أخواتي

أحببت أن أسألكم إن كان بالإمكان الاستثمار برأس مال صغير

أقل من 20000 ريال سعودي .. و هل بالإمكان تنمية المبلغ

أبغى شي من النوع السريع نوعا ما ..

ضربات ..

هل هذا ممكن

ممكن تعطوني أفكار

أسهم

أو جلابيات

تشترينهم بالجمله و تبيعنهم بربح يصل الى %30 زياده

وانتي و شطارتك

و بالتوفيق
مشكوره يا قلبي
هدايا منوعة للمناسبات

تشاركين في الافراح او المواليد او الاعياد

يعني تشتغلين في المواسم

او مكياج وعطور لان السيدات يحبون ها الاشياء

ومثل ما تكرمت الاخت الكريمة افراح رأيها حلو

بالتوفيق ان شاء الله
اقل من 20000 مبلغ حلو

عندي لك اكثر من مشروع وكتبته لاكثر من عضوة في المنتدى:

(1) تحطي لك عامل يبيع لك بالونات مملؤه بالغاز وممكن يجيك طلب لعمل بالونات للحفلات .

(2) ممكن ماكينه الفشار( الذرة ) شغله سهله وتربح وما تكلف .

(3) حنايه هنديه في البيت تحني الناس.

(4) تحطي سياره تملئيها مستلزمات عائليه من ملابس وادوات مكتبيه وغيره وتلف على المنازل البعيده عن الاسواق.

(5) مشروع ماكينه تفقيس البيض احسبي تشتري ماكينه البيض وكرتون البيض الطازج ممكن 15 ريال وبعد ما تفرخ تبيعي الفرخ 3 ريال وعلى حسب كميه البيض ممكت 200 بيضه في الشهر 200*3= 600 ريال في الشهر.

اذا تذكرت شي ارجع لك.


بالنسبه لماكينه التفقيس عندي عجوز كبيره تبيعهم ومكاينها مضمونه
6) سياره تبيع الايس كريم او السندويتشات.

(7) عمل شاي وقهوة للاعراس والحفلات الخاصه.


(8) كاميرا وتحطي لك عامل يصور الناس والصورة عندنا في قطر 10 ريال شوفي الفيلم كم فيه وانت الكسبانه.
9) عندي لكم فكره جديده وهي تجليد دفاتر تحضير الدروس وعمل حركات جميله على الاقلام . ممكن تاخذي الافكار من منتدى الاشغال اليدويه
(10) عندي لك فكره جديده اذا انتي شاطره في عمل البيتي فور شي حلو.

(11) اذا انتي شاطره في الخياطه اعملي مخدات باشكال حلوه .

(12) عندي لك فكره حلوه للمواليد حنا عندنا في قطر مواليد الاطفال حديثي الولاده يسمون الثون ( ثوب العافيه) قيمته 5 ريال وهو عباره عن ثوب ابيض خفيف وعليه تطريز ناعم . مثلا اذا انتي اشتريتي متر القماش 5 ريال وخيطتي 5 ثياب 5*5=25 انتي الربحانه وبامكانك عمل غير الثوب حنا نسميه ( مهاد ) وهو عباره عن قطعه كبيره تلف على الطفل
13)فكره جديده وهي الزراعه تزرعي شتلات صغيره سواء نبات داخل المنزل او خارجه ( مثل شجر الظل) (النعناع والحبق والريحان وغيره كثير)


الساعة الآن 08:01 .