السلام عليكم
كيفكم بنات ان شاء مبسوطين أنا عضوة جديده في المنتدى
وبصراحه حبيتكم وحبيت تعاونكم مع بعض في المنتدى
"حبايبي ابغى منكم تعلموني طريقه عجينة المعجبنات
لان لي سنه ونص وانا اعجن ماتزبط معايه ولمن ادخلها الفرن
واطلعها تستوي من الجوانب والنص لسى
الي عندها طريقه
عجينه ثانيه ومجربه تقول لي وتقول لي كم اخلي درجة حرارة الفرن
وكم اخلي العجينه في الفرن

الله يرزقها الي ترد على مو ضوعي
تقبلو تحياتي **أم تولاي**
21-09-1431 هـ, 10:38 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
كل عام وانت بخير ورمضان كريم ع الكل امس خذيت طريقه عجينه من المنتدي ررررررررررروعه الله يعطيها الصحه والعافيه
بالخلاط فنجان حليب بودره و فنجان سكر و استكانه شاي زيت وكوب ماء دافئ وذرة ملح وملعقه خميره ونخلطه زين
وبعدها نصبه بطاسه العجن ونضيف عليه كوبين طحين وربع ونعجنها ونتركها ساعه للتخمير وبعدها نشكلها وبالفرن ويكون
شغال بفتره عشر دقايق وتكون الحراره متوسطه وبالعافيه ع قلبج
21-09-1431 هـ, 10:50 صباحاً
 
حبيبتي عندي عجينة تنفع للفطاير وللصفيحة وعن تجربة صارلي سنوات وانا اسويها وكل اللي ذاقها والله سالني اذا انا مشتريتها جاهزة لو لا .. العجينة هي 2 كوب طحين عادي مع ملعقتين صغار خميرة جافة مع نصف ملعقة ملح وملعقة صغيرة سكر تخلطين هالمقادير مع بعض وتضيفين عليها ربع كوب زيت مع كوب ونصف ماء دافئ لازم تكون العجينة قوية واعجنيها لمدة خمس دقايق واتركيها حوالي ثلاث ساعات وبعدين حشيها ولازم يكون الفرن ساحن على درجة 180 واتركيها من 20 الى 30 دقيقة ولما تطلعيها من الفرن غطيها ابقطعة قماش عشان تبقى طرية جربيها وما ابي غير دعواتك لي بالصحة
21-09-1431 هـ, 11:10 صباحاً
 
وعليكم السسلام ورحمة الله

حبيبتي أنا معتمدة عجينتين وكل وااحدة أروع من الثانية


http://forum.hawaaworld.com/showthread.php?t=2119357





والثانية كمان رووووووووووعة وماتقل عن روعة الأولى جربيها وراح تدعين لي

وراح أعطيك هي خطوة بخطوة :

تذوبي ملعقة ونص خميرة وملعقة سكر بمويا دافية وتتركينهم 5 دقايق مغطيين يتفاعلوا (( ضروري تحطي ببالك إنو المويا تكون داافية مو ساخنة عشان ماتخرب الخميرة ويضيع تعبك المويا الساخنة تفسد الخميرة ))

بعد كذا تضيفي لهم 3 ملاعق كبيرة حليب بودرة + شوووي ملح + ملعقتين زبادي + 3 ملاعق كبيرة زيت وتضربينهم عدل لما يذوبوا مع بعض

وتحطي ملعقة كبيرة بيكنج بودر وتذوبيه ثم الدقيق شوووي شوووي لما تحصلي على عجينة متمااسكة حتى لو كاانت تلزق بيدك بالبداية مو مشكلة بس المههههههههههم إنك (( تستمري بالعجن بعد ماتزبط معك العجينة وتخبطيها وترفعيها وتضربيها بقوووة لمدة 5 دقائق ))

ليش هالشيء مهم ولابد منه لنجاح العجينة ؟؟
عشااان تتوزع الخميرة والبيكنج بودر بكل العجينة وتخمر زين حتى إنو مدة تخميرها ماتطول عن ساعة إلا ربع وتشوفيها منفوووخة تمااااااام وتبدأي بإستعمالها

بعد ماتفردينها وتحشينها ابللي تبغين تتركينها بالصينية مغطااة بنايلوا حدود ربع ساعة (( يعني بعد التشكيل ))
عشان تتضاعف حجمها وتطلع معك هشة وطرية مرررة

بعدين إدهني وجهها بــ (( صفار بيضة مخفوقة بحليب سائل )) لأنو بياض البيض يقسي وجه المعجنات عشان كذا نستبعده
وترشينها باللي تبين (( سمسم _ حبة بركة _ زعتر _ سماق ))

قبل ماتدخليها الفرن بخمس دقايق تكوني مشغلة الفرن من أسفل فقط على حرارة متوسطة يعني من 200 إلا 220 بالكثير لو كان فرنك كهربائي ووسيع لكن لو كان صغير أقل لأنو بسرعة يسخن

وتحطي الصينية بالنص ماتقربينها من الجهه السفلى عشان ماتحترق وهي بعد مانضجت

وتتركينها بالفرن ماتفتحينه 10 دقائق بعدها إفتحيه وجربي بعود أسناان أو سكين إضغطي على المعجنات لو طلعت فيها عجينة معناتها بقي لها شوووي إتركيها كمان 6 إلى 7 دقايق

أما لو ماطلع لك بالسكين عجينة قفلي من تحت وولعي من فوق عشان تحمر (( وترى ماتطول وتحمر من فووق لاتبعدين عنها كلها دقيقتين بالكثير ))

وأول ماتخرجينها من الفرن إما تغطينها بمنشفة عشان ماتنشف وتقسى أو إنك تحطينها بعلبة بلاستيك مغطااه تبع الحفظ وإتركيها فيها لما وقت التقديم


وتمتعي بألذ معجنااات وألف صحة وهناء





إن شااء الله أكون أفدتك بشيء حبيبتي

21-09-1431 هـ, 11:11 صباحاً
 
اقتباس مشاركة  (ام الدلع 2)
كل عام وانت بخير ورمضان كريم ع الكل امس خذيت طريقه عجينه من المنتدي ررررررررررروعه الله يعطيها الصحه والعافيه
بالخلاط فنجان حليب بودره و فنجان سكر و استكانه شاي زيت وكوب ماء دافئ وذرة ملح وملعقه خميره ونخلطه زين
وبعدها نصبه بطاسه العجن ونضيف عليه كوبين طحين وربع ونعجنها ونتركها ساعه للتخمير وبعدها نشكلها وبالفرن ويكون
شغال بفتره عشر دقايق وتكون الحراره متوسطه وبالعافيه ع قلبج


وانت بخير حبيبتي ومشكورة حبيبتي على الطريقه
والله يحفظك من كل سوء
22-09-1431 هـ, 08:27 صباحاً
 


الساعة الآن 02:13 .