مشاريع تقام ونصف امولها تنبلع ربي منعم علينا بس ناقصنا الحكمه ياريت نعيش كسويدين مش السعوديين
انا ماعلي في الوضع

لكن استغرب الي متسدحين تحت المكيفات ويقولون لغيرهم عايشين بنعمه

اعوذ بالله لهالدرجه ماعاد فيه اهتمام المسلم لامر اخيه المسلم

كلنا نحب دولتنا ومن حبنا لها نقول هالكلام

يوم تكون ميزانيه الدوله 5% تروح للتتبرعات والدوله الاغني عالميا شعبها بهالحاله المزريه من بطاله

وديون وعدم توفر بيت ملك ولا وظايف ويقولون عايشين بنعمه

لا هنا ووقفو ..!!

ليش التبرعات هذي كلها ونص العالم اذا مو اكثر مديونين

كثير من السعوديين يعيشون تحت وطأة الايجار وغلاء العقارات والدوله تتبرع بمستشفى هنا وقطار هناك ومليارات تروح للبنيه التحتيه للبنان وسواحلها والسعوديين بعشش ساكنين لاتقولون مافي سعوديين عايشين بخيام الا فيه وشوفو الجرايد

الحمد لله مو ناقصني شي ولكن يؤسفني اني اشوف من ابناء وطني عايشين هالحاله المزريه في احسن دول العالم واغناها

شوفو دول الخليج الثانيه

اكيد فيه فقراء بكل دوله لكن يوم يغلب الفقر على الغنى

وتزيد الفجوه بين فاحشين الثراء والفقراء هنا اكيد فيه خلل

ولازم المسئولين هم الي يكتشفونه لان البطانه مالها شغل هالوضع صاير من سنين وكل شي على البطانه

ملعب في جده وضعوا له ميزانيه عشره مليارات من سنين وللحين ماتصلح

في حين ملاعب قطر العشره الي بيسوونها في حال اخذت قطر كاس العالم بيتكلفهم ث مليارات ونص ؟؟

وين راحت هالفلوس

وبأي حق تصرف هالمليارات ومايشرفون عليها المسئولين وين راحت وبجيب مين

البنيه التحتيه الزفت والفيضانات ولا عرفنا مين المسئول عن الفساد

كل هذي اشياء لازم تنكشف ونعرف وين بؤرة الفساد عشان تتعدل اوضاعنا

هذا رأيي
..
والله للأسف كلامك صحيح عندنا ناس ميته من الجوع والديون وغلاء المعيشه
اذا كنا حنا يالي دخلنا الشهري متوسط ونعاني الغلاء وان الراتب يطير من اول الشهر وش لون هم
الا قهر ياعمري شباب يتمني الزواج بس ماقدر بسب غلا الايجارات والمعيشه واذا الواحد قدم علي معونه عقدو الدنيا الله المستعان الرجال يكمل الخمسين حتي بيت حلال يضفه وعياله مافيه والبنت تتخرج وماتاقا وظيفه الا بالواسطه او بالرشوه واذا طفشت من الجلسه قالت بغير الاتجاه الي التجاره الحره ومع هذا ماتلقا احد يدعمها
والصناديق الاستثماريه اذا قالو دعم الله يرحم الحال تكمل البنت اربعين سنه والقرض ماطلع بس الشكوي لله الله يعدل الحال
اللهم أني أعوذ بك من زوال نعمتك وتحول عافيتك وفجاءة نقمتك وجميع سخطك..
استغرب وين مشايختنا ليش مايوصلون الوضع السي والفقر لبعض الاسر للحكاااااااااام
ليش الاجنبي مرفه ورواتبهم ارقااااااااام فلكيه 70-100 الف وبدلاااات وتامين وسكن وتذاكر و......والسعودي نفس الوظيف ماله امتيازات اول مره شوف المواطن يعامل اسواء شي والمرفه واللي مدلع الاجنبي !!! من جد شي غريب !!!
والسعوووووووودي وظايف متدنيه حراس امن وكاشير ومطاعم والموظف الاغلب 6000الاف .
ليش ماتتكون لجنه او محامين تناقش اوضاااااااع السعودين وتشوف الخلل ويكون المواطن الاصل له امتيازات مو الاجنبي !!
الى متى السلبيه .
حسبنا الله سيؤتينا الله من فضله إنا إلى الله راغبون


الساعة الآن 04:35 .