زوجي مدمن شاهي وكل يوم طريقه جديده هههههه ونوع شاهي جديد
واخر طريقه استقريت عليها اسويه مثلا الساعه 3 ونص العصر احط 3 اكياس شاي ربيع و2 فنجان قهوه سكر وافورها عالنار مع المويه ولمن يغلي اطفي عليه
وبعد الفطور اغليه مره ثانيه واحطه بالترمس <<<والحمد لله للحين عاجبه بس الله يستر لا يجيب لي نوع جديد واجلس احوس واخترع لين يعجبه
سبحان الله وبحمده سبحان الله العظيم

انا اسوي الشاي باكثر من طريقه و كل وحده لها جوها

الطريقه الاولى العاديه :

احط في البراد شاي و نعناع او حبق و بعد تغلي المويه اصب شويه عليهم بعدين اكب المويه

بعيد احط السكر و ارجع احط مويه مغليه من جديد واقلبهم و خلاص ما اغليهم .

الطريقه الثانيه :

اسوي حليب من حليب البودره و المويه و احط عليه سكر و اغليه على النار ولما يقرب يفور احط الشاي و اخليه يفور معاه

وذوقي احلى شاي بالحليب .

في ناس تسوي شاي عادي سكر و شاي ومويه مغليه وبعدين تصب عليه حليب مركز

الطريقه الثالثه :

مويه و حليب بودره وشاي وقليل من هيل و قرنفل و قرفه و يغلون على النار .

الطريقه الرابعه :

شاي و زنجبيل اخضر و قرفه و فلفل اسود و فانيليا و قرنفل و هيل و يانسون و شمر و جوزه طيب و حليب صويا و سكر بني و ماء

تحطين كل البهارات ماعدا الشاي و السكر و الحليب مع بعض في علبه و تسوين الشاي مع المويه و السكر

و لما يبدا يغلي حطي ملعقه من البهارت و الحليب و خليهم يغلون مع بعض على نار واطيه ولما تصبينه رشي الوجه بالقرفه .

الطريقه الخامسه :

شاي و زعفران و قرفه وهيل و مسحوق لوز و مويه و سكر

اغلي الشاي مع المويه و السكر وحطي ملعقه من البهارات

و حطي اللوز في الكاسات و صبي عليه الشاي بعد ما يغلي .

الطريقه السادسه :

شاي و سكر و مويه يغلون بعدين حطي عصير برتقاله و ليمونه صغيره .

الطريقه السابعه :

مويه وشاي و سكر و قرنفل و قرفه و شريحه ليمون و كوب عصير اناناس

اغلي المويه و العصير بعدين ضيفي لها الباقي قليل من كل شي و خليهم يغلون شويه .

الطريقه الثامنه :

شاي و حليب و بودره شكولاته هنتز و نعناع

اغلي الحليب مع الشاي بعدين حطي النعناع و في الكاسات حطي الشوكلاته وصبي عليها الشاي .

افضل نوع شاي الشاي السيلاني

و لما تسوي وصفه فيها حليب حطي الشاي السيلاني الاسود
شوفي اتوقع السبب نوع الشاي

انت شوفي الشاي اللي يكيفيه يمكن شاي اهله

وهذي العاده

فاساليهم ايش نوع الشاهي

وكثير من الناس يستخدموا ابو جبل

الكبار والشياب لانه طعم

لكن غالي ولا يجي منه الا نوع واحد ورق


وجربي اغلي الماء

ماء معدني مو مويه الحنفيه

واغلي معاه السكر لحد مايطبخ شويه

ثم اضيفي الشاي ورق وخليه يغلي شويه ثم سكريه وخليه يتخدر


وباذن الله بيكون طيب

لكن اوزني السكر قبل حسب ذوقه

واقترح عليك ادخلي منتدى مكشات وشوفي انواع الشاي وطرق عملها وجربي


واتوقع عدم اتقانك لذوق زوجك لانه يحبه مر وانت تحبينه حالي او عادي

وهذا يفرق في تذوق اللسان

اتمنى اكون افدتك وما بغى الادعوه منك
انا احس مايحلي الشاي الأ المويه اذا كانت من غرش يعني معدنيه لها طعم ثاني
واهم شئ انه يفور لين تشمين رحيت الشاي
لاتحطين نعناع ولا حبق مع الشاهي خليها برا والي يبي يحط
واحسن نوعية للشاهي بنظري شاهي اسمه احمد مره خطير وطعمه عجيب
سبحان الله وبحمده .. سبحان الله العظيـم
لاتتم الاعمال العظيمة بالقوة ولكن بالصبر


الساعة الآن 09:57 .