السلام عليكم ورحمة الله
كيفكم حبيبات قلبي من زمان عنكم
بصراحه الموضوع ومافيه صديق زوجي وزوجته جاينا زياره يهنوننا بالمولود الجديد وطبعا ابغى منكم مساعده في حلى القهوه وايش اقدم مع الشاهي والحلىالمناسب مع العصير وياليت تكون سهله وماتاخذ وقت لان عند طفل توه مولود وبنتي عمرها سنتين يعني الله يعينوالزياره راح تكون بعد التراويح
والله يجزاكم الجنه ويغفرلنا ولكم إن شاء الله

شوفي حبيبتي هذا رابط موضوعي في بعض الإشياء مجربتها شخصياً وإن شاء الله يعجبك
http://forum.hawaaworld.com/showthread.php?p=40809146#post 40809146
@@ حلى القهوه @@
-----------------

كب كيك السينابون الكذاب فخم جدا الحلى
المقادير :::
---------

كرتون كب كيك لوزين ( ساده أو محشي توفي أو محشي شوكولاته )
أ )بالخلاط _ف ق ماء
_ف ق سكر
_ ف ق زيت
_ م ك نسكافيه
_بيضه
_فانيليا
ب )بالخلاط _ ثلاث أرباع علبة النستله
_كرتون جبن كيري
_نصف علبة قشطه
ج ) _توفي
د )_كاجو محمر بزبده على النار لحد مايأخذ لون ونكهه
( إذا نزلتيه من النار زيدي عليه لوز مبشور وحركيه مع بعض )
ن ) _ هيرشي
الطريقه :::
--------
تجيبين الصينيه اللي تفتح من الجوانب وتصفين الكيك فيها
ثم تخلطين ( أ ) وتسقين الكيك وحده وحده لحد ماتخلصين
الخلطه طبعا إذا بقى من الخلطه صبيه فوق الكيك كله دخليه
فرن ( تكونين مشغلته قبل لاتبدين شغلك علشان يكون حار )
من تحت (20 د ) ومن فوق ( 5 د ) وطلعيه من الفرن وحطي
عليه ( ب ) ملعقة كبيره فوق كل كيكه لحد ماتخلصين الكميه
ثم تجيبين ( ج ) ملعقه صغيره فوق كل كيكه بحيث يكون ماتغطين
النستله خليها تبان عاد الحين جيبي ( د) وحطي كميه فوق التوفي
لاتكونين بخيله كثري شوي
( ن ) قبل التقديم زينيه بخطوط هيرشي
------------------------------------------------------------
كور البسكوت بالهيرشي وجوز الهند سهل جدا
وأنتي تسوين القهوه تسوينه وتقدمينه لضيوفك وأنتي مطمنه
شوفي حبيبتي بعطيك كميه وحده وأنتي ضاعفيها قد ماتبغين

الكميه تطلعلك (15) كوره صغيره
المقاس كأس الجبن الصغير
كأس بسكوت مطحون
ربع كأس جوز هند
شريحتين أوريو من دون قشطه
هيرشي
ملعقه كبيره قشطه
تعجنين المقادير مع بعض وتحطين هيرشي لحد مايصير لونه بني
وبعدين كوريها ودحرجيها بجوز هند وقدميه مع القهوه وأنتي مسروره
----------------------------------------------
حلا النوتيلا وبسكوت السمسم هذا وش أقول
وش أخلي خرافه من دون مبالغه سويته أربع مرات
بس من إجازة الحج
المقادير
نوتيلا
بسكوت سمسم
جبن
نستله
جيبي صينية الكب كيك الكبيره وحطي أوراق البلسيه الكبار
وبعدين سخني النوتيلا شوي بالمكرويف وحطي ملعقة كبيره
نوتيلا بكل قالب والطبقة الثانيه بسكوت سمسم
الطبقه الثالثه بالخلاط (نستله + 12 جبن كيري )
حطي ملعقه كبيره من النستله
وأخر طبقه بسكوت سمسم
طبعا تكونين مشغله الفرن قبل الشغل علشان يكون حامي
وتدخلين الصينيه لحد ماتجمد من فوق طلعيها خليها تبرد
وعلى طول للفريزر ساعه أو ساعه ونصف وكرري العمليه
هذي لحد ماتخلص الكميه
حبيبتي إذا جيتي تقدمينه فكي الحلى من القوالب وأقلبيه
بأوراق بلسيه جديده وزينيه بنقطة هيرشي وجوز هند



دعـــــــــــــ ـــــــــــــــ ــوـوـوـوـواتــ ــــــكـــ يـــالـــــغـــ ـــلا
للرفع
مع القهوة شوكلاته إذا عندك , و مع العصير كيك سواء العلالي ولا جاهز ولا كب كيك ولا كوكيز , ومع الشاهي فطاير مشكلة وبس ,,
سوي كيكة والغابة السوداء لذيذه وفخمه وماتبي شغل وتناسب الناس العاديه والناس الهاي كلاس ^^
مع القهوة
تكفي إذا مو مطولين
بعض الناس تقعد بس يادوبك نص ساعه وتطلع
خفيفين الله يخفف علينا

أما إذا مطولين
زيدي فواكه وعصير


وممكن تحطي شاي ساده لو هم من النوع القديم لازم قهوة وشاهي
يكفي مع الشاي فصفص أو حطي من الشوابير الجاهزة



الله يسهل عليكم
" ربي لا تذرني فرداً وأنت خير الوارثين "



الساعة الآن 04:30 .