اقتباس مشاركة  (جولنار هانم)
بالتوفيق ان شاء الله

حبيبتي الموضوع مغامرة ...
بس بما انك موظفة ان شاء الله انك ما بتخافي من ركود الشغل خارج المواسم .

المشروع مربح بس للي تديره وتشرف عليه مضبوط ..
من ناحية الانشغال .
ترى والله ما بتحكي راسك .. لانها تحتاج مقابل لشغلها وتشرفي عليه لا تخرب لك اقمشة الناس .
ويحتاج انك تفتحي بيتك للناس و(كل من هب ودب )

انا مجربة ...
شغلي معها يبدا من الصباح اشرف عليها واتابعها و من صلاة العصر الناس داخله وطالعه ما اشوف بيتي ابد . حتى زوجي زهق منها .

بس لو تقدري تجيبي خياطة شاطره مره وتقابل هي الزباين ..... تكون امك داعية لك .
لانها بتفاصيلهم بدال ما يفشلونك بعض الناس ويرغمونك تخيطي لهم احياناً ببلاش.

مره ثانية اقول لك
موفقين ان شاء الله
حياك ربي جولنار هانم ومقدره لك هذا المرور ومثلك يستفاد منه الله يكثر من امثالك يفيد غيره بتجاربه ولا هانو الغاليات إللي يبدون رايهم وكله حكم
بالنسبة لفتح بيتي لكل من هب ودب مستحيل لأني ماراح اوسع نطاق شغلي يعني بخليه مقتصر على الأقارب والجيران وبعض الزميلات لين أكسب ثقة وسمعة بعدين استأجر مشغل واستقبل الكل
وبالنسبة للإحراج من بعض الناس هذا في كفة والشغل في كفة أنا من النوع إللي انحرج وممكن انزل في السعر لو لزمو وممكن اخيط بلاش لو كانت قريبة وأعرف ضروفها
والله العظيم ردودكم نبهتني للأشياء كثيرة ماكانت على بالي واستفدت منكم وأكيد أي وحده بتسوي نفس المشروع استفادت الله يجعله في موازين أعمالكم
اللهم لك الحمد حتى ترضى ولك الحمد إذا رضيت ولك الحمد بعد الرضى
لكل من رفع موضوعي من حبيباتي الغاليات دعواتي لهن بالتوفيق والسعة في الرزق والبركة في مالكم وأولادكم ويحقق لكم كل ماتتمنون وجميع الأخوات
أنا في انتظار المزيد من الأراء الله لايحرمني منكم
اللهم لك الحمد حتى ترضى ولك الحمد إذا رضيت ولك الحمد بعد الرضى
فكره حلوه
انا ما ودي احبطك ابد يالعطاويه

بس قلت لك وجهة نظري واللي اشوفه عند خالتي

للامانه جلست فتره تقول راتبها من جيبي الخياطه ما تدخل شي بس اللي مريحها عندها بنات كثير ماشاء الله عشان كذا محتاجتها

الشي الثاني صارت تخيط شناط خاصه للمواليد وتلبسها بالبلاستيك عشان ما تنعدم كانت تخيط شناط للمدارس وكنت انا اكشخ فيها بصراحه على صاحباتي هههههههه

كانت تمسك عرايس وتخيط جهازهم كامل بسعر يساعد العرايس على انهم يستمرون معاها بس عارفه وين المشكله ان البعض بحكم انهم قرايب ما يسددها الا بعد سنه سنتين ثلاث وليته كاش يقسطونها تقسيط يعني حتى بركة المبلغ وفرحته ما تحس فيه رغم انها مبسوطه بس برضوا هالشي يضايق بصراحه

كانت تخيط الجلابيات وتخيط ملابس خاصه بالخدم

كانت تخيط مفارش اسره ومفارش اطفال تجنن

كانت تخيط الطرح والنقابات

كانت تخيط اطقم للمطبخ من مفارش وتلبيسات كراسي وكلها كانت اقمشه امريكيه وملبسه ببلاستيك عشان ما تنعدم مع الستاير الخاصه فيها مع البيزه طقم متكامل اذا دخلتي مطبخها ماشاء الله تبارك الله شي يفتح النفس

حتى فساتين البنات البيبي اللي من عمر 6 شهور واكبر كانت تعمل كميات وتبيعها بس شغلها كان متعوب عليه لانها تجيب البرد من ايطاليا وامريكا وتخيط عليها

هذي كانت بدايتها عشان تقوم شغلها صح الين صارت تمسك جهاز العرايس

فانتي استخيري وفكري وانا كتبت لك بدايتها بالتفصيل عشان بس الغي سالفة الاحباط اللي سببتها لك ام سوري عن جد اسفه

تابعوني على الانستقرام @dom_sweet_ سناب شات nymsh
طبخات وحلويات تزيين الكيك وتجاره والكثير

للتواصل واتس اب فقط
0502070007


بدء استقبال طلبات البهار المخمليالذرور المكثفالزعفران الكشميري الاصليمعمول التمر الملكيالغريبة الاصيله البيتفور المميز كما يوجد لدينا تأجير صواني الافراح البيضاء المستورده عرض خاص على مخلط فجر الخيول الملكي الاكثر مبيعا على مدى 11 عام كما يتوفر المشد البرازيلي الكامل والنصفي
مشكورة يالغالية نوال على اهتمامك ورجوعك لموضوعي
الإحباط مو منك بالعكس إنتي وضحتيلي امور يمكن أكون غافلة عنها ويوم عرفتها منك أو من غيرك حسيت إن المشروع صعب بالنسبة لي وفيه عوائق كثير تعيقه وهالشي سببلي إحباط وأنا إذا شفت أي مشروع سلبياته أكثر من إيجابياته تنسد نفسي والغيه ولو كان عاجبني موت المشكلة عندي طموح وأفكار كثيرة احب الأعمال الحرة والتجارة وماراح ايآس الله يختارلي إللي فيه خير
ولك مني كل الشكر والتقدير بارك الله فيك
اللهم لك الحمد حتى ترضى ولك الحمد إذا رضيت ولك الحمد بعد الرضى


الساعة الآن 09:56 .