الله يرزقكم وكل محتاج من واسع فضله ومن حيث لا تحتسبون

ويرزق الجميع الذرية الصالحة السليمة البارة
15-09-1431 هـ, 12:29 صباحاً
 
عافاكم الله كلكم وما قصرتوا انا اقل شي احتاجه دعواتكم
والشركة يقولون ااسلامية والله مدري عنهم بس شكلنا ما لنا الا هم لان سيارتنا انحالت على التقاعد ما فيها شي صاحي
واللي حدني لان عندنا بيتنا تقسيط وبفوايد بعد 200 الف وما ودي السيارة بعد كذا
لا يوم قلت لزوجي قال ما حد يسلف الا الشركات والبنوك وبفوايد ولا الناس ما تسلف الحين
وهو اصلا ما طلب من احد سلف لانه داري ان كل اللي عنده محتاجين
اللي يبني واللي بيت اجار واللي واللي كل واحد عنده اقصاده وهذا هو المجتمع السعودي اغلب كذا والله يعين
وتنفتح بوجيهنا
ويجيب الله الفرج على يد وزير العمل الجديد على الاقل نلاقي وظايف نتساعد احنا ورجالنا على ها الدنيا وغلاها
ومشكورين
15-09-1431 هـ, 02:33 صباحاً
 
الله يرزقكم ياررب من واسع فضله والله لو عندي ماترددت ابد في ذا الرمضان والشهر الفضيل بس اني عارفه العين بصيره واليد قصيره

الله يرزقنا واياكم وييسر اموركم لو تبين رايي لاتشترون الحين سياره جديده ابد الين تتحسن ظروفكم شوي عشان ماتتوهقون بالاقساط الله يعينكم وش نسوي مالنا الا الصبر الحال رديه الله بس يجعلنا من عتقائه من النر في ذا الشهر الفضيل

عاد لاتنسينا من دعواتك في ذا الشهر حتى ولو اني ماسلفتكم الله يرزقكم ويغنيكم بفضله عمن سواه ويجعل الجنه مثواي ومثواك ومثوى المسلمين اجمع
15-09-1431 هـ, 03:51 صباحاً
 
اختي طلبت 50الف بسوي مشروع مضمون الارباح والي بيسلفني برهن عنده ذهب بقيمة 80الف وبسدد شهرياً 5الف والمشروع يعلم الله اني كنت ناوية استر على بيوت وايتام كثار به لكن مافيه احد سلفني ولا اعترف اصلا بي وانتي يااختي تبغين سيارة بهالمبلغ الكبير فيه سيارات كثيرة اقل سعراً واقساطها اقل مو لازم سيارة فخمة كل واحد يمد رجليه على قد لحافه لكن كل واحد حر برأيه الله يستر عليك ويرزقك من واسع فضله..
15-09-1431 هـ, 04:15 صباحاً
 
الله يرزقكم ويعتق رقابنا من النار يا اخت هند
ويا ابلا احنا بنشتري جديده لان اللي معنا مستعملة وما قعدت معنا الا ست سنوات وخربت
قلنا يمكن لو نشتري استعمال نظيف ولا جديده تطول معنا بأذن الله
لاننا نشتري الشي غالي بس نكرفه لا سيارات ولا جوالات جوالي اشتري اخر شي نزل ويجلس معي اللين يخرب من حاله ولا يخربونه العيال علشان اغير يعني مو قصدنا انو نبغى نمد رجولنا ولحفنا قصار الهدف انو تطول الشغلة معنا ما خربت
لاننا لو خربت ما لنا الا الاقصاد
15-09-1431 هـ, 05:51 صباحاً
 


الساعة الآن 06:38 .