السلام عليكم ورحمة الله وبركاته

حبيباتي
بعد يومين عندي عزيمه لاهي كبيره ولا صغيره
لاهل زوجي
وبنجيب العشا من برى
بس انا ابتلشت باللي مع العشا
يعني سلطات مقبلات حلا

تكفون ساعدوني اللي عندها شي مميز تكتبه لي
واللي تذكر موضوع قد حطته وحده من الخوات ببعض الاقسام تحط لي الرابط
انا ابي شي مميز غريب
بس مايكلف وقت وتعب
لاني مضطره اسوي منه كميه كبيره وباستراحه
لاننا نحط للحريم والرجال عساس عائليه
يعني كلن بيعلق من عنده على العروس الجديده اللي هي انا

شغل القهوه والشاي وتوابعها دبرتها وجهزت
البلا بالعشا


لاتقولون ادخلي الاقسام
دخلت هنا وبمنتديات ثانيه ولا قدرت اصمل واختار
عشان كذا لجات لذوقكم


انتظركم لا تخذلوني
هذا رابط أطباق سلطات للعضوه هدووبه وتراها مميزه

http://forum.hawaaworld.com/showthread.php?t=1777263
هذا حلا الكاسات ممكن يتقدم مع العشاء

الطريقه

نقطع كيك سيسرول شرائح ونرصه في الكاس ونضع قليل من التوت التشيز كيك

نضع في الخلاط 2دريم ويب + علبه ونص قشطه + 4 كيري + نستله صغير

ثم نقسم الخليط الى نصفين نصف يكون ابيض والنصف الاخر نضيف عليه ملعقتين فنتو

او جلي بودره احمر ويكون وردي ثم نضع طبقه بيضاء وطبقه ورديه

ونضع طبقه ثانيه كيك ثم الكريمه الورديه ثم قليل من التشيز كيك على الحواف

ونكمل بقيه الطبقات بدو ن كيك وفي الاخير التشيز كيك التوت

ويزين بقطع الفراوله
وهذا حلى مو غريب بس جناااااان

حلى الباسكن روبنز وأسهل منه مافيه معروف بكتاب ام عبدالعزيز نخبة الأطباق

المقادير والطريقه

علبتين قشطه وعلبه نستله المركز المحلى ٦ حبات جبن كيري علبه بسكويت شاهي

اول شي غلفي الصينيه بقلاد عشان ينقلب بسهوله الصينيه كلها حتى الجوانب أتمنى مفهومه

كسري البسكويت تكسير وسط لا صغير ولاكبير النستله والقشطه والجبن بالخلاط بعدين صبيها عالبسكويت وغلفي الصينيه من فوق وبالفريزر

طبعا احسن تصلحينه بالليل يمديه يجمد

بعد ماتقلبينه بصحن التقديم زينيه بالهيرشي الشيره شوكلاته وكورن فليكس

وبس لذييييييذ أنصحك فيه


من تصميم المبدعه ام الكتاكيت الله يحرم يدينها عن النار
وهذي سلطه أخذتها من هنا بس مااذكر من صاحبتها لانها من زمان بس تجنن

مقاديرها وطريقتها

زهره مقليه

بقدونس

كزبره

بطاطس عيدان مالح او حار حسب الرغبه

بعد ماتقلين الزهره افرمي البقدونس والكزبره وحطيها مع الزهره

الصوص

أنا ماتقيدت فيه بالمقدار أحط المقدار من عندي انتي وابداعك عاد خخخخخخ

زبادي ومايونيز وثوم وخل وليمون وملح

قبل التقديم بشويااات حطي الصوص واذا خلاص بتقدمينها حطي البطاطس عشان يصير مقرمش مايترطب وتروح القرمشه

وذري عليها شويه سماق حسب الرغبه

وبس دعواتك وربي يعينك


من تصميم المبدعه ام الكتاكيت الله يحرم يدينها عن النار


الساعة الآن 08:36 .