمه الله وبركاته ..أما عبد .. عفوا أما بعد ..
نبتدئ اذاعتنا بآيات من كتاب الله تتلوها عليكم المديره الفاضله وذلك لأنه ما فيه أحد ممكن انه يجاريها في الصوت ..
وتقدمت بكل ثقه وبيدي المصحف بصراحه اخترت سورة البقرة تدرون البيت التي تتلى فيه سورة البقرة لاتدخله الشياطين 3 أيام .. وما قصرت أقرأ وأقرأ وأقرأ بكل انسجام ما وقفت الا عند قوله تعالى فانصرنا على القوم الكافرين ..
بنات اقولكم شيء ؟ المدرسه هاااااادئه مو كالعاده الحمد لله هذه بشاره انهم ممكن يهدون .. الظاهر انهم اتأثروا من سورة البقرة بصوتي الشجي لله دري أتعبت من بعدي ..
ونزلت من المسرح الا والآقي البنت اللي تقدم الإذاعه نايمه .. ما حبيت اصحيها عشان تقدم الفقرة الثانيه ..اما تخيلوا اصحيها من نومه تهبل هي محتاجتها عشان تقدم الفقرة الثانيه والله لو منها وأحد يصحيني من نومه الصبح اني لأسوي عيد في وجهه .. فقررت اني انا أقدم بقيه فقرات الإذاعه ( تعبت وانا أقول لكم ان قلبي من ذهب ).. فقلت والآن نقدم نشيد رائع بصوت شجي آخر من التراث الأصلي .. من الموروث الباقي الى يومنا هذا ممن يحيون هذا الفن الأصيل .. رحبوا معي بالخاله أم هلال لتعطيكم ابيات من عيون الشعر العربي على قوله قناة المجد .. يلا صفقوا هيييييييييييييييييييي .. انبسطت المستخدمه في المدرسه وهذا يدل على التكافل بين أعضاء المدرسه وهذا كلة دليل على الإدارة الناجحه فديتوني خخخ .
والله تقدمت ام هلال وكنا متفقين من أول انها تعطيني انشوده سنعه مفرحه وذات مغزى وبعد تاريخي .. قالت .. ألا يا ام العروسه الله يتمم هناكي ليل و ليله سعيده والحبايب معاك الا يام العريس وياحاضرين قولوا ألف مبروووووووك لللللللولي:icon28: وكل المدرسه كلهم لافرق الله شملهم يازين أم هلال بينهم يازين مهاوي بينهم واستاذه سميه سلموها الرايه (وع هذه اللي سلمتها الإذاعه وما مستكها لو اعطوها الرايه وش بتسوي ؟) وفلانه لاتنسونها .... شوفوا الحرمه ؟ انا قدام البنات مسويه شخصيه واصيح على الخاله ..أم هلال وش هذا الكلام انا قايله لك اعطينا انشوده والا سوي لنا عرس ؟ قالت انتي طلبتي شيء فرايحي .. انا: ويوم انك سويتي زواج ليش ما ذكرتي اسمي فيه ؟ على الأقل اني العروسه ..(وجع حتى وانا مديرة ما تزوجت ؟) قالت والله يابنتي ما فيه أمل حتى تكونين صبابه والمدرسه كلها هاهاهاهاهاهاهاهاهاها اهب عليكم يوم القرآن نايمين وللعروس والهوشات أول من يقوم .. أخذتها من قفاتها ونزلتها من المسرح .. وناديت أم خلف المستخدمه الثانيه وقلت لها في اذنها اذا ودك تسوين عرس من الحين احجزي لي العروسه غمزت لي بعينها وقالت OK (قويه صح خخخ) المهم طلعت على المسرح وقالت : ومنسيااااااااااااااه زيت الذره الطبيعي لامثله ولا مثاله لامثله ولامثاله .. غني وصحي وطبيعي لامثله ولا مثاله وكملت انا عنها لامثله ولامثاله .. ام خلف الله لايعطيك العافيه على هالخبال اللي لامثله ومثاله لامثله ولا مثاله .. انقلعي بسرعه من وجهي لأدقك من على المسرح ولا انتي في الشرشورة .. قالت العيب مو عليك العيب على اللي تغني لك والا لو وحده ثانيه ما كان غنت لك الا زوج عبادك زوج عبادك ياربي زوج عبادك العزوبيه العزوبيه يايمه طالت عليه قومي اخطبي لي يايمه مثل الحوريه ..
ليش ؟
ليش كذا ؟
ليش كذا دايماً؟
ليش كذا دايماً الناس يحطموني ؟ انا فعلا مصدومه عيوني شرقت وانا على المسرح والدمعه ناشبه في عيوني حتى شوفوا
.. انا ما سويت شيء لأحد لكن الكل ما يحبني ..ليش يسبون كذا من الباب للطقاقه ؟ ما فيه ضابطات امن مافيه حريم في الإستقبال .. ؟ ليش الكل يحسبوني ولد ؟ انا والله بنت ما ابي حوريه ابي ظل راجل ولاظل حيطه مو مشكله أي شيء ممكن ظله بدون وجوده عادي يصير حتى شوفوا حريم السفراء رجالهم برا وهم هنا مع عيالهم ضعيفات ..البنات كلهم تمسخروا عليه وضحكوا ضحك هستيري مع انه دايما اكون لهم الأم الحنون على بناتها بس دااااااااائما كذا الطيب ما يعيش في هذا الزمن ..
قلت والآن نقدم لكم النشيد اللي يجمد على الشارب .. فرشي التراب يضمني وهو غطائي .. حولي الرمال تلفني بل من ورائي والنور خط كتابه انسي لقائي .. بعدين لفيت على ام خلف وام هلال وقلت اهداء خاص لكم والأهل( خلف وهلال ) اين حنانهم باعوا وفائي والصحب ( المدرسات اللي مدحوهم وخلوني ) اين جموعهم تركوا اخائي والمال اين هناؤة صار ورائي( هذه لمعلمه المقصف قعيطيه رفضت تسلفني من المقصف تقول انتي مديره عندك فلوس ..وخير مديرة يعني ما تستلف زي الناس ؟) والإسم اين بريقه بين الثناء ( اهداء خاص للموجهه اللي كل ماجت ماعجبها شيء عندي ) هذه نهايه حالي فرشي التراب .
عاد البنات شفت عيونهم دمعت
واااااضح التأثر من صوتي الله لو تسمعوني وانا انشد طلع البدر علينا ماكان تمسون اليوم الا في بيتي وتقولون لي هل من مزيد ؟ .. نرجع للإذاعه فقلت والآن مع فقرة هل تعلم .. وانا جالسه مع البنت وهي تقرا عشان اصحح لها الأخطاء الإملائيه تعرفون لازم كل شيء على عاتقي الله يعينني .. قالت هل تعلم ان الماء سر الحياه ؟ قلت قديمه قالت هل تعلم ان السرطان الأكثر شيوعا بين النساء سرطان الرئه ؟ قلت أكيد بسبب تدخين ازواجهن .. قالت هل تعلم الأخطبوط له 3 قلوب ؟ قلت لو يجمعون قلوبه كلها على بعضها ماتجي ربع مساحه قلبي ولا حتى شقه تأجير قالت هل تعلم ان النساء كيدهن عظيم والشيطان كيده ضعيف ؟ قلت راجعي ام خلف وام هلال قالت هل تعلم ان المرأه الكائن الوحيد الذي يشتكي من جري الرجال ورائه وفي نفس الوقت يدعو الله الا ينتهي هذا الجري ؟ قلت حريم مايعلم بهم الا اللي خلقهم قالت هل تعلم ان كاتبه الموضوع من مواليد 1407 قلت لا أعلم .. قالت هل تعلم ان الحدائق المعلقه ببابل هي لملكه من بلاد كلها غابات وحدائق بهيجه تزوجها ملك من بابل يوم جت اكتئبت من منظر البلاد وهي يوم انها عند ابوها كانت تسرح وتمرح في ذا الغابات ويوم تزوجت الا ما عندها غير هجير الصحراء فقرر زوجها ان ينشئ لها حدائق وكانت من عجائب الدنيا السبع ؟ قلت ليه ؟ معقوله احلى مني ؟ لو اني مكانها ياترى وش بيبني لي ؟ بلاش احد يرد اعرف الإجابه مسبقا .. قالت هل تعلم ان الدم يتم هو من يتحكم في درجه حراره الجسم ؟ قلت بلا كذب الأخطبوط ومشيناها لكن الحين لا عاد زودتيها .. قالت هل تعلم ان المديرة خنقت انفاسي بتعليقاتها وبأنزل الآن وخليها هي تقرأ لكم قلت أحسن .. ايوه من زمان وانا استنى يعني ماتفهمين من أول مره يوم ما ذكرت اسمك وبرضه طلعتي لقاااااااااااااااافه 
..قلت هل تعلم عزيزي المشاهد ان القمر الإصطناعي يجلس اليوم أمامكم ؟ هل تعلم ان افضل مديره في العالم تقف الآن أمامكم هل تعلم ان هذه المدرسه كلها لي ؟ هل تعلم ان ظاهرة العنوسه بدأت تنتشر ومع كذا يغلون في المهور ؟ لا و يزعلون لا تزوجوا أجنبيات .. هل تعلم ان الضحك على الصباح مو زين ؟ هل تعلم ان إذاعتنا أحلى اذاعه في العالم ؟
والآن مع الطالبه اللي رح تقيم لكم المسابقه والا أقول .. انا راح اقيمها يلا والجوائز مغررررريه جدا .. روج ماله غطاء استعمال نظيف .. وجبه مسائيه من المدرسه .. شحاطه سيراميك .. قلم سبورة تشخبط فيه اذا خرجت المعلمه من الفصل .. ومفاجأة الموسم 4حبات اندومي مجانا وباقي الكرتون ممكن نبيعه عليها اذا بغت أكثر .. حسيت البنات تحمسوا جدا ... السؤال الأول .. من أول من قام من النوم اليوم ؟ محد جاوب الحمد لله ظمنت هديه .. من أول من بوضع أول حجر في سور الصين العظيم ؟ قامت وحده شيطانه وجاوبت .. قلت لها طيب السؤال له تكمله انا ماقلتها لأنك بسرعه جاوبت .. كم عدد الأحجار التي بني منها سور الصين العظيم ؟ قالت بعدد الحفر اللي بوجهك وراحت قليله حياء مو منها من الهديه اللي راحت عليها خخخخ قلت من أول من صنع الأوراق ؟ جت وحده تجاوب قالت مافيه تكمله للسؤال ؟ ضحكوا البنات شوفي بنت اللذين قلت لا قالت الصينيون .. قلت خطأ أنا أبغى اسم الرجال اللي صنع الأوراق الا وحمرت عيونها فيني قالت وبعدين
؟ قلت لا أمزح معاك صفقوا لها الشطورة ما شاء الله عليها .. وجع راحت عليه الشحاطه .. بصراحه خفت تروح بقيه الهدايا قلت مالي الا أصعب مستوى الأسئله وأخليها من مستوى أسئله الرئاسه في اختبار الرياضيات قلت أذا كنت في قطار يسير بسرعه 2000 كم في الساعه متى توصلين عند أهلك اذا قلنا انك خارجه من بيتك مضروبه وزعلانه مع مراعاه الحاله النفسيه والجسديه مع العلم ان أهلك يسكنون في آخر الحارة ؟ يالله لو يحطوني في اللجنه اللي تحط الأسئله يا أني بنجحهم خخخخ .. جتني وحده صعنطوووووووووطه لابسه نظارات معروفه في المدرسه انها أذكى وحده ودايما تاخذ الأولى قالت بالنظر الى المعطيات ..قلت لها من عطيات ؟ راكبه معك في القطار ؟ قالت اني رح أوصل بعد 5 أيام .. انا أولا ما أعرف كيف طرى السؤال على بالي والى الآن ما فهمته ولا أعرف الإجابه لكن بما انها دايما تجيب الأولى معاناته كلامها صح .. صدق من قال لاتستحقرن صغيره ان الجبال من الحصى وصح صفقوها ممتازه واعطيتها القلم بما اني ما راح استفيد من وجوده .. جينا للسؤال الأصعب والأكبر والأجمل اللي محد يقدر يجاوبه .. من أول من درسني 123 طوووووووووط محد جاوب وأكسب انا هذه الجوله وأفوز بالأندومي ياقلب قلبي لو اعرف اسوي فيها شعر ما قصرت لكن انا اكتفي بالحداء فديتني . قلت والآن مع هذا المشهد المؤثر .. جبت طالبتين ولبستهم وحده زي حرمه كبيره والثانيه لبس مودرن 
على انها أم وزوجه ولدها والعلاقه السيئه اللي تربطهم ببعضهم وكيف ان الزوجه عذبت الأم وحرمتها من ولدها ووزعتها في الملحق وآخر شيء طردت الأم من البيت هنا ما قدرت استحمل وتدخلت في النص وانا أبكي قلت لها مو حرام عليكي ياللي ماتخافين الله تطردين الحرمه اللي اعطتك ولدها هديه ؟ قالت ابله انتي قلتي لي سوي كذا قلت لها بلا أبله بلا هم انتي وحده ما تستاهلين النعمه اللي انتي فيها والله لو اني مكانك ما سويت كذا والله لأوريك شغلك وأنزل عليها ضرب وبكسااااات وأنواع التفغيص ومط الشعر لييييين ما فك بيننا الا المعلمات انا هنا انتبهت على انه مشهد عن عقوق الأمهات لكني تأثرت كثيييير والبنت بعد هذه المصارعه .. مشففففففرررررر 
على طول ختمت الإذاعه لاتصير مصيبه ثانيه قلت وفي الختام نشكر مديرة المدرسة اللي تعبت في اعداد ووضع وقراءة و****د وتمثيل هذه الإذاعه ويلا بنات يلا بسرعه ضيعنا ساعتين ونص أقصد استفدنا من ساعتين ونص في الإذاعه يلا عشان ما تتأخرون على الفصول وهناك راح تلاقون مفاااااااجأه ما رح تصدقون انها موجوده في مدرستنا وهذه المفاجأه بالتعاون مع الوزاره عشان تكون مدرستنا أحسن مدرسه ونطلع مع الصواف من الأمم حقيقه هذه المفاجأه راح تضيف للتعليم تجربه جديد هانا لي فتره اراسل الوزاره بطلباتي واخيرا نفذوها لي ..
قالت طالبه أكيد جبتوا لنا مكيفات سبلت قلت لا أحسن قالوا أكيد مكيفات صحروايه قلت ولا حتى مروحه قعادي قالوا أكيد رممتوا لنا السقف اللي بغى يطيح علينا قلت لا أجمل قالوا أكيد بتكون عندنا الدراسه بالكمبيوتر .. قلت لا لا لا أحسن من كذا بكثييييير قالوا ما قعد الا الدراسه عن بعد .. قلت تخسون أجل لمين أقول الإذاعه كل يوم ؟ لالالا أحسن قالوا يمكن جددتوا الطاولات المكسورة قلت نوووووو فكروا ياغبيات قالوا أجل وفرتوا لنا كتب جديده بدل ما نطبع من كتب بعض قلت يالله انتم ناس ماتفكروا الا في السطحيات احسن شيء أطلعوا وشوفوا بأنفسكم انا طول الليل وانا هنا عشانكم انتم تستهبلون .. وطلعت انا معهم الا وقفوا البنات مشدوهين
( يعني مبلوهين )من اللي شافوه كل وحده تدخل تلقى مجموعه اقلام فلوماستر ام ريحه اللي بالليمون والكرز والعنب .. وبرضه على كل طاوله سكين بتقولون ليش ؟ عشان اذا كان الجو حر ولقيت الطالبه لها كرتون تقسمه بينها وبين زميلتها .. البنات متفاجئات ولا وحده منهم تكلمت من شده الصدمه لكن عيونهم تقول لي انهم ودهم يبوسون راسي على هذه الهدايا لكن المفاجأة الأحلى اني صلحت بويات الجدران الجديده جدار واحد من كل فصل وكتبت على الباقي من الجدران تراه نفس اللون ..وش اسوي ما جابوا لي الا سطل بويه .. وكانت الألوان مفاجأه اخترت اللون الكحلي عشان يخبي القذاره اللي على الجدران خفت لا تبان من تحت البويه البيضاء ولو باختار اسود يصير كئآبه حرام من الصبح .. بس لا تطالعون في السقوف خلوها لاتدققون في السطحيات .. بصراحه توفر من الميزانيه شويه لكن الإداره بعد تستقبل موجهات وحريم انواع وأشكال فخليت الباقي من الميزانيه لتزيين الإدارة .. قلت هاه وش رأيكم في الهديه ؟ قالوا طيب انتي من امس هنا وش تسوين ؟ قلت اوزع على طاولاتكم السكاكين والأقلام ياهبل قالت مدرستهم وانتي مراسله الوزاره على هذه الطلبات كان راسلتيهم عشان السقوف اللي مدري متى تطيح والا عن الكتب المتوارثة جيل بعد جيل حتى صارت الوحده ما تستلم نتيجتها الا بعد ماتسلم كتبها والا كان كلمتيهم عن المكيفات والهجير اللي احنا عايشين فيها ؟ بالله البنات وش بيستفيدون من الأقلام ؟ قلت عشان يتسلون لين تجي الحصه اللي بعدها ويرسمون على السبورة ويطلعون خيالاتهم وبنسوي مسابقه لأحلى رسمه خبله 
.. قالت الله يسعدك اطلعي برا انا عندي حصه رياضيات الآن وما ودي ألخبط في المعلومات اللي في رأسي ..دايما كذا معلمات الرياضيات يجون معصبااااات .. قلت هذا بدل ماتقولون كثر الله خيرك وانا كل يوم والثاني مزعجه الوزير وين أقلامي وين سكاكيني لين ما جابها ؟ بس هين الشرهه ماهي عليكم الشرهه على اللي يجيب لكم هدايا .. أوف بصراحه عصبوني .. ما أدري الا استاذه منسيه وسباق الهجن في الأسياب .. وش اللي صار ؟أكمل لكم ان شاء الله فيما بعد ..
لكن الله الله بالردود اللي تفتح النفس
وننتظر جديدك....