__++ مجلس اطفال متلازمة الداون ++ ___

ذوي الاحتياجات الخاصة

السلام عليكم ورحمة الله وبركاتة

حبيت افتح هالموضوع لان المنتدى وخاصة هالقسم يخلوا منه ..
وموضوعه (( اطفال الداون )) .. الي عندهم اعاقة ذهنية ..

طبعاً اغلب الي عندهم اطفال فيهم الداون..
يعرفون يميزون الشخص الي عنده داون..
حتى البعض من شدة الملاحظه تقدر تعرف بمجرد النظر حتى لو كان من الخلف!!

وهو يتميزون عن غيرهم ..
بان العيون تجي مايله .. والاذان صغيره نوعا ما
وغيره من الاشياء اتمنى الاضافة من العضوات ..

هنا ابي وبهالصفحة ..
كل الي عندهم اطفال فيهم الداون يقولون كيف شدة الارتخاء عند اولادهم !!
واذا توديه (( لمدرسة خاصة )) عشان التمارين والرياضة ..


انا راح ابدا ..

عندي ولد عمره سبع شهور.. فيه الداون بس بسيط مرره والحمد لله..
اوديه مرتين في الاسبوع لمدرسة خاص في حي السفارات ..
والحمد لله السمع والنظر واللمس كلو كويس
بس للحين مايشد نفسه ولا يجلس..
بس يتقلب على بطنه حتى مايعرف يرجع على ظهره..
لما يتعب بس يحط راسه يرتاح..
واذا تعب تعب احس فيه واشيله..
..


خلاص احس تكلمت كثير ..
يلا الي عندها ولد او بنت مثل حالة ولدي تجي تقول عنه ...
انا بانتظاركم ومزهبه القهووة والحلى...



تحياتــــ ي
724
170K

هذا الموضوع مغلق.

ام فوفو
ام فوفو
هلا اختي انا ماعرف بالهلشغلات كثير بس انا بنتي برضه عندها تاخر بالنمو لما اوديها للعلاج الطبيعي اشوف بالقسم حلات متلازمة داون يسوون لهم علاج طبيعي يسلعدهم على شد نفسهم لانه حسب كلام احد الامهات معي تقول بنتي كان عندها رخاوة بالعضلات..بس على فكرة احس فيهم وداعه لما تطالعين وجوههم فيهم براءة ماشالله عليهم..الله يشفي الجميع..:27:
ام فوفو
ام فوفو
اختي معليش نسيت اسالك..ماقوالو ايس السبب في هالشئ انا اعرف حالة عندنا بالعائلة من بعيد يقولون ان امه جابته وهي كبيرة بالعمر؟؟
مادري هل قالوا ان هناك سبب معين..
شحرورة الخليج
اختي ام فوفو

لا مو صحيح الكبر في السن سبب للداون
هو يجي في جميع مراحل العمر ..
بس تزيد نسبته في الكبر..
انا اعرف وحده جابت البكر وفيه داون.

تحياتــــ ي
ركن سيدات الاعمال
باسم الله الرحمن الرحيم وبه نستعين اختى الشحرورة انا مثلك عندى بنتى تهانى داون سيندروم وبكرة ان الله احيانا راح تم 5 سنين وتمشى فى 6 انا ما شريت الكمبيوتر وتعلمت عليه الا علشانها وهى من النوع البسيط والحمد لله بنتى كانت اكثر رخاوة من طفلك لانها اول ما تمت 6 شهور من عمرها سوينا لها عملية كبيرة فى لندن فهى اخذت وقت سنتين ونصف حتى تمشى لكن معاها معاها لحد ما راحت المدرسة نعم تهانى فى مدرسة دمج مع الاطفال الطبيعين وكل يوم تقوم الساعة 5 علشانها المسكينة تخاف يروح عنها أباص يعنى الباص واذا حاولنا نخليها تنام تقول لا اروح ابلة خوخة ابلتها اسمها خولة بس بنتى سمعت المدرسات يدلعونها فعلقت معها اتمنىمن الله يسمعنا الاخبار الطيبة عنكم ودمتم سالمين على فكرة اذا تبين اى شى عنهم انا مستعدة اعلمك وارجو من الامهات اللى عندهم طفل مثلنا لا يستحون فى المشاركة:41::41::41::41::41::41::41::41::41:
شحرورة الخليج
ركن سيدات الاعمال

شاكرة لك مشاركتك ..
والله يحفظ لك تهاني وتشوفينها عروسة .
بس تصدقين حنا نفقتد لهذه الميزة الي عندكم ..
عندنا مافيه مدارس دمج للاطفال مع اطفال الداون ..
اتمنى لما يكبر ولدي يكون فكروا فيها لاني ابيه يدخل مدرسه عادية ويختلط مع الناس
والحين خلاص كثروا اطفال الداون وصرنا نشوفهم في كل مكان يعني صار شي ماهو غريب او ملفت
وهذا كويس عشان مايحس بالنقص او يشار اليه بالبنان ..