السلام عليكم ورحمة الله وبركاته
خواتي لقيت دبلوكس بحي النفل الشرقي مساحتة 295 م وعلى شارع 12 شرقي
مفصول دورين وشقة في كل دور 3 غرف نوم و مطبخ ومخزن وصاله ومجلس ومقلط و2 او 3 دورات مياه .
اما الش قة نفس التصميم الدور بس غرفتين نوم بدل ثلاث
وواجهتها بروفايل وطالب فيها 900 هل تشوفون السعر معقول ولا مبالغ فيه لاني باشتريها استثمار وسكن فيمما بعد .
الحين انا محتاره لقيت بشرق الرياض قي اشبيليا وقرطبه فلل بهالسعر ومساحتها اكبر 350 و312 م ومفصوله .
المكتب يقولي دبلوكس بالشمال ولا فيلا بالشرق وانتوا وش رايكم والله احترت احس المبلغ كثير على دبلوكس .
وما ادري لو اجرتها كيف ايجارات النفل الشرقي بالنسبه لدور دبلوكس وشقه
شورو على حدي محتاره . اللي مشجععني شوي انه صاحبها صديق اخو زميلتي في الدوام ويمدح فيه وانه عنده ذمه ومستغل كل مساحة فيها .
وهل البنك يوافق على دبلوكس مفصول وله عدادين كهرباء
وش رايكم ............على فكره فلوسها قرض لحد يقولي لو تزيدين المبلغ ماعندي غيره .

__________________
23-09-1431 هـ, 01:26 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يوفقك
23-09-1431 هـ, 05:55 صباحاً
 
الله يكتب لك مافيه خير وياليت عندي فكره وافيدك
23-09-1431 هـ, 06:13 صباحاً
 
انتبهي من الفلل الجديده لاتكون مضروبه لانه كل الي فيها تجاري
من حمامات وسباكه عامه ودرايش ماتتسكر وعروات الباب تطيح بسرعه
انتبهي في كلا الحالتين واستخيري الله
والله يوفقك
23-09-1431 هـ, 06:17 صباحاً
 
انتي ما عليك من الموقع ركزي على اللي شغلها نظيف وتشطيبها وسباكتها كويسة والتفصال حلو
23-09-1431 هـ, 06:18 صباحاً
 


الساعة الآن 11:08 .