السلام عليكم كيف حالكم ياوخياتي .... حبيت أشكيلكم الحال وأفضفض شوي لأني حاسه إني أبي أطق....
زوجي له فتره ماأدري وش فيه مايواطن السفر حتى في الأجازه رفض نروح لأي مكان ... وهو مايرفض يعني يقول لا
ماأوديك ... لا له أسلوب ثاني يخليني أنا اللي أقول هونت ماأبي أسافر....
ولي هالحين 6 سنين مارحت مكه ولا أخذت عمره ... والمدينه رحت قبل سنتين ونكد علي ماخلاني أتهنى كل روحتي
مع الطريق 4 أيام وكل شوي يقول خلاص مامليتي ماودك نرجع لين يطفشني ونرجع مايمدينا نتهنى...
ولي كم يوم أحاول معه أبي أروح للرياض ودي أغير جو حاسه نفسيتي تعبانه .. ومن أقوله عن السفره يتغير ميزاجه
ويقلب علي ويصير مايكلمني إلا بشين نفس.. وهو موافق يقول نمشي بس أنا إذا شفته أنعفس كذا تعاف نفسي
الروحه لأني أحس أنه بينكد علي في السفر .... وكل مره أقوله أبي أسافر يسوي نفس الحركه وأهون أنا وأنا مقهوره
والمره هذي شكلي أبي أطنش وأخليه يوديني مع أنه مثل كل مره عصب وتغير لون وجهه من القهر وهو يقول خلاص
أوديك...
وش رايكم يابنات أجزم عليه وأعوده أنه يسافر حتى لو مو بخاطره الروحه ؟؟
أو أستخير الله عن السفر وأنكتم طول عمري بالبيت لاروحه ولاجيه...
بنت القصيم3 @bnt_alksym3
محررة
يلزم عليك تسجيل الدخول أولًا لكتابة تعليق.
فروله بالفانيليا
•
حبيبتي لاتسافرين الزم ماعليك رضى زوجك وتمشوا بالمنطقه اللي انتي فيها غيروا جو مو ضروري تسافرين وانتي لاتناظرين عيب زوجك هذا ارضي باللي قسم لك الله ولاتناظريسن كلام فلانة او علانة الزم ماعليك رضى زوجك واحمدي الله ماشاء الله لايضرك ويسخر لك غيرك عيوب زوجها اكثر مدمن او سكران احمد الله والله يسخر لك
والله مدري وش اقولك بس يوووه تقعدين طول عمرك ماتسافرين انا لو منك اعوده على السفر واقوله اني اذا سافرت تتغير نفسيتي واكون مبسوطه انت ماتبغاني اكون مبسوطه ومن هالكلام اللي يخليه يرضى مو يوديني بالغصب يعني حببيه بالسفر مو زعل وهواش والنفسيه زفت اذا كذا بعذره يكره السفر واذا سافرتي غيري من نفسيتك خليك دايم تسولفين معه وتمزحين يعني بيني انك مبسووووطه مرررره حتى لو هو متضايق ماعليك منه اهم شي انبسطي انتي والعيال وقولي وش ذنب العيال يتعقدون خليه حتى يسافر عشانهم
حبيبتي لاتسافرين الزم ماعليك رضى زوجك وتمشوا بالمنطقه اللي انتي فيها غيروا جو مو ضروري تسافرين وانتي لاتناظرين عيب زوجك هذا ارضي باللي قسم لك الله ولاتناظريسن كلام فلانة او علانة الزم ماعليك رضى زوجك واحمدي الله ماشاء الله لايضرك ويسخر لك غيرك عيوب زوجها اكثر مدمن او سكران احمد الله والله يسخر لكحبيبتي لاتسافرين الزم ماعليك رضى زوجك وتمشوا بالمنطقه اللي انتي فيها غيروا جو مو ضروري تسافرين...
هلا أختي فروله الله يجزاك خير على النصيحه لكن إذا مو متمشي لافي المنطقه ولا برا المنطقه وش أسوي بعمري ؟؟
وأتوقع أنك مانتي حاسه باللي أنا حاسه فيه والله لو تجربين كان تشوفين النفسيه كيف تكون...
مشكوره يالغاليه على ردك...
وأتوقع أنك مانتي حاسه باللي أنا حاسه فيه والله لو تجربين كان تشوفين النفسيه كيف تكون...
مشكوره يالغاليه على ردك...
الله يعيننا وياك نفس حالك وبعد انا اروح على حسابى هذا اذا فكر يودينالله يعيننا وياك نفس حالك وبعد انا اروح على حسابى هذا اذا فكر يودين
أهلين مهمومه الله يزيل همي وهمك ياأختي ... ياليته يوديني لو على حسابي لأني مدرسه وإذار حنا تصير السفره بيينا مو عليه..
الصفحة الأخيرة