الله يبلغكم ليلة القدر شورو علي ضروري

الملتقى العام


باختصار يااخواتي انا متزوج ولدي ابن عمره ثلاث سنوات وزوجتي حامل الان بالشهر السابع
تعاني بعض الالام من الحمل وعندما نذهب للدكتوره تطمنا بانه الامور تسير على مايرام والحمدلله
انا انسان كسول وزجتي يضايقها هالشي بس كسول على الاشياء ليست الضروريه يعني ليش ماصلحت اللمبة اللي بالزاويه الفلانيه ليش ماتسوي اللي قلت لك عليه غرفة النوم تنقلها من الغرفه هذيك للغرفه هذي وليش ماتوديني للسوق اذا طلبتك على طول انت ماعندك شغل
كثير تبكي وتتضايق وقليل تضحك انا مريحها بالبيت وقايلها مابيك تشتغلين بس صلي ونامي عشان صحتك وصحت البيبي وتقول كل يوم ودني لاهلي لانه مافي احد بالبيت حنا لوحدنا وابي كل يوم عند اهلي اروح مافيها شي انا ابوي مسافر وامي الله يرحمها
وخواتي كلهم متزوجات المهم يااخواتي هي دايم متضايقه وتبكي من اشياء بسيطه قبل الحمل وانا اخر مره حبيت اناقشها بهدوء وبكت وتضايقت ومسكت بطنها وانا اسكت وقلت لها بدال مااوديك كل يوم لاهلك روحي عندهم ارتاحي فتره كنها تضايقت من كلامي على العموم تحايلت بها وقلت بسافر ووديتها عند اهلها واكلمها ماترد علي شكلها زعلت
ابي شوركم هل اردها او اخليها فتره ماارد انا عليها عشان تتعلم واهم شي خايف عليها وعلى البيبي من الزعل وش تشورون علي فيه الله يجزاكم الجنه وامانه اللي يشور يراعي الله بذمته
5
570

يلزم عليك تسجيل الدخول أولًا لكتابة تعليق.

تسجيل دخول

دينوM
دينوM
اكثر الاستغفار
والله يسهل عليها وتولد بالسلامه


قال النبي صلى الله عليه وسلم من لزم الاستغفار جعل الله له من كل همٍفرجا ومن كل ضيقٍمخرجا ورزقه من حيث لا يحتسب

وخلو رمضان فرصه للتسامح .........
والله يبلغنا ليلة القدر
أوفى البشر
أوفى البشر
انا برأيي المتواضع انك تتصـــل وتسأل عليها مجرد تطييب خاطر

لانها متضايقه ومااااتدري من ايـــــــــش ؟؟؟

ومحتاجه اهتمام

انصحك تتصل وتسأل عن الاحوال وتقول اذا حابه ترجعين ولا ترتاحين هناك انا ابي راحتك وبـــــــس ... وان البيت من دونك فراغ

يمكن تحس ان احد مهتم فيــــــها ..

واعتقد هذا يسمونه اكتئاب الحمل ..

اصبـــــــــــر عليـــــها ..وعطها اهتمام
وبترجع لوضعها الطبيعي بأذن الله

اتمنى لك التوفيق

تحياتي
فوضت امري الى الله
نصيحتي لك لاتترك الشيطان ينزغ بينك و بينها .. واضح انها تعاني من إكتئاب الحمل و السبب هو لخبطه الهرمونات .. و انت كثر الله خيرك ماقصرت لكن معليش المرأه كائن حساس وضعيف .. خلك قريب منها و اتوقع سبب عدم ردها عليك كانت تتوقع اذا تضايقت و بكت عندك راح ترحمها و تحس فيها أكثر لكن أنت حسستها انك متضايق من تصرفاتها و وديتها عند بيت أهلها وهذا صعب عليها ..

المرأه تحب تحس بالحنان و الاهتمام و الرعايه في فتره ضعفها و أكثر شخص تشره عليه لو تخلى عنها و مادللها هو زوجها ..

صدقني زعلها عليك وعتابها و عدم ردها على اتصالك على قدر محبتها ..

مفاجأتك لها بزياره و معها هديه بسيطه و تطلب منها ترجع معك للبيت راح تزيد من محبتها لك و تحسسها بقيمتها عندك ..

جعلها الله لك قره عين وجعلك لها قره عين ..
رونق الغرام
رونق الغرام
((( اللهم انك عفوآ كريم تحب العفوا فاعفو عنا )))