تجربتي بأول اسبوعين من رمضان2010

باركولي يابنات نقصت 3,200ك بأول اسبوعين برمضان شوفوا شو كنت اسوي بصراحه ماكنت ماشيه ابدا على نظام او رجيم معين بس كنت اسوي اشياء ساعدتني وراح اقولكم بالتفصيل عليها
اولا من اول ماأقوم اشتغل بشغل البيت وببناتي طبعا ماعندي شغاله واضل اشتغل ساعتين وعندي يومين بالاسبوع اروح لبيت ام زوجي انضفه واطهو لهم الافطار من 9 الصبح الى 9 باليل وهذه الرياضه الوحيده اللي بسويها
ثانيا: عند الافطار افطر على ماء فقط ماأحب التمر وبعدين اكل كوب زبادي صغير بدون نكهات منزوع الدسم واكون حاطه فيه الاتي ملعقه اكل خل تفاح وملعقه من الاعشاب المعروفه انا عندي اعشاب مخلطتها بنفسي بنسب متساويه وهي بذر كتان شاي أخضر كمون نعناع زنجبيل قرفه بردقوش اكليل مريميه رحيتهم مع بعض وأخذ م ك واحطها على الزبادي مع الخل واكل الزبادي واكل حبه سيبوتيرم 15 واقوم اصلي
ثالثا الافطار:اخذ 2 الى 3 م شربه ومو كل يوم وبعدين اكل ماامامي قطعه من كل نوع بس مااتعدى 3 انواع واذا اكلت رز اكل نوع واحد معه وبعدين اشرب عصير اناناس كوبين تقريبا واغلق فمي
رابعا:بعد التراويح في الاسبوع الاول ماكنت اكل شي وفي الاسبوع الثاني كنت اكل قطعه من اي نوعين فقط
خامسا:السحور بأول اسبوع كنت اتسحر صحن بطيخ وبالاسبوع الثاني يوم اخذ قطعه معجنات ويوم ماخذ شي طبعا اكل بالسحور الزبادي اللي عملته بالافطار
الحلو:اول اسبوع ماأخذت حلو ابدا ثاني اسبوع اكلت يوم بعد يوم صحن كاستر عاملاه بنفسي
اهم شي اشربوا ماء كثير
وان شاء الله تستفيدوا من تجربتي وباذن الله راح اخبركم شوا يصير معي في الاسبوعين الاخيرين من رمضان بعد العيد
الحمد لله وماشاء الله من 111,400ك الى108,200