جلاش باللحمة المفرومة على طريقتى بالصور

المقادير - لفة جلاش - لحمة مفرومة معصجة مع البصل والصنوبر والتوابل اللى تحبيها - كوب من اللبن - بيضة - فلفل اسود والقليل من الملح نبدأ بالطريقة - نحضر بايركس وندهنها بالزبدة بواسطة الفرشاة - نضع طبقتين من الجلاش فى البايركس وندهنها بقليل من الزبدة بواسطة الفرشاة ثم نضع طبقتين تانى من الجلاش وندهنها بقليل من الزبدة بالفرشاة وهكذا الى ان نصل لنصف مقدار الجلاش - نضع حشوة اللحمة المفرومة فى النصف ونوزعها فى الصينية على الجلاش ونضع القليل من الزبدة على الحشوة ونوزعها جيدا - نضع طبقتين من الجلاش فوق الحشوة وندهنها بالقليل من الزبدة بواسطة الفرشاة ثم نضع طبقتين تانى من الجلاش وندهنها بالزبدة ( لازم تدهنى ما بين كل طبقتين علشان مش يكون ناشف منك ) لحد ما ننتهى من مقدار الجلاش اللى عندنا - وبعدين ندهن السطح بقليل من الزبدة ثم تقطع قبل ما تدخليها الفرن ( لازم تتقطع قبل ما تدخل الفرن ) على حسب حجم القطعة اللى انتى عاوزاها - يخفق اللبن مع البيضة ويوضع عليها القليل من الفلفل الاسود والملح ثم توزع على قطع الجلاش بعد التقطيع وتسقى بيها جيدا ثم تدخل الفرن من تحت ثم من فوق حتى تحمر وجهها وبالعافية عليكم يا ريت تدعولى ان ربنا يعوضنى خير لانى بجد تعبانة قوى فى حياتى بعد وفاة ماما الله يرحمها ويا ريت تدعولى ان اتجوز الانسان اللى انا بحبه وربنا يكرمنا مع بعض