Analysis Services
مساء الخير

بدخل بالموضوع مباشره الله يسلمكم انا بنيتن فنانه بكل شي اقصد الحلويات والمقبلات والمعجنات
بس شيء اسمه كبسه عجزت اضبطها مره تطلع حلوه ومره تخرب ومره تسد النفس


واللي يقهرني ان سفرتنا دايم توجه وتفتح النفس بس وش الفايده الطبق الرئيسي مب حلو
ودايم لاجونا ضيوف نتصل على اختي المتزوجه تجي تسوي لنا ولا نخلي امي وامي عجيز ضعيفه
ارحمها والله بس غصب


عاد ابي فزعتكن الله يخليكم لاتقصرن عطوني اسرار الكبسه اانااعرف الطريقه بس ماتضبط
يعني اقصد مره تصيرمالها طعم مع اني اكشن زين وكل شيء نظيف وتمام
ومره تطلع حب عظام ماتنوكل ومره تطلع متعجنه كنها جريشه


مدري وش السالفه
10-10-1431 هـ, 07:30 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ياقلبي مايبيلها عرف شوفي قطعي بصل شرايح وثوم وكشنيه واذا بدى يتحمر حطي الدجاج وحطي عليه البهارات والملح وقلقليه مع بعض شوي وبعد كذا حطي عليه الماء بس السر انك تقولين ماله طعم هو ان بعض الحريم تملى القدر ماء وهذا يضيع الطعم خلي الماء معقول والملح خليه طالع شوي عشان مايصير خانس انتبهي حبيبتي لا تكثرين الملح حيل ويصير عندك احد فيه الضغط وتجيبين العيد فيه وتقولين هذي نصيحه مميزه واروح وطي من الدعاوي هههههههه المهم نرجع لموضوعنا وبعدين خليه يطبخ لما ينضج الدجاج وبعدين طلعي الدجاج واشخلي الكشنه وصفي مويه الدجاج وحطي الرز وحطي فوقه كم حبه مسمار ومثلهم هيل وحطي بعد علوب فلفل حار احمر عشان يطلع للرز ريحه حلوه وخلي الماء يغطي الرز ولازم يكون الرز منقع قبل ومغسول كويس يعني نضيف واذا نقعتيه حطي معه شوي ملح هذي نصيحه من منال العالم عشان تكون حبه الرز طويله والرز انا افضل ابو كاس على فكره حبيبتي نوعيه الرز لها دور كنت ابقوله لك باول شي لكن نسيت المهم نرجع لموضوعنا خلي الرز يطبخ وذوقي ملحه اذا هو زين خلاص واذا يبي زياده زوديه وبعدين اذا نشف الماء قصري عليه النار وبعدين اشوي الدجاج باالفرن وتكونين مزينه كشنه الي فوق الرز مع شوي كركم وزبيب للي يحبه وحطيه فوق الرز وسكري الغطى وخليه شوي واذا خلص الرزسكري عنه و قدميه وباالهناء والعافيه فيه شروط عشان الرز ينضبط راح اكتبها لك
1نوعيه الرز تكون ممتازه
2الماء مايكثر عشان مايملغ الطبخ
3الرزيكون مغسول كويس ونضيف لان بعض الناس غسله وغسلتين ويقول خلاص لازم تروح ريحه الرز ويكون اخر غسله يكون ابيض مافيه وصخ وينقع بماء على الاقل ساعه الاربع
4 الزيت اذا حطيتي الرز يكون معقول مايكون شوي عشان يصير نثري
وتقبلي مروري وادعيلي واذا جربتيه وضبط معك ارسليلي على الخاص
10-10-1431 هـ, 08:42 مساءً
 
سيم سيم نفس المشكلة
10-10-1431 هـ, 08:52 مساءً
 
الافضل ماتغطين اللحم بالكامل يعني يبان شوي علشان يجي المرق مركز ولذيذ
والرز برضه ماتغطينه الا اصبعين بالكثيرررررررر
10-10-1431 هـ, 09:09 مساءً
 
اقتباس مشاركة  (مميزه ومالي شبيه)
ياقلبي مايبيلها عرف شوفي قطعي بصل شرايح وثوم وكشنيه واذا بدى يتحمر حطي الدجاج وحطي عليه البهارات والملح وقلقليه مع بعض شوي وبعد كذا حطي عليه الماء بس السر انك تقولين ماله طعم هو ان بعض الحريم تملى القدر ماء وهذا يضيع الطعم خلي الماء معقول والملح خليه طالع شوي عشان مايصير خانس انتبهي حبيبتي لا تكثرين الملح حيل ويصير عندك احد فيه الضغط وتجيبين العيد فيه وتقولين هذي نصيحه مميزه واروح وطي من الدعاوي هههههههه المهم نرجع لموضوعنا وبعدين خليه يطبخ لما ينضج الدجاج وبعدين طلعي الدجاج واشخلي الكشنه وصفي مويه الدجاج وحطي الرز وحطي فوقه كم حبه مسمار ومثلهم هيل وحطي بعد علوب فلفل حار احمر عشان يطلع للرز ريحه حلوه وخلي الماء يغطي الرز ولازم يكون الرز منقع قبل ومغسول كويس يعني نضيف واذا نقعتيه حطي معه شوي ملح هذي نصيحه من منال العالم عشان تكون حبه الرز طويله والرز انا افضل ابو كاس على فكره حبيبتي نوعيه الرز لها دور كنت ابقوله لك باول شي لكن نسيت المهم نرجع لموضوعنا خلي الرز يطبخ وذوقي ملحه اذا هو زين خلاص واذا يبي زياده زوديه وبعدين اذا نشف الماء قصري عليه النار وبعدين اشوي الدجاج باالفرن وتكونين مزينه كشنه الي فوق الرز مع شوي كركم وزبيب للي يحبه وحطيه فوق الرز وسكري الغطى وخليه شوي واذا خلص الرزسكري عنه و قدميه وباالهناء والعافيه فيه شروط عشان الرز ينضبط راح اكتبها لك
1نوعيه الرز تكون ممتازه
2الماء مايكثر عشان مايملغ الطبخ
3الرزيكون مغسول كويس ونضيف لان بعض الناس غسله وغسلتين ويقول خلاص لازم تروح ريحه الرز ويكون اخر غسله يكون ابيض مافيه وصخ وينقع بماء على الاقل ساعه الاربع
4 الزيت اذا حطيتي الرز يكون معقول مايكون شوي عشان يصير نثري
وتقبلي مروري وادعيلي واذا جربتيه وضبط معك ارسليلي على الخاص
هههههههه يابعد قلبي لامحد داعي عليك إن شاء الله

انا اسوي نفس طريقتك ورزنا رز الوليمه بس مافيش فايده

يعني نوب تضبط ونوب لا
10-10-1431 هـ, 09:12 مساءً
 


الساعة الآن 07:31 .