حبيبتي الماكرويف انواع

فيه للطبخ والتسخين

وفيه للتسخين

انتي تاكدي اللي عندك للطبخ والتسخين والا للتسخين بس

انا اللي عندي للطبخ والتسخين وماتصدقين انه له عندي ست سنين ولين هالحين مااعرف اطبخ فيه وامنيتي اعرف احد يطبخ فيه عشان يعلمني

اما التسخين فانا فناااانه فيه <<<<<< لان مافيه اسهل منه

وان شاءالله نلاقي احد يدلنا على طريقة الطبخ

والف شكر لك لانك اثرتي هالموضوع
18-11-1425 هـ, 10:55 صباحاً
 
والله روعه المكرويف واتمنى اني اشتريه من كثر ما اسمع عته .. بس خساره ما اشوفه الا في المحلات .

ادعي لي اني اشتريه .. علشان اتعلم واعلمك ... خخخخخخخ .

الله يوفقك ويسعدك وتلاقين احد يعلمك ويساعدك ..
18-11-1425 هـ, 06:46 مساءً
 
احذري من المايكرويف ،،
في بعض الأنواع ما تقبل إنك تحطيتها في إناء معدن أو ألمنيوم أو قصدير !

هو المايكرويف شي عجيب ..
يعني أي أكل عندك في الثلاجة وحابة تسخنينه مجرد تغلفيه ( بالشفاف ) وتدخليه للمياكرويف بالصحن الي بتاكلين فيه مباشرة ..

ممكن اذا صار عندك خبز أو توست زيادة حتى ما يتعفن تقدري تحتفظي فيه مجمد لفتره طويله وتطلعين في أي وقت وتسخنيه ويصير كأنه طالع من التنور

ممكن تدخلي أي شي حتى لو كان في كيس ..

طبعاً أكثر شي استخدم الميكرويف للتسخين ،،
ونادراً استخدمه لتذويب الدجاج إذا كنت ابيه بسرعة ( وطبعاً تذويب الدجاج يُفضل في حرارة الغرفة حتى يذوب على راحة بس للضرورة أحكام )
واستخدمناه كم مرة لطهي ورق العنب وما طلع حلو مثل إذا بالفرن ..

هذا كل الي على بالي من خبرتنا في المايكرويف ..
انتي أهم شي تقرين كل المعلومات والنصايح عنه ،، لأن استخدامه دقيق وتشوفين شنو الأنواع الي يقبلها والي ما يقبلها ..
19-11-1425 هـ, 07:52 مساءً
 
كل الغوامد
بنت الجبيل
انشودة المطر
همس الفؤاد
مشكورين على الردود لكن ودي احد يقولي عنه اكثر واسم المكرويف الموجودعندي sanyo
22-11-1425 هـ, 07:18 مساءً
 
انا المكرويف اللي عندي sanyo
ممكن تعملين فيه خضار مسلوقه توضع في وعاء خاص بالمكرويف وقليل من الماء ويقفل وتحددي المدة اللي تبغيه
وممكن البوب كورن الجاهز بالمكرويف وفيه مؤشرللبوب كورن
وممكن تعملي النقانق
وكمان لسلق البيض (انا شخصيا ماعجبني )
تكسري البيض في طبق بلاستيكي وتدخليه الميكرويف
وعندي طريقه لطبخ السمك فيه بس ماجربتها
اما بالنسبه للطبخ والخبز بصراحه ماجربت لاني مااحب اطبخ فيه
استعمله وقت الضرورة للتذويب وفيه مؤشرين للتذويب (سريع ويستخدم للحم المفروم والمقطع وبعض المثلجات)
التذويب العادي واستخدمه اذا مستعجله لتذويب الدجاج لاكن اوقفه قبل انتهاء المدة بدقيقتين والسبب انه اذا كملت المدة الدجاج وقت الطبخ مايطلع مرق يعني يصير شوي ناشف
واحيانا اعمل كميه معجنات واغلفها بعد ماتبرد وادخلها الثلاجه وتكون جاهزة اذا جاء ضيوف فجاءة واحيانا للاولاد اذا حبو ياكلو شي خفيف وسريع
وبعد هذا كله اقولك انه اهم ميزة فيه هو التسخين
اما الطبخ مو لذيك الدرجه الااذا كنت تستخدمين الاكل الجاهز والمثلج للطواري وطبعا اللي يكون مكتوب عليه يستخدم في الميكرويف بامان
22-11-1425 هـ, 07:39 مساءً
 


الساعة الآن 10:25 .