مرحبا بنات ...... ادري اني كثرت اسالتي بس ادري انكم فيكم الخير وما تقصرون

انا عندي شوايه اللي تجي بالكهرب ... اللي تشوي الهامبرجر من فوق ومن تحت ... اللي تطبق عرفتوها بنات؟؟؟

المهم انا اسويه فيها الهامبرجر يطلع الطعم عجييييييييييييييييييييب ... واسوي بعد عاريس فيها يطلع روعه مثل المطاعم ...

بس يا بنات ابي بعد اصناف ثانيه اشويها بالشوايه .. ممكن اتقولولي وابي بعد الطريقه والمقادير ... لاني بصراحه ابي ادمن عليها... ماشاء الله الطعم يطلع عجيب فيها وصحي لانه ما أستخدم ولاااااااا نقطة زيت فيها


لا تبخلون علي بليييييييييييييييييز

تحياتي

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
فيوليت (مرحبا)
عندي لكي طريقة دجاج فيلية مشوي ومجربة
المقادير:
صدور دجاج فيلية
نصف كوب مايونيز
بهارات مشكلة / زعتر/ملح/ ملعقتين خل اسود/ ثوم
الطريقة:
نخلط المقادير مع بعض ونتيل فيها صدور الدجاج
وبعدين ياحلوة
تبدين تشوين الصدور
وتعالي شوفي الطعم

ويقدم مع الرز الابيض والسلطة الخظراء

وان شا لله يعجبك
جربية وعلميني عن النتيجة
انا كمان راح اقولك وصفتين
1- روبيان مشوي
اخلطي في الخلاط زيت زيتون +ملعقتين زبادي +قليل من البقدونس+ عصيرليمون +مسترد(خردل) +ملح +كمون +فلفل اسود+ثوم
يتبل الربيان في الخليط لمدة نصف ساعه واذا مستعجله عادي مو مشكله وبعدين تشكين البيان في اسيخ الشواء الخشبيه وترص على الشوايه بعدان تسخن جيدا وتعالي شمي الريحه والطعم
2-الوصفه الثانيه حلى قهوة
تاخذي نفس عجينه خليه النحل اللي انتي متعودة تعمليها وتعملي منها كور صغيرة وتحشيها جبنه كيري بنفس طريقه الخليه لكن الفرق بعد ماتسخن الشوايه رصيها فيه بس خليهم متباعدين عن بعض شوي واقفلي الشوايه عليهم لغايه ماتحمر شوي ولما تتحمر عادي ممكن تخرج منها الجبن شوي مو مشكله شيليهم وغمسيهم في الشيرة
الطريقه عجبت زوجي واولادي مرة ويقولو احلى من الطريقه العاديه
واذا في الصبح كنتي جيعانه ومالك نفس تعملي فطور اعملي سندوتشات توست وجبن شرايح وعلى طول عالشوايه
وممكن خبزعربي +يدهن شوي كتشب وشوي زيتون وفلفل اخخضر وجبن كرفت او اي نوع واطبقيه وحطيه في الشوايه وهي ساخنه ولا توقفين جنبها على طول روحي جهزي كاسه الشاي لانك ماراح تقاومين اول ما تطلعي السندوتشات
مشكوره يا قرفه بس حبيبتي اكيد الدجاج يستوي من داخل انا اخاف انه بس يتحمر اللي فوق وتحت واللي داخل لا
اشلون اعرف انه استوى من داخل ممكن تقوليلي كم الوقت اللي يتسغرق ( حلوه يستغرق ) علشان تستوي؟؟
ومشكوره على ردج الحلو

كل الغوامد مشكوره يا عمري وما تصورت انه العجين يدخل من ضمن الاصناف الشوايه...بس اقول العجينه ما تنعفص داخل الشوايه يوم اسكر عليها؟؟؟؟ يعني تصير مثل الخبزه؟؟؟؟؟؟؟

تحياتي
هههههههههههههه
صحيح انا ماقلت لك كيف بيكون شكلها لما تطلع هي فعلا راح تكون مفعوصه ولكن هذا المميز فيها ولاتترددي في تجربتها ويكون في علمك انا عملتها اكثر من ميه مرة لانها سريعه وشكلها حلو ولما اعملها للضيوف استغربو كيف عاملاها بس هذا سر بيني وبينك
وسؤالك عن الدجاج انا دائما اشويه فيها وماقلت لك على الطريقه لان الاخت قرفه ذكرتها لك مع اني طريقتي تختلف عنها شوي انا اتبل الدجاجه كامله يادوب افتحها من الضهر واتبلها ومايحتاج تضيفين لها دهون لاني اخليها بالجلد وتوضع في الشوايه بشكل مفرود وتغلق الشوايه وتترك نص ساعه تقريبا
وانتي راح تعرفي انها استوت لما تصير العصارة بيضاء شفافه خاليه من الدم وتغرزي السكين في الفخذ وتشوفي اذا راح الاحمرار تكون جاهزة خلاص وتكوني مجهزة طبق وافرشيه بخبز عربي ولما تطلعيها من الشوايه حطيه في الطبق مع تزينه بالخس وشرايح الليمون
لكن حابه اقولك لاتنسي تفرشي تحت الشوايه سفرة او جرايد لان الدهون راح تخرج بكثرة ولا تنسي تشغلي مروحه الشفط لان الريحه والدخان راح تدوخك من حلاوتها


الساعة الآن 06:17 .