بليز هلب مي

اطباق عالم حواء

توني يديده يالزواج وساكنه في بيت حموله يعني عائله كبيرة
المهم هم اكثر شي موجود عندهم المعلبات بانواعها والخضار وانواع الاجبان

الخضار قمت اسويهم سلطات
بس ابي احد يعلمني افضل طريقه لطبخ المعلبات
وشسوي عشى افضل الاكلات تكون خفيفه وسهله ولذيذه ابي زوجي يقولي من قلبه مو مجامله تسلم ايدج حبيبتي اوكي
باجر بسويه انطركم لا تبخلون علي

وحبيت كل وحده تكتب شتسوي عشى لاهله او زوجها


وشكرا حبايبي:cook:
5
571

يلزم عليك تسجيل الدخول أولًا لكتابة تعليق.

تسجيل دخول

princesscarina
princesscarina
أهلا أختى

معلبات أيه بالتحديد؟؟؟؟؟؟؟
تونة مثلا لانشون ولا فول ولا ذرة صفرا

شوفى ياحبيبتى دليل الطبخ مليان أكلات وعشوات وغدوات وكل اللى نفسك فيه
أعملى بحث ودورى على أسم الأكل أو الصنف اللى أنتى عايزاه

ولو برضه أحتاجتى مساعدة أنا فى الخدمة

وربنا يسعدك وينور بيكى بيتك
شوق الكويتية
شوق الكويتية
مشكورة على الرد
جميع انواع المعلبات فول فاصولياء ذرة تونه والخ

ابي اذا طبختها له نكهه حلوة شنو اضيف عليها

ساعدوني بجم طبق للعشى وشكرا حبايبي
كتاكيت
كتاكيت
اختي العزيزة مبروك اولا وثانيا راح اعطيج طريقة للفول جربيها
الفول:
- حمسي بصله وحده صغيره بعد تقطيعها الى قطع صغيره بالزيت ثم أضيفي لها طماطم مقطعه الى قطع صغيره قصري عليها الشوله لين يذوبون شوي بعدين ضيفي الفول مع نص الماي اللي بالعلبه مو كله خليه شوي ينحمس معاهم وبعدين قعدي هرسيهم وهم على الشوله بالملعقة المخرمة حتى يذوب الفول وبعدين ضيفي شوية كمون وملح ولما تحطينهم بالطبق صبي عليه شوية زيت زيتون وعصير ليمون وزينيه بالبقدونس
-النخي:
- حطيه بالخلاط الزجاجي مع الماي ماله مع شوية ملح وعصير ليمون وشوية هرده ولما تحطينه بطبق التقديم صبي عليه شوية زيت زيتون وشوية فلفل احمر بودر
فديتك
فديتك
احسن شي الحميسه ..


قطعي بصل لشرائح طوليه وفلفل اخضر مكعبات او شرائح وخليهم يذبلون مو يحترقون بالزيت وضيفي كمووون وماجي وفلفل اسود وثوم على حسب الرغبه ونص كلاس ماي خليه يغلي وعقب حطي عليه مكعبات بطاط مقطعه لقطع صغيره ومقليه تكونين مجهزته من قبل ..
وشوفي شنو عندكم من معلبااات وحطي معااهم .. بزاليا// فاصوليا خضرا // مشروم ..
اذا تحبين لونهم احمر حطي معجون طماط واذا تحبين لونه اصفر بس ضيفي له كركم .. وبعد مايستوي الاكل اخذي ملعقه كبيره بقدونس او كزبره خضرا مفروومه وخلطيها معاها وبالعافيه ان شاء الله

اذا مالج خلق تقلين البطاط عادي تقدرين تحطين البطاط بعد ماتقطعينه لمكعبات صغيره بعد حمسه البصل والفلفل الاخضر بس زيدي الماي شوي وخلي البطاط ينضج شوي وعقب ضيفي له المعلبات الي عندج ..










النقانق

حمسي بصل // فلفل اخضر مقطعين لشرائح طوليه بالزيت وعقب ضيفي لهم النقانق المقطعه بالطول او دوائر على حسب رغبتج .. وضيفي له ماجي وفلفل اسود وسماق وشويه صويا صوص ونص كلاس ماي ونص علبه ذره وعلبه مشروم مقطع وحمسيهم زين مع بعض عشان ياخذون النكهه عدل .. نفس الشي اذا تحبين تضيفين معجون الطماط او بس تكتفين بالكركم .. انتي وذووقج ..






في معلبات البيديااان الي علبتهم مدوره عاد هذي عجيبه

شوفي تحمسين بصل وتضيفين له مكعبات البطاط ( يكون حجمها وسط ) تحمسينها شوي بالزيت وبعدين تحطين فوقهاا ماي عشان تكمل استوااا وطبعا البهارات هي فلفل اسود وماجي وفص ثوم مهروس ..
لما يستوي البطاط بيصير مهروس نوعا ماا بس بيحتفظ شكله المكعب ضيفي له معجون طماط والبيديان وخلطيهم مع بعض زين بس بشويش عشان مايخترب شكل البيديان والبطاط .. خلي البيديان يكون اكثر من البطاط .. ولما تقدمينه حطيه بصحن ورشي فوقه اشويه بقدونس او كزبره مفرومه وعصري عليه نص ليمونه وجهزي لج غرشه فلفل وخبز ايراني حار وبالعافيه ...



حمص خلطبطيشن

عاد الاسم شي مو هههههههههه

شوفي سوي حمص في طريقه وايده حلوة تعلمتها بالمنتدى وهي :
قوطي نخي جاهز - قيمر نستله - 3 ملاعق هرده - ربع كوب زيت زيتون .. حطيهم بالخلاط ( خلاط الكيك احسن من خلاط العصير عشان مايخترب خلاط حمولتج وتزعل عليج الخاله ههههههه)

الحين الخلبطيشن الي راح تضيفنه للحمص
عقب ما يجهز الحمص ضيفي له ملعقه كبيره بقدونس مفروم وملعقه خيار مبشوور ولما تحطينه بالماعون طبعا تصبين فوقه زيت زيتون و تحطين فوقه طبقه من الطماط المقطع لقطع صغيره تغطي الحمص من فوق وترشين عليه شوي بقدونس للزينه


او تقدرين تسوين التالي

تهرسين علبه فووول ومعااه نص فص ثوم وتضيفين له علبه نخي صحيح مو مهروس وتصبين فوقه ملعقتين هرده او ثلاث وتخلطين معااه طماطه مقطعه لقطع صغيره وبقدونس مفروم تقريبا ملعقه كبيره وعصير ليمونه

وتحطينه بالماعون وتصبين فوقه زيت زيتون وتزينيه بالبقدونس والسماق ..



بس ترا مااقدر اكتب اكثر من جذي مت من اليوع ههههههههه

وبالعافيه ان شاء الله

:26:
موج البحرين
موج البحرين
انا اسوي نفس طريقة الاخت كتاكيت..

فديتك ماشالله عليــــــــــــج عجبتني طريقة الحمص ويا القيمر..

ما تعرفون طريقة للتونة ابيها تكون مطبوخة مو عادية

:cook: