السلام عليكم ورحمه الله بركاته ....
كيفكم ياحلى ستات وسبعات ..
حبيت اناقش معكم موضوع يخص العشه الزوجيه وهو ... اسرار الحياه الزوجيه
هل فعلا الحياه الزوجيه تخص الزوج وزوجته فقط يعني اهل الزوج واهل الزوجه لاتاثير لهم فيها .. بصراحه ارى الموضوع تغير حاليا يعني اي حركه يقوم بها الزوجين الكل يعلق عليها يعني انتو رحتو ورجعتو ووغير يمكن مايقصدو يدخلو بطريقه مباشره لكن هم فالنهايه كل تحركات الزوجين عندهم ,, مثلا انا اول الزواج سكنت في منطقه غير منطقه امي واهل زوجي فمكان بعيد عنا لكن في نفس المنطقه فيها ناس معارفنا واهلنا وانا وزوجي من النوع اللي وايد نطلع يعني اغلب الوقت نقضيه برع البيت ,, وبمجرد اني اشوفهم يقوولوو انتي امس طلعتي ورجعتي البيت في الوقت ... وزوجج طلع عقب ورد يعني كل تحركاتنا عندهم الموضوع ضايقني لانه حسيت انا مراقبين اي حركه نسويها كانوا يعرفوها ..
وبعد الزواج بفتره قررنا الانتقال في شقه قريبه من بيت امي ولكن نفس الوضع جيران امي كل شوي يقول لامي بنتج كل شوي يطلعوا ماشالله عليهم وايد يطلعوا زوجها يطلعها كل يوم والثاني تروح دبي وتروح صلاله وغيره....
وقالت امي اخاف عليج من الحسد وصير شي بينكم يعدين ... يعني شو الحل في هذه الحاله..
:32:
وبعدين نقطه ثانيه لما اكون جالسه مع زوجات اخواني يتكلموا والبعض يشتكي زوجها مايطلعها والثانيه تقول زوجي وايد يعصب والثاله زوجي مايتكلم وغيره وانا ولله الحمد زوجي غير عن ازواجهم اللي هم اخواني يعني مايعصب ويحبني بشكل كبير الكل ملاحظ ويقولو حظج زوجج يطلعج ويحبج ودايم يكون معج انا لانه مافقلبي شي اقووولهم فعلا زوجي حليو معي ويسوي كذا ونطلع وتصرفه معي بهذه الطريقه ....
بس وحده نبهتني قالتلي لاتخبريهم كيف حياتج وين تروحي وين ترجعي لانه الحسد وارد وحتى بدون قصد
:( شو الحل برايكم وهل فعلا لاني مرتاحه مع زوجي الحمدلله يصير حسد او شي من هذا القبيل ؟؟
وهل اتكلم عن حياتي عندهم او تكون حياتي خاصه بي وبزوجي ؟؟؟
:32: ابي تفاعلكم فالموضوع الله يخليكم ...
ولكم جزيل الشكر
خوووله @khooolh
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
أول شي دوووووم شغلي سورة البقرة في بيتج ... عشان يمنع الحسد ... والله يحميكم من كل عين ... إن شاء الله ..
والشغلة الثانية ما في داعي تتكلمين على ريلج سواء بالزين أو بالشين ( لاسمح الله ) ... لا تتكلمين أبداً عن حياتج الزوجية ...
وإذا سمحت إي حد يقول ... فلانه ريلها ودها ،، فلانه ريلها يحبها ،، فلانه تطلع وايد ... إنتي قولي جدامهم ( ما شاء الله ) ....
الله يوفقج في حياتج ويسعدج .... :27: