امي قاسيه وتحسدني على مكافاءة الكليه وتسميني البخيله وتغار مني وتهزئني .. انا تعبانه

الأسرة والمجتمع

:44:
السلام عليكم ورحمه الله وبركاته

بدخل بالموضوع على طول
ورب العرش ياناس حلفت بالله اللذي لا اله الا هو
وهو على مااقول شهيد

ياناس امي دايم تفهمني غلط
تفسر افعالي بتفكيرها
وربي تعبت منها
احنا 3 بنات مافيه اولاد وعمري 20
ورايحه سنه رابعه
وامي وابوي منفصلين من يوم كنت بثاني ابتدائي
وشفت معاناه الالم والقسوه والضرب من ابوي لامي
ومحنه طلاقها وعشت طفوله تعيسه
لدرجه اني كنت اخاف بالمدرسه لما الباب بتسكر بقوه اخاف ماينفتح
كنت بثاني ابتدائي
عشنا على صدقات خوالي واهل امي واهل الخير


كبرنا وكبرت الدنيا
ووفقني الله ودخلت الكليه العلوم
وعلاقتي مع امي كل يوم عن يوم تسؤء اكثر واكثر
احس بجفاف قلبها تجاهي
تكرهني احس انها تحاسبني على كل ريال
ابوي بالموت يصرف علينا مرات يعطينا ومرات لا

تخيلوا ياجماعه
السواق اللي يوديني حق الكليه ياخذ مني 250 شهريا
وفوق كذا مصاريف الكليه من تصوير
مرات اعطي السواق 50 عشان يصور لي ملازم
وكليتنا نهب بنهب التصوير فيها

وغالي مره
ملزمه ب22 ريال وهي 10 اوراق
والله وفوق كذا
اكل ولبس
وشرب
وملابس
وكتب
ومكياج
واحتياجات

انا اكبر خواتي
واللي تحتي وحده بثانوي ووحده تدرس بمعهد

انا تخرجت بنسبه عاليه ولم اقبل بالطب حظ ربي ماكتب لي
لم يراكض لي احد ودخلت العلوم مغصوبه دخلت قسم الرياضيات
والحمدلله وفقني ربي
واختي اللي كانت بايام الاختبارات 24 ساعه على النت والجوال
جابت ب80%
ودخلتها امي معهد الحصان درست حاسب وانجلش وبزنز واداره اعمال
اخذت لها اغلى كورس
ودفعت لها تقريبا فوق 20 الف ريال
وانا مااحسد ولاا غار ولا انقهر

لان ربي منعم علي بالصحه والقوه والصبر بالدراسه والفهم والاستعياب
ومعدلي حلو بالكليه الله احفضني من العين والحسد

صرت اخاف على نفسي من العين
منهم
اللي هم اهلي

اختي اللي مانقبلت بالكليه تغار ووتحسدني

لما ابوي يعطينا مصروف 500 ريال لكل وحده

مرات ينقصنا ويبون يحرموني حقي

حافظين هالجمله عندك مكافاءه
كل ماطلب شي
عندك مكافاءه

تخيلوا
حتى المستشفيات اروح مع امي مستشفى انا ادفع حق السواق الخاص
ياخذ 20 رايح و20 جاي
وغير كذا
اعالج بحسابي
افتح ملف بفلوسي
واصرف لنفسسي دوا بفلوسي

والله كل شي بفلوسي
حقة الكليه
اشتري لابتوب بفلوسي
منها والله 1000 كانها 100

وهم ليل ونهار مكافتئك
انتي لعابه انتي تصرفينها على شحن

وانا وربي اشحن منها قليل ماتتعدى 100 ريال

وفوق كذا
لارحنا السوق
واشتري من فلوسي
خواتي لو نقصهم
تزيدهم
اما انا لااااا
ياويلك لو تطلبين
تلقين انواع التسفيل والتحطيم والسب واللعن


والله انا على نياتي وطيبه مامدح نفسي
بس ماعرف اخذ حقي
خواتي ملسونات قويات
اما انا مااااعرف كيف اخذ حقي

اطنشهم

واسكت
وانا بداخلي عبره

والمشكله
امي لو اطلبها سلف 20 ريال تقولي انتي ببطنك واجد

والله وربي اني ارجع السلف
مره تسلف 200 وجاب ابوي المصروف
500 ريال
دفعت 250 سواق
و100 ريال ادفع للشغاله
وميه هي

بقى لي 50 مصروف
اقولها ابعطيك اياها بالاقصاد
تزعل وتصارخ وتعصب
وتدعي علي
وتقولي انتي كلبه وبخيله وقلبج اسود مثل ابوج ماترجعين الفلوس بسرعه

وانا وربي اتعب ماانام الليل
افكر بديوني
لو اخذ 10 ريال من احد اجلس مهمومه كيف ارجعها

وهي تسوي خلطات وتبيع للتبيض
محد يشتري منها كثر صديقاتي

تبيعه ب100 ريال
وصديقاتي يعجبهم وياخذون منها
وانا اوصل واجيب لها الفلوس
اقولها لاتنسيني لو مره
تقولي روحي انا عطيتج ببطنج واجد

ومره كنت ابي كريم قالت لي بفلوس

قلت لها طيب
وعطيتها 70

صار بين امي وبييني حاجز
فلوس
تكرهني

والمشكله اني ماحقد ولا اكره ولاشي
واسكت
وحتى بسكوتي هي وخواتي يفسرونه اني منتفخه واني مغروره

تجي امي تتحرش فيني تقول وش فيك تفكرين فكري صح مو تفكرين علط
حالتي حاله معاها


انا بنتها من لحمها ودمها ولاتفكر فيني

مره انخطبت وماصار نصيب
جلست تحط فيني وفي ابوي العيب

وبنفس الفتره بنت خالي انخطبت
وقبل الخطوبه كانوا مشاكل مع امي
وبعد ماملكت صارت صديقة امي كانها امها
تروح مع امي وتشتري وتسوي وتفعل
وتجي بالبيت تورينا ملابس النوم واغراض العرس والذهب
وانا ماحقد ولا اغار
ولاشي

بس هي تعامل بنت خالي وبنات الناس احلى معامله


اناا انام بالليل والهم بقلبي زي القصه
اقول بيني وبين نفسي
ربي يحبني يبليني بالمشاكل والظلم منهم بس بالنهايه يبي لي الخير
والنعم بالله
اللهم اسالك اللطف في البلاء اللهم لااعتراض فيه..



هي لما انام تجي وتصارخ قومي سوي وافعلي وماتخليني انام
وهي لما تنام
مرات احتاج مفتاح المخزن او اي شي ضروري

تفتح الباب وانواع الدعاوي والسب واللعن

المشكله انا ماطلبها شي

يعني لو تمنيت اسوي مثلا صبغه لشعري
او فرد او ليرز
ورب العرش بفلوسي
حتى الروحه بفلوسي
يعني تقريبا مستغنيه عنهااا
ماطلبها الا بالحاجه القصوى


وكل يوم اروح الكليه
ماتعطيني مصرووف
تمد لخواتي
اللي بالمدرسه 5 واللي بالمعهد 10

وربي ابكي وانا اكتب
ياجماعه مو مسئله فلوس
انا بنتك
مثلهم
انا باقي ماتزوجت ولا اشتغلت
حالي حالهم

انتي ولدتيني زحرتنيني من بطنك
تالمتي عشاني
ارحميني
وربي اروح الكليه مرات اتسلف ريال حق مويه
مرات اتسلف حق تصوير 7 ريال والا 10 ريال
واجلس بعذاب لين ماتنزل مكافئتي عشان اسدد ديوني

وربي اكتب واصيح والله متضايقه
وربي تعبانه
احنا برمضان اتشفق روحه المسجد واقولها وهي صفط
تتجاهلني
وهي شرت لنفسها بلاك بيري ب1900 ولاختي الصغيره ب1900 ببيبي بولد ثنتيهم
ولافكرت فيني ولافكرت تعدل او تساوي

وهي وبناتها على البيبي>> البلاك بيري 24 ساعه


انا مابي بلاك بيري واللهم يارب ثبتني واكفيني شره
والله يلهيك وينسيك الصلاه وغيره بلاوي اكثررر


انا اللي متعبني نزل بحسابي 2000 ريال مكافاه
ورحت اخذ ارخص لابتوب فيه كل المواصفات زينه ب1700 وبقى 300 قضيت تتنانير وملابس
ولاكفت
البلوزه ب80 وربي وش اشتري ووشا اخلي

و24 ساعه
عندك الفين
وعندك فلوس
ويالله
اكره نفسي ياجماعه
علموني وش الحل؟
انا وربي شاهد علي
اطبخ كل شي
من يوم عطلنا وانا اتفنن لها
بالكيك والحلى والاطباق الحلوه
والسلطات
كل يوم شي
واتعب واعرق مطبخنا حار
واتحمل
وفوق كذا لاحمد ولاشكر


واخر مره سويت لهم كيكه جايه تصارخ قلبها حار ونار علي
لاتخلصين العزبه مو من كيسج ولا من كيس ابوج
يابنت الكلب
وتسب
وتلعن

واخر شي
اشوفها تاكل
منها


انا ماتكلمت
انا اسوي لهم

مرات لما تنزل المكافاءه
اعشيهم ماكدونادز
او هرفي
او كانتون
ع حسابي
هذا اللي اقدر عليه ماقدر اعطيهم اكثر
500 ريال ليزر وجهي لان فييني لخبطه هرمونات
ماتبقي الا 500 اقضيها بديون
والله تصفى لي 100 او 150
وفوق كذا اتصبرررر

والله اذكر مره من المرات
انا جالسه الصبح توزع ع خواتي فلوس
وانا ماتكلمت

كانت بنت عمي جايه معي الكليه
قلت لاختي الوسطى
عطيني لو ريال مويه ماعندي فلوس
قالت ليه تكملينها 10 ريال شحن
سكتت ودق السواق وطلعت معاي بنت عمي
هي شافت بعيوني الصيحه
ومكتومه من الصبح
بالسياره
وحنا نازلين
طلعت خمسه وريالين فعصتهم فعص بيدي
ماتبي احد من البنات يلاحظ
وراحت مع صديقاتهاا
وانا جلست اصيح

..

مره من المرات كنت محتاجه كثيييير
وربي مو عندي ولاريال

ولاطلبت امي وكنت استغفر بالباص كثيررررررررر
وانا متضايقه
وربي دخلت الكليه الصبح لقيت 10 ريال طايحه بمكان مافيه احد

خذيتها
والله احسها من ربي

ومره شفت 20 ريال بالقران

حقي

كنت ابي اقرى الكهف
وكنت مزنوقه

وانصدمت
كيف 20 ريال داخل القران؟
مين حطاها وسالتهم محد له هالفلوس

ومره كانت في وحده حامل وتغيب كثير
وجات وطلبتني اشرح لها بابين كاملين للكتاب
وشرحت لها وطلبت مني حل للاسئله نهايه كل باب

وحليتها لها باوراق وضبطتها لها
وعطيتها اياه
ودعت لي
وقالت انها بتعطيني فلوس
وانا رفضت

المهم بعد سنه
ولدت وجات
وتصادفت معاها مره بسكشن بالمحاضره
جات وانا بنفس الحاله محتاجه وربي عالم بحالي ولاشكيت لاحد

وانا نسيت موضوع الشرح والفلوس

وجات وحطت بيدي 50 وحلفت علي
وانا انحرجت.


مابي اقول لكم اني ملاك
.. الحمدلله ربي دايم معاي الحمدلله


وربي احسن صلاه بالبيت انا
امي ماتصلي
تمر ايام ماشوفها تركع

من يوم دخل رمضان صارت تصلي

بس
مابي انافق ولا اجامل ولا امدح
كلهم ضدي
وحتى اختي تقولي انتي تصلين عشان بس تتوفقين بالدراسه

وانا اضحك ضحكة المجروح واستغفر

ماهم عارفين مين اناا


واخر سالفه جوازي ضايع
واحتاج اسويه
كلمت ابوي
وقال اسف دبري نفسك ماعندي فلوس
تسلفت من امي 250 ريال لان يسوونه ب200 و50 بلاغ
وعطيت ابوي
وهي مغصوبه
حسيت بالذل
لما عطتني
يومين وهي تشوف حالي وانا ادوره وملخبطه وتعبانه واحاتي وافكر
وامس قامت تسالني ابوك سوى الجواز
سالت ابوي قال بعد رمضان

وهي عصبت وقامت تسب وتعلن خليه يرجع الفلوس الحرامي النصاب
وانتي مثله

ووو... الخ
انا قلت لها اصبري على العيد بعطيك من عيدياتي
سكتت وبالموت سكتهاا
والين اليوم وهي تحاسب
وامس رايحه السوق شاريه حق بناتها
اغلفه بيبي
وانا ياحسرتي زين تذكرتني ببكل ابيض واسود صغار من ابو ريالين

وتحاسبني بعد
اآآآآآه
وربي ابي انجح وابي اصير معيده واتزوج وادلع عيالي تعبانه مابي اعيشهم الضيم والفقر والقهر اللي انا فيه
اللقمه بفمي بالموت اخذهاااا


صارت تشوف بنت خالي احسن مني وافضل مني
وهي ماجات امي الا عشان المصالح

امي خبره بكل حاجه
والمشكله تكلموا على امي من وراها وكان دايم بينا وبينم مشاكل

امي ماتتادب لين تنقرص
ولما احذرها
تقولي انتي حقوده انتي حسوده تغارين قلبج اسود وانانيه.. واخر لقب

مريضه نفسيا .. >> تخيلي ام تقول لبنتها مريضه نفسيا
صوتها زي صوت اللمثلات الخليجيات اللي بالتفلزيون اللي كل مشاكل وحسد

كاننا بدراما كويتيه


مو ام وبنت



صرت ماعاد اتحمل
مرات ارد
واذا رديت
يشوفوني وقحه
ياناس ماعرفت لهم
حقي
مااخذه ولاخذيته لعننوني كلهم

والله انه مره كان عندي 100 ريال بحسابي وانا نسيت وكنت كالعاده مطفره
وطلعنا سوق حق الاثاث وانا كنت طالبه مشد الاندونيسي من عضوه من هنا
وصلني ودفعت قيمته
وجابه لي السواق لين محل الاثاث كلم امي وقابلنا لانه متسعجل مشغول مابيقدر ينتظرنا لين نرجع البيت

وقال حساب المشوار 40
و5 ريال للطرد
دفعه هو لهم
دفعت
بقى 55

وراح
وكلمنا شغلنا
ونزلنا سوبرماركت اشتريت لي
المهم بقى عندي 35 حاطه ببالي اني ابروح فيهم بكرا معاها المستشفى حق علاج الهرمونات لان عندي موعد الصبح اليوم الثاني

المهم بالرجعه
بالسواق
قالت لي امي
هاتي 20
قلت لها ماقدر
بكرا عندي موعد
ادفعي انتي
والمشكله اعندهااااااااااااااااا ياناس عندهاااوربي
مو صعبه عليها
بس لاشفت عندي قرش تنتفني
دفعت وانا مالي خاطر وزعلانه وربي زعلت زعلت

ورجعت البيت ماكلمها
جات تحرشت فيني وانا عصبت ورديت
ورحت غرفتي وجلست ادعي على امي

والله جلست ادعي عليها بالموت
وكنت اصيح وكانت الساعه 3 الفجر ونص

وبعد نص ساعه
قلبها يعورها وحاسه بالخنقه كانت الساعه 4 افجر

تخيلوا انا بغرفتي نايمه
ماتبيني حتى اروح معاها
راحت اختي الصغيره معاها الاسعاف

قالو الضغط مرتفع

ورجعوا
انا ماهتميت
ولاااهتزيت

حسيت هذل ظلمها لي
وراح تشوف اكثرررر من ربي
لاني ليل ونهار ادعي عليها هي وابوي
اللي جابونا للدنيا وضحوا فينا ويعذبونا
وجات اختي الصغيره اللي بالثانوي

معصبه تقول انتي جبت لامي المرض
عشان 10 ريال

وكلهم حطوها فيني

وصرت بنظرهم زطيه
وامي كارهتني
والين اليوم وهي ع هالحال


انا ماحاسبها
بس اللي بيدي من قرش يالله يالله يكفيني
كيف اعطيها
وربي انا بنفسي اني اكبر
واجيب لها سواق
وسياره
وبيت واعوضها
ومرات اقولها بوجههااا
ترد علي تقول
باسلوب تحطيم
اذا 20 ريال تمنين فيها
بكرا تجيبن سواق
هههههههه
وتضحك
تقول خيرج لزوجك مابشوف خيرج حبيبتي


اتعجب كلاماتها سكاكين

ياليت امي عجوز طيبه ادخل واطلع وانا ابوس يدها ولاتحس بالنفاق او المجاملات لما ابوس يدهاااا

ياليت ابوي عجوز طيب ملتحي ويخاف ربه


ابوي اخلاقه سئيه
وامي ظالمه وبخيله

اآه وش الحل؟

والله لو وحده بمكاني مالومها لو انتحرت او انحرفت

تعبت
والله صابره واتحمل واضيق المر وادعي ليل ونهار

جوالي ومفضلة الابتوب حقي والملاحضات
كلها ادعيه وكلها اذكار
حتى خلفيه لابتوبي كلها اذكار تتغير كل 10 دقايق
ولا اسوي زيهم
واحس ان حياتي ضيق بضيق
وبفقر
ولما يجيني المكافائاه تروح

وربي اتصدق
كثييييييير
بالكليه
على عاملات النظافه

بالسر وافرح وانويها لامي ومرات انويها لنفسي واني انجح وانرزق
والله مره قريت ان الصدقه لاولي القربى صله وصدقه بنفس الوقت
يعني اجرين
جربت اسويها فيهم اعشيهم بحسابي مطاعم غاليه

ولا بين بعينهم

مره جدتي عشتنا
وجلسنا ناكل بالبيت ع السفره
قلت ****لله انا اعشيكم بعدين

قالت امي ايه هين
يالبخيله

قامت اختي غصت
قالت حرام عليكم دايم تعشينا لاتنكرون

وسكتت وقمت من اكلي
ودموعي بعيني

انا صرت حساسه وانجرح كثيرررررر

والحين اختي بتدخل انتساب ورسوم الانتساب ب2500 كل ترم

امي بتدفعها

وغير لما كانت بالمعهدامي تدفع لها حق باص 400 ريال

وانا اذكر
مره دق على السواق يقول هو برا عند الباب يبي فلوسه جلست سوت قصه وعطتني وهي تتحرطم


والمشكله ارجع

بس تكرهني كره العمى

احس حتى لو تزوجت بكرا احسها بتخرب حياتي او بتكره زوجي فيني

ماتتمنى لي الخيرررر
ودايم تتشكى عند الناس وعند صديقاتها علي

الله يعيني
حلفتكم بالله كل من تصلي القيام ابي دعوة اني اتزوج الشخص اللي اتمناه ويتمناني ويقنع اهلي فيه ويفرج همي
ويرزقني ويقدرني ارضي امي واتقرب لها..

طلبتكم.. محتاجتكم يابنات حواء كثيرررر


اسفه طولت
وماخفي اعظم قلبي يعورني
238
45K

هذا الموضوع مغلق.

Manl00888
Manl00888
الله يفرج همك يارب
agym
agym
الله يعوضك خير ياقلبي ويصبرك
نُبل
نُبل
الله يفرج همك حبيبتي
فديت عيونهم
فديت عيونهم
الله يعوظك خير حبيبتي
وعند الله خير وابقى
واللي انتي فيه امتحان من الله وابتلاء
والحمدلله على كل حال
ملاك والدلع هلاك
الله يعينك