اهلا بالمسافرة :
عنواني مكتوب في أحد الردود .، أما مسألة تنظيم الوقت لكل ولد ساعة واحدة وبس !!!

أرد البيت 5ونص وأبدأ فورا !! الصغير أبو سنة وشهرين أبوسه خمس دقائق وهي جرعة حنان منشطة !! يعني ابوسه واحضنه وبعدين يروح يركض ويجيب الشنطة يعني يريد الذهاب للحضانة !! ويلبس ويروح مع الشغالة !!

وبعدين يصيح الوسطاني يريد يروح معاه وابوسه وياخذ الجرعة اللازمة من الحنان ويروح معاه والشغالة معاهم !

وييجي دور الكبير يقدم تقرير عن شو عمل بالمدرسة !!! وينتقد الحمام لأنو المدرسات ما يسمحون له بالجلوس في الحمام أكثر من نصف ساعة ويمنعونه من الغناء بصوت عالي !!! طبع ما يتغير !!

يحل الواجبات ( نصف ساعة ) وبعدها نحضر لوحة لليوم اللي بعده أقصد وسيلة لأي مادة ، وبعدين يمل طبعا ويقول بيلعب بالحديقة ( بنفس البناية ) أنادي الشغالة والأولاد كلهم .
أترك الصغير معاي والكبار يلعبون.

الساعة 7 ونص أكون أكلت الصغير أكل وينام
يعودون من اللعب ويتسلى الكبير بأي عمل يدوي أو مسرحية وينام وألاعب الوسطاني الذي يسهر معي قليلا.

يصل أبو الشباب الساعة 9 ونتناول العشاء ( فواكه أحيانا ) أو أي شي خفيف .
وأنام فوراً .

هذا ترتيب الوقت .
من عيوني يا مهى بس هيك ؟؟ أنتي تأمري أمر بس أشتري للبنات للعيد وأجمع لك التاقات كلها يعني ما شاء الله راح تكون عندك كميه شوفي كم بنت على كم لبسه لكل وحده وراح أنوع في المحلات علشان تتنوع الأشكال....استني علي بس وانتي تشوفي ...
مشكورة يا راس المعزّة !! غالية والله !
ماشالله وقتج مرتب يمكن عشان الدوام ومن تردين البيت تسوين أشياء بسيطة.. مب مثل حالاتنا من الصبح لليل ويا اليهال ومافيه ترتيب وحتى لو رتبنا كم بنرتب ههههههههههه بس متى تطلعون أظن نهاية الاسبوع بس صح؟؟

الله يخليلج عيالج ان شالله وتفرحين فيهم.. فديتهم 3 شباب وعلى بالي اثنين بس.. الله يخليهم جميعا ان شالله..

بسألج مهى شو يدرس ولدج؟؟ لأنه ولدي بعمره KG2 ومايرجع البيت بيده شي يعني الواجبات بس بالمدرسة وأعتقد كل مدرسة ونظامها..

عالعموم موفقة ان شالله بحياتج والله يديمكم لبعض..
والله ابني بنفس صف ابنك لكن في واجبات كثيرة يعني كل يوم 3 صفحات !!
والخميس والجمعة بيكون معاه 5 واجبات !!!!!

لكن الحمد لله هو ما يشتكي من كثرتها لنها حلوة والكتب روعة وفيها قص ولصق وانشطة والحمد لله بدأ يقرأ بعض الكلمات البسيطة ولله الحمد. لكن هو بين أولاد الصف مش من الشاطرين جدا هو بالوسط لأنه ما درس روضة أولى قبل مثل اللي بصفه وكانوا بنفس المدرسة.

اما ترتيب الوقت فلأني أشتغل ولو كنت جالسة بالبيت كان كنت غير !


الساعة الآن 06:11 .