Analysis Services
السلام عليكم

الطبخه اليوووم رز ودجاج مشوي بخلطتي السريه
الطريقة :

ـ اول شي قطعي الدجاجه اربع قطع او ست على كيفك
ـ ثم اغسليها بمويه وخل وليمون عشان الريحه
ـ قطعي جزر وبطاطس مكعبات متوسطه وممكن تضيفين اي خضار تحبين
ـ خليها على جنب وجهزي التتبيله وهي:
علبة لبن قليل الدسم ابو ريال+ 1م ك صلصه + 2م ك صويا حلوه + 2م ك كتشب +1م ك مايونيز + 1م خل+ 2م ك زيت زيتون +1م جبنه سايله او اذا ماتوفرت قشطه طازجه + رشة كركم + 1م ك كاري + وهناااا السر 1م ك بهارات عربيه
وهذي صورة العلبه



ـ ضيفي الخضار والدجاج واتركيها من نص ساعه الى ساعه
زي كذا


ـ وقبل كل شي شغلي الفرن من تحت وفوق

ـ جيبي صينية الفرن وحطي الدجاج مع الخلطه والخضار وفوق كل قطعه من الدجاج حطي
ملعقه سمن صغير على كل قطعه وبيالة مويه حارة
مثل كذا



ـ وغطيه بالقصدير وخرميه بالشوكه بس مو كثير
واتركيه ساعه الا ربع بعدين شيلي الغطاء

ـ شغلي فحمه وخليها لين تصير جمر وحطي بفنجان قلييل زيت وحطيه بوسط صينية الدجاج
وحطي الفحمه وغطي عليه ورجعيها الفرن تتحمر دقايق بس
مثل كذا



ـ الحين تكوني مجهزه الرز مغسول ومنقوع ربع ساعه واسلقيه مع ملح وهيل حب وقرفه حب ومسمار حب و ورق غار لين ينضج..
ـ جيبي فنجان فيه 2م موية ورد شوية زعفران او لون طعام وصبيه على وجه الرز
مثل كذا



ـ الحين اغرفي الرز بالصحن وحطي الدجاج فوقه مع الخضار وزينيه
وقدميه مع سلطة خضار او سلطة لبن وخيار
وهذي الصورة النهائيه..




زوووم << ماتقلد احد




وبالعاافيه,,,
14-09-1431 هـ, 12:53 صباحاً
 

5.00

عدد التقييمات: 1
5
100%
4
3
2
1
وربي جنااااااااااااان وجاري التطبيق والحفظ
مشكورة

بس عند اقتراح بسيط ولاتهونين
لو انك اضفتي الدجاج بالخضار بعد استواءه على الرز ثم بخرتيهم كلهم سواء وبعدين شيليهم واخلطي الرز وحطيهم عليه اتوقع اطعم
14-09-1431 هـ, 01:12 صباحاً
 
اقتباس مشاركة  (أرجوانة عسير)
وربي جنااااااااااااان وجاري التطبيق والحفظ
مشكورة

بس عند اقتراح بسيط ولاتهونين
لو انك اضفتي الدجاج بالخضار بعد استواءه على الرز ثم بخرتيهم كلهم سواء وبعدين شيليهم واخلطي الرز وحطيهم عليه اتوقع اطعم

يسعدك ربي انتظر تطبيقك يالغـلآ ,,

والله فكره بس ماجات في بالي اصلا لما خلصت الدجاج الرز كان باقي على النار *_^

بسوي طريقتك المره الجايه بإذن الله ,,

شاكره مروورك
14-09-1431 هـ, 01:41 صباحاً
 
روووووووووعه ماشاء الله


عواافي
14-09-1431 هـ, 02:23 صباحاً
 
ماشاء الله
14-09-1431 هـ, 02:27 صباحاً
 


الساعة الآن 09:07 .