تحذير لكل مخطوبه او على علاقه..........

الأسرة والمجتمع

منقوووووووووووووووووول
قصه قريتها من صاحبتها
قطعت قلبى اوى
يارب تكون فى ميزان حسنات صاحبه القصه
وتكون عظه لكل بنت








انا عملت مصايب فى حياتى تودينى جهنم انا ارتكبت فاحشتين **** يااااااارب ارحمنى

عارفة انكو هتشتمونى وهتبهدلونى وانا نفسى فى كدا واستحق دا واكتر منه بكتير

نفسى ربنا يغفرلى بس عارفة ان دا مش هيحصل وهعيش عمرى كله اخد ذنوب فوق ذنوب

انا بموت كل يوم وكل ساعة

سر محدش يعرفه غير ربنا سبحانه وتعالى وانتم من بعده

انا عمرى انهاردة 25 سنة

من وانا فى الجامعة وانا بحب زميل ليا جدااااااااااااااا

كنت لا يمكن ارفضله اى طلب كنت عشقااااااااااااااه لدرجة الموت

وهو كمان كان بيحبنى او كان مصورلى ده

بدأنا نحب نعد فى المدرجات الفاضية عشان كان بيمسك ايدى يبوسنى

وانا لانى كنت بعيد عن ربنا كنت ببقى طايرة من الحاجات دى

على فكرة هو اول واحد فى حياتى واخر واحد

طلب منى انو يتجوزنى عرفى عما نخلص الجامعة ويتقدملى

لانه بيحبنى ومش قادر واهو بردو حلال او احسن من الحرام اللى احنا بنعمله

كان فاضل شهور ونتخرج

طبعااااااااااااا انا رفضت خالص الفكرة دى

بصراحة خوفت من الورقة اللى هكتبها تقع فى ايد ابويا ممكن يموتنى

كنت فى قمة الغباااااء ياربى مش عاوزة افتكر اسود يوم فى حياتى

يارب عذبنى فى الدنيا عشان متعذبش فى الاخرة

رفضت اتجوزه عرفى وسلمتله نفسى من غير عقد لانى كنت واثقة فيه

وخوفت اقوله لا احسن يفتكر انى مش واثقة فيه وكمان انا كنت فرحانة بده

تعددت اللقاءات فى الشقة اللى كنت اخداها لان جامعتى مش فى نفس المحافظة

وانا غالبا الدورة الشهرية مش منتظمة عندى

بعد 4 شهور الدورة مش جت لى غير مرة وحدة وحسيت بقرف جامد وكنت برجع كتيييير

مشكتش لحظة انى حامل لانى كنت باخد وسيلة بس مش بانتظام

يعنى ممكن أفوت 4 او 5 برشامات على سبيل السهو

رحت حللت لما تعبت أووووى وكنت رجعت فى اجازة التيرم بيت أهلى

لقيت نفسى حامل كانت صدمة عمرى لفيت كتير عشان اجهض نفسى

بس كل ما أروح مكان يقولولى حالتك مينفعش فيها الاجهاض انتى دخلتى فى الشهر التالت

ومكان الجنين مش يسمح بدا والاجهاض فيه خطر على حياتك

قولتلهم اموت بس اخلص من المصيبة دى محدش رضى وكلو خاف من المسئولية

قولت للى كنت بحبه وطبعا ثار وهاج ولقيتو انسان تانى خالص

وقالى انا هخلص دراستى واسافر وانتى مش معاكى اى دليل يثبت انى اعرفك اصلا

حالتى النفسية كانت ذفت ومكنش عندى الشجاعة انى اقول لاهلى

حاولت افهمه واتوددله وبوست ايده ورجله بس هو مرضاش

هددته انى هقول لاهلى قالى قولى وانا هقول محصلش انا مقدرش اتحمل دلوقتى مسئولية طفل

ودى غلطتك انتى احنا متفقين تخدى وسائل اتحملى غلطتك بقى

ويمكن لو قولتى لأهلك يقتلوكى وارتاح انا من المصيبة اللى انتى جية تتبلى عليا بيها

قولتله انا بحبك وانت كمان بتحبنى ازاى تتخلى عنى حتى لو انا اللى غلطانة

قالى وانا ايه اللى يضمنى ان دا منى اصلا انتى اعدة فى شقة لوحدك والشيطان شاطر

انهرت وفقدت اعصابى وشتمته ضربنى بالقلم وخرج

حاولت اجهض نفسى بس محصلش غصب عنى

كملت التيرم وهو كمان طبعا انا سقط فى النتيجة وهو نجح

كنت بضغط بطنى فى اليوم اللى اهلى بيزرونى فيه ووانا خارجة طبعا اخدت الفكرة دى من فيلم انتو عارفينه

ورجعت بيت اهلى وانا فى السابع بس بطنى مكنتش كبيرة أوى

بس هفضل أخبى لغاية امتى

على طول حزينة ومهمومة امى سألتنى مالك يابنتى غلبت تسألنى وانا اقولها مفيش

وبابا يقول لماما بنتك مش طبيعية على سمعى

تقولو معلش متعكننة اكيد عشان النتيجة

وفى مرة ماما جت تسألنى قونلتلها هقولك بس تمالكى اعصابك وسامحينى وساعدينى لانى محتاجة مساعدة

قالتلى فيه ايه متخضنيش قولتلها انا واحد ضحك عليا

لقيتها اعدت تخبط فى دماغها وتمسك فيا وتقولى ضيعتى نفسك ربنا ما يوريكى طيب ضيعتينا

ولوثتى شرف ابوكى

اعدت اهدى فيها مهما اهدى فضلت كدا لغاية ما وقعت من طولها

جه بابا واخويا وانا بحاول افوق فيها

ويسألونى ايه اللى حصل قولتلهم مفيش تعبت فجأة

ماما فاءت وهيا مش عارفة تاخد النفس وقالت لبابا بنتك ضيعتنا اقتلها عشان ننضف

بابا فهم واعد يضرب فيا جامد وكل دا وهما مش عارفين انى حامل

لغاية ما هدومى اترفعت وانا فى الارض وابويا واخويا نازلين ضرب فيا

ودم بينزل منى وامى اعدة تصوت وتقولى انتى حامل كمان يا دى المصيبة

ياريتنى كنت مت ساعتها لكن للأسف انا ممتش انا ولدت قبل ميعادى ولدت فى الشهر التامن

لقوا الطفل خرج منى امى اتصلت بالطبيب وجه طوارىء وخدونى المستشفى وفوقت بعد 24 ساعة

عرفت انى خلفت طفلة سليمة وطبعا امى بس اللى كانت جمبى لكن ابويا واخويا لأ

امى أعدت تعيط وتقولى ليه عملتى كدا فى نفسك ليه زنيتى ليه تجيبى عيلة لقيطة

ليه بنتك دى ذنبها ايه عشان تجيبيها من حرام

اعدت ابوس فى ايدها قالتلى انا غضبانة عليكى ليوم الدين وربنا حكم بينى وبينك

سألت دكتور حديثى الولادة عن المولودة وصحتها قالى الحمد لله الولادة المبكرة مأثرتش عليها اطلاقا

زعلت جدااا جوايا كان نفسى تموت عشان اخلص من العار او من جزء منه

لما رجعت البيت انا وبنتى ابويا سألنى عن الشخص وقولتلو عليه

طبعا بابا سأل عنه ووصل لبيت أهله بس والد اللى كنت بحبه قابل والدى مقابلة وحشة جدا وطردوه وقالوله احنا ابننا متربى ومحترم

والفرد بفرده فى الجامع حتى لو كان غلط كان يبقى فيه دليل ولو ورقة

وكمان الولد دا سافر السعودية وبابا اتأكد انه سافر من السفارة فعلا

بابا رجع البيت ضربنى علقة موت وقالى هقتلك انتى وبنتك وراح يجيب السكينة

بس امى اعدت تصوت وتقوله متضيعش نفسك عشان كلبة زى دى

كنت كارهة بنتى اوى كل ما أبصلها افتكر الذنوب اللى عملتها

وكنت بقولها انتى نتيجة ذنوبى

وكان الشيطان بيوسوس لى انى اقتلها

لغاية ما نجح فى انى كتمت نفسها وانا بتقطع لغاية اما اتأكدت انها معدتش بتتنفس

نمت جمبها ولا كأنى عملت حاجة

وتانى يوم ندهت لامى وسألتها البنت مش بيصحى ليه

لقيت فى عنين امى الخضة واعدت تجيب مية وتملس على وشها البرىء

اه ياربى قتلت بنتى انا لو حيوانة مش هعمل كدا

انا ندمت جااااااااااامد لما لقيت امى مخضوضة عليها وبتتصل بالدكتور والدكتور جه البيت وكشف ع البنت

وقال هيا قطعت النفس

واعد يسأل انتو سبتوها تعيط كتير نقوله لأ

قال هى قطعت النفس البقاء لله وقالى ربنا يعوض عليكى

امى بكت بكا جامد عمرى ما شوفتها بتبكى كدا

محستش بفظاعة اللى انا عملته غير لما امى اشتالت بنتى واعدت اخداها فى حضنها وتعيط

انا انسانة بشعة

قتلت طفلة بريئة وحتة منى قتلت روح ضعيفة مقدرتش تدافع عن نفسها

ياااااااااااااااااارب نفسى اشوف عذابك ضميرى هيموتنى

اهلى ميعرفوش ان انا اللى قتلتها

ادعوووووووولى او اشتمونى لانى محتاجة لكدا اووووووووووووى

انا ضعت بس عملت ذنوب كتير عارفة ان ربنا مش هيسامحنى عليها

انا كنت خايفة الدكتور يعرف انى كتمت نفسها لكن معرفش

انا بقيت وصمة عار لأهلى بعد ما فضحتهم

واللى كنت بحبه فى قارة تانية ولا على باله

مبقاش فيه حد يحبنى ولا يحب يتلزق فيا

بقيت مكروهة جدا ووبااااااااااااااااااااء للناس كلها

نفسى اموت بس خايفة من عذاب ربنا

مش لاقية حاجة تريحنى ومش عارفة انا كتبت الكلام دا هنا ازاى
51
5K

يلزم عليك تسجيل الدخول أولًا لكتابة تعليق.

تسجيل دخول

احبك ياحبيب الله
ياالله شنو هذا بصراحه شئ يحزن ويبكي في نفس الوقت يابنات اعتبوا الله يكفي الشر اللهم استر عورتي وامن روعتي اللهم احفظ ستري واحفظ ستر جميع بنات المسلمين
معتزة بذاتي
معتزة بذاتي
لا حول ولاقوة الا بالله ...

حسبي الله على كل شااب يتلاعب بشرف و بعفه البناااات ...

يا بنااات انتبهوا ... انتبهوا ... انتبهوووا ...

لا حب و لا علاقاات بتفيدكم ..
اللهم استرنا فوق الارض وتحت الارض و يوم العرض يااارب العالمين ..
جزاك الله خير يا اختي على القصه ...
rosiealg
rosiealg
لا اله الا الله ياربي استرنا الى ان يوارينا التراب
عصير ليمون بارد
ان الله غفور رحيم تقربي من الله واستغفريه
نسمه فجر الصباح
هذا هو الرجل ذئب مفترس يطرد وراء شهوته >> ونحن أغبياء سذج نطرد وراء العاطفه
رحمـــــــــاكـ ربي ..(( اللهم استرنا واستر بنات المسلمين )