سلام بنات

حاولت عدة طرق للقيمات ، ومعظمها مجربة من البنات و ناجحة.

المشكلة


أول ما أطلع القيمات ألمسها تكون صلبة من الخارج و لينة من الداخل يعني مثل النتيجة الي أبيها


لكن


بعد فترة تلين


و إذا حطيت الشيرة عليها تلين زود ما أدري ليش السبب



بغيتها تكون صلبة من برة مقرمشة و لينة من الداخل ياريت اللي عندها خبرة تعلمني
كاس دقيق
نص فنجان شاي زيت
3ملاعق حليب بودرة
ملعقة صغيرة خميرة
بيضه
والماء اعجني الى ان تعطيك عجينه اثقل من عجينة الكيك

مجربه ومضمونه ميه بالميه
وبامكانك مضاعفة الكميه
جربيها وادعيلي
ابقولك على لقيماتي ذهبيه ومقرمشه
وقاديرها بسييييطه
كاسين دقيق ابيض + ملعقة خميره + ملعقتين قشطه + ذرة ملح
اعجنيها بمويه وتكون اثقل بقليل من عجينة الكيك
خليها تخمر نص ساعه وحمي الزيت وابدأي لقميها
وهي انك تحطين يدك وسط الماعون اللي انتي حاطه فيه العجينه
وتاخذين بيدك من العجينه وتضغطين والعجينه راح تطلع من بي اصبعيك الأبهام والسبابه
القطيها على طول بملعقه صغيره حقت الحلى تكونين مغطستها بمويه
وسقطيها بالزيت وكملي باقي اللقيمات الين تمتليء المقلاة وبعدين قلبي القيمات في الزيت
الين ماتوصل للون الذهبي وطلعيها وحطيها على مصفى خليها 5 دقائق ثم بعد ذلك قدميها
وفيه ملاحظه كمية الزيت لازم تكون كثيره يعني تكون اكثر من نص المقلاة واذا بديتي تلقمين لازم يكون الزيت حار
ثم بعد ذلك قصري عليه النار
وضروري ضروري مسألة التقليب
اذا مليتي المقلاة قلبي بأستمرار
صدقيني اذا اتبعتي نفس الكلام راح تطلع لقيماتك مضرب الأمثال وياريت تسوينها اليوم وتعلميني بالنتيجه لأني واااثقه من انها بتعجبك
حنا اللقيمات شئ اساسي بالفطور عندنا ,,

حتى يوم تزوجنا ,, صرنا نسوية عند رجالنا ,, يعني زي الفيروس يمشي معنا ,,

المهم راح تستغربي المقادير ,, بس والله هذا الي تستخدمة امي من عرفت نفسي ..

1 ونصف كاس دقيق .. كاس كرافت الصغير ..
ملعقة حليب بودرة
نص ملعقة خميرة
شوي ملح ..
ونصف ملعقة بكنج بودر ..

وتعجنينها بالماء .. وع فكرة والله انا ما اقيس ,, يعني اكب بيدي بدون قياس ,, يدي مقياسي
يمكن لاني اخذت عليها ..

تحطيننها والزيت حامي .. بس ما يكون حار مرة ..
لانه اذا حار مرة راح تحمر بسرعة والي جوا عجين ,, واذا النار خفيفة ,, راح تتيبس من كثر القلي ..

.. مدري فين حاطة الجوال ,, كان ودي انزل صورة للقيماتي ,, اذا لقيته ابنزلها

خليها تخمر ,, وبعدين اشتغلي فيها ,,
احيانا اسويها قبل بساعة او حتى نصف ساعة
.... استغفر الله العظيم وأتوب إلية ....




مشكورين بنات أن شاء الله بجرب طرقكم وحدة وحدة و أرد عليكم


الساعة الآن 10:19 .