ابي اماكن تصلح ليوم العيد في الدمام بليييييييييييييييييييييييييييي ييييييييييييييييييز

انا اتوقع ان اغلب الاماكن بتصير مسكرة بيوم العيد
لكن انا انصحك تطلعون بدري وتصلون صلاة العيد ثم تاخذون فطوروتجلسون على الكورنيش
الاجواء الصبح بتصير روعة...و الاجانب اشكال والوان يطلعون عيالهم وتعالي تفرجي على الاطفال وملابسهم يجننون..ولاتنسين تاخذين معك كيس حلويات عشان تعايدين الاطفال
واذا جا الظهر ترجعون لبيتكم وتريحون ثم العصر تطلعون تتمشون وخوذو لكم كوفي وحلى وعلى طوووول على شاطئ العزيزية...والمغرب روحوا لمطعم رايق واتعشو ثم وارجعوا لبيتكم بكير عشان الدنيا بتصير زحمة بالليل
لاتنسين يا اختي هذا عيد ولازم نفرح فيه مهما كان...وصدقيني بيكون لك ذكريات جميلة بما انك اول مرة تعيدين بالدمام...وزوجك كلمتين طيبين معه ويهديه الله
وعيدك مبارك مقدما

رفع

طيب واللي بالاحساء واول مره تعايد فيها وين تروح وهيا مافيها بحر؟

يوم السبت بمشيئة الله عندك سايتك عندهم مهرجان وفعاليات للعيد من 10 صباحا حتى 11 مساء

وبرضو ارامكو بمعرضها بالظهران من يوم السيت الى الجمعة من 4 - 10 مساء

أرامكو السعودية تطلق مهرجانها ثاني أيام العيد


في تظاهرة ثقافية فنية متميزة تطلق ارامكو السعودية بالتعاون مع الجمعية العربية السعودية للثقافة والفنون بالدمام،"السبت" ثاني أيام عيد الفطر المبارك مهرجان "العيد الثقافي"، والذي يستمر سبعة أيام، ضمن فعاليات صيف أرامكو 31 التي تنظمها أرامكو السعودية بمعرضها بالظهران.
وتشتمل الفعاليات على عروض شعبية يومية تتناول الأنماط التراثية للعديد من مناطق المملكة وعروضها المختلفة في فنون "القادري" و"العاشوري" و"الخماري" و"السامري" و"العرضة "وعروض السيرك الصيني. وفعاليات فرقة التخت الشرقي البحرينية والمسرحية الكوميدية "يا ما جاب لأمه"، وهي من تأليف نهار الضويحي وإخراج ياسر الحسن وتمثيل أحمد بدير، وجمال قاسم، وناصر شاهين، وناصر الظافر، وعلي المعني، وحسن العلي، وعبدالمجيد الكناني بالإضافة الى السحوبات اليومية على جوائز قيمة تقدمها شركة أرامكو.
وتنطلق الفعاليات في الـ 4 مساء وتستمر حتى الـ 10 مساء في معرض الشركة الدائم في الظهران.