أفكر فيك
أفكر فيك
هههههههههههه حلووووووووووة



على طاري اللهجات (طاري)= بالفصحى على نفس المنوال :D

يوم كنت صغينون كانت لكنة نجد واضحة على لساني وفي كلامي

وطلعنا رحلة مع النشاط ..وكل الحاضرين كانو من أهل الدمام

المهم جاء الإستاذ وقام يشرح لنا البرنامج ..قال

..ثم بعد الرياضي نتجه للمسجد لأداء صلاة المغرب ..))

رفعت إيدي ..قال تفضل ..قلت يا أستاذ (ون مَمّدَاو):D??????

قامو يضحكون الطلاب ..قال الإستاذ إييييش!!!!!

قلت (ونننن ممداااو ) ورفعت صوتي أحسب إنه ماسمع (على نياتي):D

الإستاذ يوم شاف الطلاب يضحكون حسب إنها كلمة (شينة)=يعني سيئة..أو يحسب إني أستهبل...وعصصصصصصصصب

بس الحمد لله جاب الله إستاذ ثاني كان ساكن بالرياض أول ..قاله

يقوولك ..إذا ماكفاه الوقت ..هذا قصده ..:D:D

بعدها حرمممت أطلع رحلة مع هالإستاذ :D:D:D
red pen
red pen
هلا والله مرحبتين ومسهلتين
كلكم نجادى ماشاء الله (اكيد ام العيال مستثناه ويا ملاك)
بس من جد انتوا اللي رهيبين اللي اعجبكم الموضوع ,طيب ليش ماتكملون معي ونسوي معجم على قولت شمس النهار :32: اللي عندها كلمه جديده تحطها وماشاء الله ذكرى ماقصرت (امحق :21: تصدقين ماجت على بالي مع انها دارجه بالحيل )
وافكر فيك وام سعود ماقصروا بعد بس ياليت كل اللي دخل يجيب مصطلح (حلوه مصطلح)جديد


والله الموضوع من غير ردودكم بارد :27:
مشاعل
مشاعل
تدرون ان اهل نجد نفسهم تختلف لهجتهم مثلا اهل الرياض عن هل القصيم بصراحه انا من الرياض وجيراني اغلبهم قصمان يضحكون علي لمن اقول في اثنا كلامي (قلت ميد فلانه )ويقولون وش ميد 0 ايه بس ترى ميد تعني لها
يعني ميد فلانه 000اي لها
وقال ميدي 000اي لي
وفمال الكريم في مشاركه اخرى
الأسيرة
الأسيرة
صباح الخير على جميع الأعضاء الكرام
وتحية خاصةred pen ومشكورة على هذه المشاركة المضحكة :21: :21: :21: :21:
************************** وأبقى أزيد بعض الكلمات اللي أسمعها من الطالبات مثل
هبشة يعني.....................كثير
ماعوقتي ..........................بسرعة حضرتي
وهذا اللي يحضرني حاليا
ولكم خالص التحية
حلاوة
حلاوة
السلام عليكم ورحمة الله وبركاتة

حلوووووووووووووووة يا القلم الاحمر بس طلعت فضايحنا الله يهديك

وصدق كلام القصمان ومعروف ان القصمان ما شاء الله عليهم ما يتائرون في الكلام من الغير ولكن يؤثرون ومعروف عنهم ذلك

وطبعا في كلمة مهوب صيدي = مهوب قصدي طبعا هذا من كلامنا الرياض

ازهميها = ناديها

ادني = قربي (قربي في المجلس )

ساد = ما ادري وش معناها

والمعجم مليان :21: :21: :21: :21: :21: :21: :21:


تسلمين يا Red pen على الموضـــــــــــع الحلو