كلمه قالها لي زوجي واعقدت لساني:(

:44:
واااااااااا
واااااااااا
من اخذت زوجي وانا بصراحه عمري ماارهقته بالمصاريف لدرجه اني ارحمه
مااشتري شي غالي مره ولا ادلع نفسي زي سلفتي
سلفتي بالشهر تجيب وحده تشيل لها مرتين بالشهر
وكل اسبوع مرتين بالمشغل تسوي حمام زيت
وتشقير وصبغه
وماتشتري الا الغالي مره وبالعازيم ماتكررر لبسها
ابدا...وكل مناسبه فستان اقل شي ب3الااف
وانا 3 مناسبات والله ماشريت
مو بخل لاوالله...
بس راحمته كانت اوضاعه الماديه حوسه....وغير كذا مااحب اجمع فساتين حرام التبذير
وغير كذا كل مناسبه تختلف عن الثانيه..يعني ولااحد من المعازيم شاف الفساتين..
ولاعمري رحت اسوي مناكير وبدكير =طبعا من اخذته
وسلفتي زوجها يحولها بالشهر 3000
لها اذا بغت شي..وانا ماحطيت لي مصروف شهري...
ومواقف كثيره...اخرتها شغالتي بتروح بشوال واجار بيتي بشوال ..فرحمته قلت خلاص لاتقدم عشان الضغوط الماديه
وسلفتي قسم بالله سفرت شغالتها وهي مقدمه اصلاا ..ماقعدت ولايوم ببيتها ..تقول ماارجع الا اذا جت الشغاله
وخلاها لين جت..:42:
اللله يهنيها =انا مااحسدها ولاشب بس اوضح لكم الفرق بيني وبينها..
والظروف الماديه لزوجي وزوجها تقريبا نفسها....
المهم
امس بالسياره
قالي وش ناقصك من ملابس العيد..قلت بس جزمه=اعزكم الله
قال كم تبين قلت 300
قال:::ماتلاحظين انك ارهقتيني بالمصاريف:09:
بالحرف الواحد=صرتي عبء علي=(
واللله اني انصدمت يعني كل هذا ولا شالها لي جميله....
وقتها كررت كلمته بس باستغراب وسكت:(
وودي اقوله احمد ربك .....تراي وتراي..بس كيف اوضح له
اني احسن من غيري.....نصائحكم وووش رايكم:(