شنطة الحج!

الحمد لله الذي بلغني حج بيته والله يتقبل مني ومنكم ويرزق اللي ما راحت انها تروح
باخبركم مستلزمات الحج الضروريه وعسا ما حد قالها من قبل
اول شي عباءتين لان الظروف هناك ما بتسمح لك بالغسيل يوميا
جلابيات وملابس مريحه
ملابس داخليه من ستيانات وغيره والغيار السفلي خليه من اللي يستخدم لمره ويرمى لانك بتروحي منى وعرفه وما بتغسلي هدومك هناك وهذه الانواع ذات الاستخدام الواحد خفيفه وعمليه
2 او3 شيلات غير اللي لبستيها لان الشيله بتنعدم بالزحمه والعرق
حذاء رياضي للمشي يوم الرمي خاصه
مزيل للعرق وشامبو وصابون بدون روائح
اكياس للملابس المتسخه
بطانيه خفيفه فربما البطانيه التي سيوفرونها لك لا تفي بالغرض
2 فوطه تستعملي واحه وتغسلي الاخرى مع فوط صغيره للمبيت بمنى لانك لن تاخذي كل شنطتك لهناك
والاهم شنطه صغيره للمبيت بمنى تضعي بها غيارات والبطانيه وفوطه وسروال للمشي حتى الرمي لانك ربما تقعين فيكون استر لك وضعي فيها بسكوت وكاكاو واطعمه خفيفه لان الزحمه بمنى احيانا تعيق الحمله عن حمل كل انواع الطعام اللي تتوقعينه!
وتحتاجي للحج سجاده وثوب الصلاه
لاتنسي ملابس العيد اشتري جلابيه حلوه وضعي شنطة مكياج خفيف للتزين يوم العيد(احلاعيد شفته هناك)
لاتنسي البنادول والفوط الصحيه للطواريء ومصاص الحلق
ضعي علبة مناديل ورقيه واحده فقط (الحملات توفر لكن تحتاجين اضافات احيانا)
مناديل الديتول لتعقيم الحمام قبل الدخول فحمامك لن تاخذيه معكي:29:
اتمنى ان لا اكون نسيت شيء
والله يتقبل صالح الاعمال