#ران موري#

#ران موري# @ran_mory_2

محررة ماسية

اشتقت للميت اللي دفناه انا وبنت عمتي بحمام عمي

الملتقى العام


السلام عليكم ورحمة الله وبركاته

اللي يحب النبي يصلي عليه .. اللهم صلي وسلم على نبينا محمد

بنات لمن تقرأون الموضوع ابغاكم تشوفون لي حل

لاني ماكتبته الا لاني اعرف انكم تحبون المساعده

في سفرتي الاخيره للجنوب كنت واقفه عند باب بيتنا وطاحت عيني على بيت عمي
وتذكرت سالفتي انا وبنت عمتي قبل 11 سنه تقريباً

اتذكر كنا انا وهي ندور ونتفرج حول بيت عمي اللي لازال تحت ال*****

وفجاة شفنا ميت .. واحترنا ايش نسوي فيه

اتفقنا انا وهي ندفنه .. مدري ايش اللي خلانا نفكر بالدفن بدال ماناخذه لبيت جدتي وعماني علشان يشوفونه

المهم حفرنا تراب ودخلناه داخل وحطينا فوقه تراب ورتبنا المكان بحيث مايبين ان فيه شي

طبعاً مثل ماذكرت بيت عمي كان لازال تحت ال***** وانا وبنت عمتي يوم دفنا الميت ماكنا ندري باي غرفه

بعد ماخلصنا مسكنا عمي وضربنا وصارخ علينا لاننا رحنا بيته بدون علم احد وكان خايف علينا من اللي يبنون

مع انه ماكان فيه احد .. كان وقت الظهر...وعمي مادرى ايش سالفتنا انا وهي

المهم رجعنا البيت و بعدين عرفت ان المكان اللي دفنا فيه الميت هو الحمام

والى يومكم هذا عمي مايدري تصدقون صار لي زماااااااااااان من بيت عمي مادخلته بحكم سفر عمي

مدري لي اتخيل لو دخلته ماراح اروح للحمام ابدا حتى لو كنت مزنوقه
اتخيل روح الميت تحوم في البيت بسم الله علينا

مره بغيت اعلم زوجة عمي بس غيرت رايي اخاف تخترع وتحرم بيت عمي حتى يطلع الجثه

السالفه صار لها 11 سنه اتوقع تحللت جثته صح بنات ؟

انا يوم كنت واقفه قدام باب بيتنا وشفت بيت عمي وتذكرت السالفه ضحكت على غصه

ضحكه لان الميت كان ارنب

وغصه لاني اشتقت للماضي

اشتقت للبساطه بكل اشكالها

زمان يوم كنا نسافر للجنوب كنا نطلع من جو المدينه وصخب المدينه وريحة مداخن المصاعد ومداخن السيارات الى الريف الجنوبي وريحة الريحان والسدر وشجرة الاراك

كنا نطلع من منظر العماير وناطحات السحاب وزحمة السيارات
الى منظر بيوت الجنوب البسيطه
بدال مانشوف ناطحات السحاب كنا نشوف الجبال اللي تنطح السحاب

والحين ماعاد اشوف البيوت البسيطه .. كل بيت احلى واعلى من الثاني

زمان يوم كنا نسافر للجنوب كنا نشوف عجوز ماسك بقرته ويحرث ارضه
ولا كهلة لابسه مثل هالقبعه وجالسه ترعى خرفانها





والحين ماصرنا نشوفهم ابدا

اتذكر زمان كانوا الحريم بس يدرون اننا وصلنا او اي احد جاي من المدينه ووصل لهم
كانت كل وحده تجي بقهوتها علشان تسلم وتتحمد بالسلامه

والحين صار لنا فتره نجي للجنوب ومانلاقي احد يجينا الا بعدها بيومين

حتى المسيار .. كان كل صباح وكل عصريه حرمه طالعه وعجوز داخله
وبدون اتصالات .. كان في يوم معين لكل وحده

يعني مثلا السبت فلانه بتسير علينا الصباح والعصر فلانه بتجينا

الاحد محد يجينا الصباح والعصر بتجينا مرة فلان

الاثنين جارتنا بتجي الصباح والعصر احنا بنسير على فلانه

وهكذا .. من زمان ماشيين على هالجدول

وفي السنوات الاخيره ماعاد فيه هالنظام

زمان كانت سوالفهم وش زينها وش حلاتها

مره قلت لامي ليت الجنوب يرجع مثل زمان

مشتاقه للخرفان والبقر مشتاقه لبيوت الحجر المنتشره

مشتاقه لمنظر البيوت البسيطه

مشتاقه اشوف واحد ماسك بقرته ويحرث ارضه بنفسه

مشتاقه للعجايز اللي يرعون خرفانهم

قالت امي خلاص الزمن تغير


حتى بالمدن

زمان ماكان في فرق بين الواحد وجاره حتى لو تلاحظون كانت بيوتنا تتشابه
ماكنا نعرف الفشخره... حتى اكلاتنا وحده .. اللي عندنا عند جيرانا واللي عند جيرانا عندنا


ياربي ايش اللي صار للناس ... ليش تغيرنا

زمان كانت النفوس وسيعه والواحد كان عنده طولة بال

الحين ماصرنا نتحمل اي كلمه من الثاني ... هذا غير العصبيه ونبغى كل شي بسرعه بسرعه

حتى عندنا بعالم حواء ماصرنا نتحمل بعض ... مع اننا مانعرف بعض ... اذا الوحده فينا خالفت راي الثانيه ياويلها


تلاحظون بنات انه صار لنا فتره ننزل مواضيع عن زمان

صور زمان - واغراض زمان - وكرتون زمان- حتى دعايات زمان


ليه ؟


هل لاننا كلنا حسينا ان الزمن تغير واشتقنا للماضي بكل مافيه ؟
234
16K

يلزم عليك تسجيل الدخول أولًا لكتابة تعليق.

تسجيل دخول

Lelo 2009
Lelo 2009
كلام قميل وذكريااات أحلى
الشررررسه
الشررررسه
اختي الزمن ما تغير الناس وطباعهم ونفوسهم هي الي تغيرت


ولا الزمن مثل ماهو


الله يرحمنا برحمته
شيخة الصبايا
شيخة الصبايا
الا ليت الزمان يعود بس حبتين ورا

والله كانت النفوس صافيه صافيه

اتذكر البيوت والبطرمه الحمراء كل الناس عندهم ونفس التلفزيون لافشخره ولاتعالي ولاشي

يارب رحمتك..
شروق الأزهار
شروق الأزهار
ياااااااااااااااة ياكلامك
أثر فيني
سفى الله ذيك الايام
سوري و منوري
سوري و منوري
لآتعليق