السلام عليكم ورحمة الله وبركاته


كان عندي سؤال وكنت محتاره وين احطه

بس بما انه مالي
قلت ينسدح هنا

ودي اعرف ويــــــاريت احد يجاوب وربي محتاره
؛؛
الحين علي قولة الناس الغير سعودين انتم عايشين بنعمه(الله لايغيرها علينا)
طيب ليه ما فيه وظائف
ليه البنت تتخرج من الثانوي وتتمني تكمل بس ما قبلوها وتتمني تتوظف بس ما فيه
طيب والله تعبت

حتي وان تخرجت ماتلقى

وربي حرام ليه كذا صاير

رحت مره لحي ما ادري وش اسمه بس بالرياض
وربي لما شفته بكيت
فيه ناس عايشن كذا وبنفس دولتنا

واحنا ما بقى دوله ما نساعدها

وفلوس دولتنا تطير من مكان لمكان

اخواني واخوانكم وزوجي وازواجكم

غــــــــــــــ ــارقين في الديون
ولا فيه احد تكرم من راعين الملايين وقال ابتبرع للشعب وتنقلع ديونه
واذا جا برنامج للتبرع شفت الشهامه

وربي حفــــــيت ادور علي وظيفه
مـــــــــــــا به
يشيخه لو بالف ريال
كل ما اروح لمكان
ما اسمع الا ما فيه
وان كان فيه تروح لراعين الواسطه

يابنات والله الوضع صاير زفت

تمنيت افك نفسي من المذله واعيش علي رزق
من ايدي

عموما الصوت ما راح يوصل
بس قلت افرفش واشوف اذا فيه احد منقهر مثلي

سلامتكم

وهالكلام من صحيفة القدس..
ديون السعوديين بلغلت 68 مليار دولار

نقلت صحيفة "القدس العربي" عن اقتصادي سعودي قوله إن "مليوني مواطن سعودي مدينون بـ257 مليار ريال 68.5 مليار دولار أميركي غالبيتها قروض شخصية."

وقالت الصحيفة "حذر اقتصاديون من تزايد قروض الائتمان بالمملكة وبلوغها حداً يعتبر عالياً جداً في ظل الأوضاع الاقتصادية الراهنة، ربما يصعب من سدادها مستقبلاً، بخاصة بعد تجاوز قروض الأفراد 257 مليار ريال تشمل بطاقات الائتمان وقروض شركات التقسيط."

ونقلت الصحيفة عن نبيل المبارك مدير شركة نسمة الائتمانية قوله إن "نسبة القروض الشخصية إلى إجمالي الناتج المحلي تبلغ 13 في المائة،" معتبراً أنها مقبولة مقارنة بالناتج المحلي والذي تجاوز 1.6 تريليون ريال."

وأوضح أن "عدد المقترضين في المملكة يبلغ مليوني مقترض وتصل قيمة قروض الأفراد بما فيها شركات التقسيط إلى 257 مليار ريال يتوزع غالبيتها على القروض الشخصية 54 في المائة، بما يعادل نحو 3,63 مليون قرض تتعلق بزواج وترميم منازل وغيرها، تليها البطاقات الائتمانية بـ42 %، تليها قروض السيارات حوالي 3 %، ثم القروض المنزلية وقروض المنتجات الاستهلاكية بـ1 و0.5 % على التوالي." حسب الصحيفة.

والله الناس الحمدلله بخير وبنعمه وماينقصهم شي

احمدوا ربكم واشكروه عالنعم يزيدكم

مو تتشكون وتنكرون نعم الله عليكم وتقولون دوله غنيه وشعبها طايحين

يعني الحين معج النت ولاب توب وتقدرين تاكلين وتشربين يعني مو فقيره صح ؟!!

بس تبين وظيفه وكتبتي هالشي ؟! اهم شي عايشه بنعمه وصحه

وكملي دراسات عليا شوفيلج خبرات دورات وربي بيرزقج الوظيفه
سبحان الله والحمدلله ولا إله إلا الله والله أكبر

اللهم لك الحمد عدد خلقك ورضا نفسك وزنة عرشك ومداد كلماتك
فساد البطانه وتصوير ان كل الاوضاع بخير وطبعا ضعف الايمان واللهو
وعدم شكر النعم بيوت مليانه دشوش شباب صايعين بالشوارع بنات كاسيات عاريات امهات مهملات بيوت اغلبها خدم والحسد
فل العباده فساد الله يستر على بناتنا وبنات المسلمين مقاطع بالنت توجع القلب للبنات
بس الشكوى لله لان الخير يخص والشر يعم
الله يهدينا وبنات المسلمين اجمعين
فعلا فيه ناس عليهم ديون ليت يتبرعون لهم بدل ما تروح تبرعاتهم لبرا
اقتباس مشاركة  (ديمـه)
والله الناس الحمدلله بخير وبنعمه وماينقصهم شي

احمدوا ربكم واشكروه عالنعم يزيدكم

مو تتشكون وتنكرون نعم الله عليكم وتقولون دوله غنيه وشعبها طايحين

يعني الحين معج النت ولاب توب وتقدرين تاكلين وتشربين يعني مو فقيره صح ؟!!

بس تبين وظيفه وكتبتي هالشي ؟! اهم شي عايشه بنعمه وصحه

وكملي دراسات عليا شوفيلج خبرات دورات وربي بيرزقج الوظيفه

انا اتكلم عن نفسي وغيري
انتي روحي حي الفيصليه وشوفي الناس كيف عايشين
وربي تبكين غصب

مشاريع تقام ونصف امولها تنبلع.. وتنسرق
اذا انتي حياتك كامله
فيه غيرك يتمناها
والكل يدور علي اللي ناقصه



الساعة الآن 08:11 .