الزوج العصبي..
اللي رضاه..مثل زعله..!
وزعله..مثل رضاه...!..
اللي مايعجبه العجب..!
اللي لو فركتي شوشتك على الأرض حتى تبرق لممشى خطاويه..مايشوف..يعميه الله...
وإذا نسيتي أو أخطيتي...ياكبرها عند الله!
يذكرك بخطاك...وينسى طيبك وسنعك!
اللي يدور الزعل تدوير
ويستفزك..
ويحط البلا فيك
ولو عصبتي من حق
حط إنك إنتِ المخطية
وأنتِ النكدية
رجال حاولتي تدارينه
وترضينه
وبذلتي جهدك عشان يرضى
تبين سلام وهدوء وراحة بال
ومع ذلك يشوف هذا واجبك وعادي لوقمتي فيه
والمصيبة إذا كنتي ملسونةوحارة وتقدرين تردين عليه
بس عضيتي على شحمه
وطولتي بالك
تبين ترضينه
ولا تكبرينها
لكنها تكبر وتكبر!
رجال إذا طاب خاطره وش حلاته
كريم ويهجد...( مع إنه لايعرف وش الرومانسية وعاطفته جامدة وحتى النوم مافيه نومات زي الناس إلا بالكم شهر مرة!)
بس من يتكدر خاطره من العوامل الجوية أو الخارجية يحطك برأسه
يدعي عليك ويزعل عليك
يسبك ويحتقرك ويقول ياحقيرة ويبرطم بالكم يوم عشانك بكيتي
ويذب في الكلام لك ولعيالك مايفرق بينكم أبد ويقول ماتستاهلون
مع إنك عسل مايسمع غير سم ولبيه وأبشر مع إنه عارف شخصيتك قوية مو تقولون مايحب الضعيفة
ولو قلت وش قصرت فيه وش مسويه ماعنده جواب يتهرب ويلف ويدور
وزعله أقشر يدوم لأيام وأسابيع وأشهر
تصيرين خلاص مثل البيت الواقف
يطلع ويدخل ولا جاب خبرك
وعطاك قد حاجتك والفترة الأخيرة يمن فيها ويحاول يذلك
السالفة تطول لكن...دعيتي وصبرتي وأستغفرتي سنييييييييييييين
وهو كل ماله يزيد..وش تسوين معه!
خاصة لو كنتي حساسة وهالشي ماتقدرين تنسينه ويأثر على نفسيتك وصحتك!
يابنات أنا تعبت
ولو السحر حلال دفعت دم قلبي أسحره
ولو الإنتحار حلال أنتحرت
وضعي ماتسطره الحروف واللي قلته مو شي
هذا بس جزء بسيط مايعتبر شي
أبي أعرف عقب تقريباً 20 سنة بينفع هذا معه شي!
تسواهم? @tsoahm_2
عضوة
يلزم عليك تسجيل الدخول أولًا لكتابة تعليق.
الصفحة الأخيرة
اللي ماينلعب عليه
ولا يقتنع بشي
ولا يحس إن فيه شي
لو شكيتي إنه محسود
والتصرفات غريبة شوي على جوكم رغم إنه لها فوق 10 سنوات
كيف تعالجينه دو ن مايحس
وكيف تعرفين أصلاً إن بينكم حسد؟!